Poker

Poker is 'n gewilde kaartspeletjie wat in dobbelary of vir vermaak gebruik word. Die algemeenste formaat is waar 'n aantal spelers meeding om 'n sentrale pot waarin elke speler weddenskappe plaas. Die speler met die beste kombinasie kaarte wen die sentrale pot of 'n speler wen die pot wanneer die speler 'n weddenskap in die sentrale pot maak wat deur geen ander speler geroep word nie. Poker kan ook verwys na videopoker, 'n tipe dobbelmasjien wat algemeen in dobbelhuise voorkom en waarin spelers teen die dobbelhuis meeding.

Pokervariasies

Daar is verskeie variasies van poker. Elke variasie volg dieselfde patroon. Die gewildste variasie is tans Texas Hold'em waarin elke speler 2 kaarte ontvang en 5 sentrale kaarte gedeel word wat deur elke speler gebruik kan word. Die speler wat die beste moontlike hand met die 7 kaarte kan maak, wen die pot. Ander variasies sluit in Draw Poker, Stud Poker en Omaha. Video-poker maak oor die algemeen gebruik van die Draw Poker-variasie.

Pokerformate

Poker kan in 'n kontant- of toernooiformaat gespeel word. In kontantformaat wed en wen die spelers fisiese kontant in elke hand wat gespeel word. In toernooiformaat sal elke speler 'n kontantinskrywing betaal waarna met denkbeeldige kontant gespeel word. 'n Speler is uit die toernooi wanneer hy al sy denkbeeldige kontant verloor het. Kontantpryse word gewoonlik aan die laaste paar spelers in die toernooi toegeken. Die speler wat die toernooi wen, kry die grootste aandeel.

Pokerhande

Royal flush: Vyf opeenvolgende kaarte van dieselfde soort, met die aas as die hoogste kaart. Byvoorbeeld: A♠ K♠ Q♠ J♠ 10♠.
Straight flush: Vyf opeenvolgende kaarte van dieselfde soort. Byvoorbeeld: Q♦ J♦ 10♦ 9♦ 8♦
Four of a kind: Ook carré of quads genoem, vier kaarte van dieselfde waarde. Byvoorbeeld: 4♣ 4♦ 4♥ 4♠ 9♥
Full house: Drie kaarte van dieselfde waarde, gekombineer met twee kaarte van 'n andere soort met dieselfde waarde. Byvoorbeeld: 8♣ 8♦ 8♠ K♥ K♠
Flush: Vyf willekeurige kaarte van dieselfde soort. Byvoorbeeld: K♠ J♠ 8♠ 4♠ 3♠.
Straight: Straat. Vyf in waarde opeenvolgende kaarte van willekeurige soort. (Die aas kan hier gebruik word as hoër as die Heer, of as één, dus laer as twee) Byvoorbeeld: 5♦ 4♥ 3♠ 2♦ A♦
Three of a kind: Ook trips of set genoem. Drie kaarte van dieselfde waarde. Byvoorbeeld: 7♣ 7♥ 7♠ K♦ 2♠
Two pair: Twee pare, Twee kaarte van gelyke waarde, gekombineer met een paar kaarte van 'n ander gelyke waarde. Byvoorbeeld: A♣ A♦ 8♥ 8♠ Q♠.
One pair: Een paar. Twee kaarte van dieselfde soort. Byvoorbeeld: 9♥ 9♠ A♣ J♠ 4♥
High card: Ook bekend as No pair of hoog. Die hoogste kaart tel, waarby die twee as laagste en aas as hoogste kaart geld. In hierdie voorbeeld bestaan die hand uit "Ace high" oftewel "Aas hoog". Byvoorbeeld: A♦ 10♦ 9♠ 5♣ 4♣

As meer spelers die pot beveg en klaar is met hul insette, word hul hande getoon ("showdown"). Om die pot in so 'n geval te wen moet die speler al sy toe kaarte wys, selfs al het hy op die basis van één kaart al genoeg gedoen om die pot te wen.