Vishnu
| Vishnu (viṣṇu) | |
|---|---|
 Vishnu en Lakshmi op Shesha Naga, c. 1870 | |
| Devanagari | विष्णु |
| Woonplek | Vaikuntha |
| Wapen | Sudarshana Chakra en die Kaumodaki |
| Metgesel | Lakshmi |
| Rydier | Garuda |
Vishnu of Wisjnoe (Devanagari: विष्णु viṣṇu) is die oppergod in die Vaishnavisme-tradisie van Hindoeïsme. Smarta-volgelinge vereer Vishnu as een van die vyf primêre vorme van god,[1] en sy opperstatus word in die Hindoes se heilige geskrifte soos die Yajurveda, Rigveda en Bhagavad Gita verklaar.[2][3][4]
Agtergrond
[wysig | wysig bron]Die Vishnu Sahasranama[5] verklaar Vishnu as Paramatma (oppersiel) en Parameshwara (oppergod). Dit beskryf Vishnu as die alomteenwoordige essensie van alle wesens, die meester van – en verhewe bo – die verlede, hede en toekoms, die skepper en vernietiger van alle bestaan, die een wat die heelal ondersteun, onderhou en regeer en wat aan al die elemente daarbinne oorsprong gee en dit ontwikkel.
In die Puranas word beskryf dat Vishnu 'n goddelike kleur van wolke (donkerblou) het met vier arms waarmee hy 'n lotus, staf, trompetskulp en chakra (wiel) vashou. In die Bhagavad Gita word ook beskryf dat Vishnu 'n "universele vorm" (Vishvarupa) het wat buite die perke van die mens se sintuiglike waarneming lê.[6]
Die Puranas beskryf ook elkeen van die avatars van Vishnu. Onder die tien hoofavatars wat beskryf word, het nege in die verlede voorgekom en sal een in die toekoms voorkom teen die einde van die Kali-yuga. In die kommentaar van die skepper Brahma in Vishnu Sahasranamam verwys hy na Vishnu as "Sahasrakoti Yuga Dharine", wat beteken dat hierdie inkarnasies in alle yugas op kosmiese skaal voorkom. Die Bhagavad Gita meld dat hulle doel is om dharma te vernuwe[7] en negatiewe magte te oorwin en om sy goddelike bedrywighede voor al die gevalle siele te vertoon. In byna alle Hindoedenominasies word Vishnu óf direk aanbid óf in die vorm van een van sy tien avatars, soos Rama, Krishna en Siddhartha Gautama.[8]
Die Trimurti ("drie vorme"; Sanskrit: trimūrti) is 'n konsep in Hindoeïsme "waarin die kosmiese funksies van skepping, instandhouding en verwoesting verpersoonlik word deur die vorme van Brahma die skepper, Vishnu die instandhouer of behoeder en Shiva die vernietiger of vervormer".[9][10] Hierdie drie godhede word soms "die Hindoe-triade" genoem. Die Bhagawata Purana verduidelik dat van die drie lede van die Trimoerti, die grootste guns van Vishnu af verkry kan word.[11]
Verwysings
[wysig | wysig bron]- ↑ The Sri Vaishnava Brahmans, K. Rangachari (1931) p. 2
- ↑ Albrecht Weber, Die Taittirîya-Saṃhitâ, Leipzig, Indische Studien 11-12, Brockhaus (1871, 1872) e-teks
- ↑ A. Berridale Keith, The Yajur Veda – Taittiriya Sanhita 1914, volledige teks, (aanlyn by sacred-texts.com). Vir spesifieke verse, sien [Kanda V, verse 5.1. http://www.sacred-texts.com/hin/yv/yv05.htm]
- ↑ Devi Chand, The Yajurveda. Sanskrit-teks met Engelse vertaling. Derde deurgaans hersiene en uitgebreide uitgawe (1980).
- ↑ Sri Vishnu Sahasaranama – Transliterasie en vertaling van dreungesang
- ↑ Prabhupada, AC Bhaktivedanta. "Bhagavad-gita As It Is, Hoofstuk 11 Vers 3". vedabase.net. Geargiveer vanaf die oorspronklike op 15 Mei 2008. Besoek op 10 Mei 2008. "..kyk die "kosmiese manifestasie""
- ↑ Bhagavad Gita 4.7 "...op daardie tyd bring ek Myself neer"
- ↑ Matchett, Freda (2000). Krsna, Lord or Avatara? the relationship between Krsna and Visnu: in the context of the Avatara myth as presented by the Harivamsa, the Visnupurana and the Bhagavatapurana. Surrey: Routledge. p. 4. ISBN 0-7007-1281-X.
- ↑ Vir 'n aanhaling wat die Trimoerti definieer, sien Matchett, Freda. "The Purāṇas", in: Flood (2003), p. 139.
- ↑ Dat die Trimoerti-stelsel Brahma as skepper het, Vishnu as die instandhouer of behoeder, en Shiva as die vernietiger of vervormer, kyk: Zimmer (1972) p. 124.
- ↑ "argiefkopie". Geargiveer vanaf die oorspronklike op 23 November 2010. Besoek op 11 April 2009.
Normdata  |
|
|---|