Eerste Minister van Suid-Afrika

Die Eerste Minister van Suid-Afrika was die regeringshoof van Suid-Afrika van 1910 tot 1984. Suid-Afrika het in daardie tydperk die Britse grondwetlike model gevolg, waar die staatshoof (die Goewerneur-generaal van Suid-Afrika tot 1961 en die Staatspresident van Suid-Afrika daarna) seremonieel en bo die partypolitiek verhewe was, terwyl die regeringshoof 'n politieke leier was. Die eerste minister is deur die staatshoof aangestel, maar in die praktyk was hy altyd die hoof van die politieke party of koalisie met die meerderheid van die setels in die parlement. Die ampte van staatshoof en regeringshoof is in 1984 saamgesnoer en die amp van Eerste Minister afgeskaf nadat 'n nuwe grondwet aangeneem is en die driekamerparlement ingevoer is.

Lys van Eerste Ministers van Suid-Afrika (1910–1984)

Partye

██ Suid-Afrikaanse Party ██ Verenigde Party ██ Nasionale Party

#	Naam (Geboorte–Dood)	Ampsaanvaarding	Amp verlaat	Verkies (Parlement)	Party
1	Louis Botha (1862–1919)	31 Mei 1910	27 Augustus 1919	1910 (1) 1915 (2)	Suid-Afrikaanse Party
2	Jan Christian Smuts (1870–1950)	3 September 1919	30 Junie 1924	— (2) 1920 (3) 1921 (4)	Suid-Afrikaanse Party
3	Barry Hertzog (1866–1942)	30 Junie 1924	5 September 1939	1924 (5) 1929 (6) 1933 (7) 1938 (8)	Nasionale Party (tot 1934) Verenigde Party (vanaf 1934)
(2)	Jan Christian Smuts (1870–1950)	5 September 1939	4 Junie 1948	— (8) 1943 (9)	Verenigde Party
4	Daniël François Malan (1874–1959)	4 Junie 1948	30 November 1954	1948 (10) 1953 (11)	Nasionale Party
5	Johannes Gerhardus Strijdom (1893–1958)	30 November 1954	24 Augustus 1958	— (11) 1958 (12)	Nasionale Party
6	Hendrik Verwoerd (1901–1966)	2 September 1958	6 September 1966	— (12) 1961 (13) 1966 (14)	Nasionale Party
7	John Vorster (1915–1983)	13 September 1966	2 Oktober 1978	— (14) 1970 (15) 1974 (16) 1977 (17)	Nasionale Party
8	Pieter Willem Botha (1916–2006)	9 Oktober 1978	14 September 1984	— (17) 1981 (18) 1984 (19)	Nasionale Party

Sien ook