Walt Whitman Rostow

	Walt Whitman Rostow
	; Walt Whitman Rostow, 7 Oktober 1968
	7de Nasionale Sekuriteitsadviseur
	Ampstermyn; 1 April 1966 – 20 Januarie 1969
President	Lyndon B. Johnson
Voorafgegaan deur	McGeorge Bundy
Opgevolg deur	Henry Kissinger
1ste Adjunk-Nasionale Sekuriteitsadviseur
	Ampstermyn; 1961 – 1961
President	John F. Kennedy
Voorafgegaan deur	Amp geskep
Opgevolg deur	Carl Kaysen
Persoonlike besonderhede
Gebore	7 Oktober 1916 ; New York Stad, New York
Sterf	13 Februarie 2013; Austin, Texas
Politieke party	Demokraat
Eggenoot/-note	Elspeth Rostow
Kind(ers)	Peter Rostow; Ann Rostow

Walt Whitman Rostow (* 7 Oktober 1916 in New York Stad; † 13 Februarie 2003 in Austin, Texas) was 'n Amerikaanse ekonoom, ekonomiese historikus en in die tydperk tussen 1960 en 1969 'n Amerikaanse kabinetslid.

Biografie

Walt Whitman Rostow is in 1916 as die seun van die Joods-Russiese immigrante Viktor Aaron en Lillian Rostow in New York gebore. Op die ouderdom van vyftien jaar het hy in 1932 die high school-eksamen in New Haven afgelê en 'n beurs ontvang om aan die Yale-universiteit vir 'n graad in ekonomie en geskiedenis te studeer. In 1936 het Rostow 'n befaamde Rhodes-beurs ontvang wat hom in staat gestel het om van 1936 tot 1938 aan die Universiteit van Oxford te studeer. In 1940 het hy in Yale met sy dissertasie oor British Trade Fluctuations, 1868–1896 sy doktersgraad behaal. In die volgende jaar was hy dosent in ekonomie aan die Columbia-universiteit.

Ná die Verenigde State se toetrede tot die Tweede Wêreldoorlog het Rostow 'n lid van die Office of Strategic Services onder die leiding van William Donovan geword. Ná die oorlog was hy tussen 1946 en 1947 Harmsworth-professor vir geskiedenis in Oxford en in die volgende jare dosent aan die Columbia-universiteit en die Massachusetts Institute of Technology (MIT).

In 1958 is Rostow as president Dwight D. Eisenhower se spookskrywer benoem. Tydens die presidensiële verkiesingsveldtog van die jaar 1960 het hy 'n lid van John F. Kennedy se span geword. Ná Kennedy se verkiesing het Rostow by die MIT bedank en as veiligheidsraadgewer en later in die Amerikaanse State Department (Departement van Buitelandse Sake) as stafhoof van Politieke Beplanning gefungeer. In dieselfde jaar het ook sy opspraakwekkende werk The Stages of Economic Growth: A Noncommunist Manifesto verskyn wat 'n nuwe waardevolle bydrae tot die wetenskaplike debat oor ekonomiese moderniseringsmodelle gelewer.

Ná die moord op Kennedy in November 1963 het hy sy werk onder die nuwe president Lyndon B. Johnson voortgesit. Aan die begin van die jaar 1966 is Rostow as Nasionale Veiligheidsraadgewer benoem en het hierdie amp tot by Januarie 1969 beklee. Hy is destyds in toenemende mate daarvan beskuldig dat hy een van hoofverantwoordelikes vir die eskalasie van die Viëtnam-oorlog sou wees. Met die verkiesing van Richard Nixon as nuwe president in 1969 het Rostow uit die politiek bedank.

Aangesien die MIT geweier het om hom weer tot sy ou leerstoel toe te laat, het hy as Junior Professor Emeritus aan die Universiteit van Texas (Austin) se Lyndon B. Johnson School of Public Affairs begin werk. Hier het hy tot by sy afsterwe in 2003 lesings in ekonomie en geskiedenis gehou.

Werke

Investment and the Great Depression (1938), Econ History Review
Essays on the British Economy of the Nineteenth Century (1948)
The Terms of Trade in Theory and Practice (1950), Econ History Review
The Historical Analysis of Terms of Trade (1951), Econ History Review
The Process of Economic Growth (1952)
The Dynamics of Soviet Society (met ander outeurs), Norton and Co. 1953, slight update Anchor edition 1954
Trends in the Allocation of Resources in Secular Growth (1955), in: Dupriez (uitgewer), Economic Progress
An American Policy in Asia, met R.W. Hatch, (1955)
The Take-Off into Self-Sustained Growth (1956), EJ
A Proposal: Key to an effective foreign policy, met M. Millikan (1957)
The Stages of Economic Growth (1959), Econ History Review
The Stages of Economic Growth: A non-communist manifesto (1960)
Politics and the Stages of Growth (1971)
How it All Began: Origins of the modern economy (1975)
The World Economy: History and prospect (1978)
Why the Poor Get Richer and the Rich Slow Down: Essays in the Marshallian long period (1980)
Theorists of Economic Growth from David Hume to the Present (1990)