Donus

Dr Donus oder Domnus († 11. April 678) isch vum 2. Novämber 676 bis zue sym Dood Papscht un Bischof vu Rom gsii.

Lääbe un Wiirke

Är isch e Suhn vum Remer Mauricius gsii. Iber des, was er as Papscht gmacht het, waißt mer seli wenig. Noch em Liber Pontificalis het er dr Petersblatz mit wyssem Marmor bfleschtere loo. Derzue het er verschideni Chilche un Kapälle renoviere loo.

Unter em Donus isch e Schisma z Änd gange, wu e baar Johr vorhär aagfange het mit em Sträbe no Unabhängigkait vum Erzbischtum vu Ravenna. Derzue haißt s, ass in dr Zyt vu sym Pontifikat e Gruppe vu syrische Mench ufgfloge sei, wu si ohni Erlaubnis in eme Chloschter bi Rom ufghalte heebe. Dr Donus heeb si verjagt un s Chloschter an Yyhaimischi vergee.

Noch ere Amtszyt vu aim Johr, fimf Monet un zee Dääg isch dr Donus gstorbe un im Petersdom vergrabe wore. E Mosaik, wu no sym Dood in ere Chilche bim Forum Romanum ufgstellt woren isch, isch aber gschlisse wore.

Literatur

Rudolf Schieffer: Donus In: Lexikon des Mittelalters, Bd. 3 (1986) Sp. 1253.
Friedrich Wilhelm Bautz: Donus, Papst. In: Biographisch-Bibliographisches Kirchenlexikon (BBKL). Band 1, Hamm 1975, Sp. 1360.

Weblink

Commons: Donus – Sammlig vo Multimediadateie

Vorgänger	Amt	Nachfolger
Adeodatus II.	Papscht 676–678	Agatho

Dä Artikel basiert uff ere fräie Übersetzig vu dere Version vum Artikel „Donus“ vu de dütsche Wikipedia. E Liste vu de Autore un Versione isch do z finde.