Komitatssitz
Komitatssitz (uff Ungarisch megyeszékhely [ˈmɛɟɛˌseːkhej] isch sälle Ort vo me ungarische Komitat, wo d'Verwaltig und d'Regierig ihr Sitz hän. In de Verfassig vo Ungarn werre d'Komitatssitz und d'Näme vo de Komitat sit 1990 vo de Regle 67/1990 (VIII. 14.) bstimmt.
Gschicht
[ändere | Quälltäxt bearbeite]Im Chönigrych Ungarn sin d'Komitat um d'Schlösser umme entstande, drum isch es als selbstverständlig aglüegt worre, das sälli de Komitatssitz darstelle. De Adel vo sälle Schlösser hät de Komitatssitz bis 1723 sälber chönne bstimme. Ab Johr 1723 hät s Gsetz 1723:LXXIII.tc. d'Azahl vo de Komitat bstimmt. Zwar hät s Gsetz au e Komitatssitz vorgschrybe, sälle hän d'Komitat aber witerhy sälber bstimmt.
Erscht noch em Östrychisch-Ungarische Usglych (1867) isch de Regierig vom Komitat sälli Freiheit eweggnoh worre und s Gsetz hät d'Komitatssitz bstimmt. Sälli Situation hät sich sither nit gändert, allerdings hät de Inhaber vom Rächt, de Komitatssitz z bstimme, mehreri Mol gwechselt. Sit 1990 legt si d'Verfassig fest.
Liste vo de Komitatssitz
[ändere | Quälltäxt bearbeite]In Chlammere stönn di züeghörige Komitat
- Békéscsaba (Békés)
- Budapest (Pest)
- Debrecen (Hajdú-Bihar)
- Eger (Heves)
- Győr (Győr-Moson-Sopron)
- Kaposvár (Somogy)
- Kecskemét (Bács-Kiskun)
- Miskolc (Borsod-Abaúj-Zemplén)
- Nyíregyháza (Szabolcs-Szatmár-Bereg)
- Pécs (Baranya)
- Salgótarján (Nógrád)
- Szeged (Csongrád)
- Szekszárd (Tolna)
- Székesfehérvár (Fejér)
- Szolnok (Jász-Nagykun-Szolnok)
- Szombathely (Vas)
- Tatabánya (Komárom-Esztergom)
- Veszprém (Veszprém)
- Zalaegerszeg (Zala)
Lüeg au
[ändere | Quälltäxt bearbeite]Weblingg
[ändere | Quälltäxt bearbeite]
|
Dä Artikel basiert uff ere fräie Übersetzig vum Artikel „Megyeszékhely“ vu de ungarische Wikipedia. E Liste vu de Autore un Versione isch do z finde. |