Los Angeles
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Los Angeles (Los Angeles u LA en abreviadura en anglés; en aragonés sería Os Ánchels) ye una ciudat d'os Estaus Unius situada en o estato de California, en a costa de l'oceano Pacifico y a bels 150 kilometros a lo norte d'a muga con Mexico. Ye a capital d'o condau de Los Angeles.
Los Angeles | |||
Localidat d'Estaus Unius | |||
| |||
País • Estato • Condau |
![]() California Los Angeles (capital) | ||
Superficie | 1.290,6 km² | ||
Población • Total • Densidat |
3976322 hab. (2016) 3.041,3 hab/km² | ||
Altaria • Meyana |
0 m. | ||
Coordenadas | | ||
Web oficial |
A suya población ye de 3.957.875 d'habitants en una superficie de 1.290,60 km², con una densidat de población de 3.041,30 hab/km². Por o suyo numero de habitants, Los Angeles ye a segunda ciudat mas gran en os Estaus Unius dimpués de Nueva York. En a suya aria metropolitana viven bels 16 millions de personas. Respective d'a superficie que ocupa, ye a primera ciudat de Norteamerica y una d'as mayors d'o mundo. L'amplaria dende a suya estrimera norte dica la suya estrimera sud ye de bels 100 kilometros.
En a ciudat se troban cuantos puestos famosos. O mas conoixiu ye o barrio de Hollywood, centro d'a industria d'o cine en os Estaus Unius. Antiparte, ye una ciudat olimpica, en estar a seu d'os Chuegos Olimpicos de Los Angeles de 1932 y d'os Chuegos Olimpicos de Los Angeles de 1984. Conta con l'aeropuerto internacional de Los Angeles.
Orichen etimolochico
editarEn 1769, Gaspar de Portolá desembarcó en California, en os cantos d'un río que clamó Nuestra Señora Reina de los Ángeles (Nuestra Sinyora Reina d'os Ánchels en aragonés). A ciudat que se establió poco dimpués en ixe mesmo puesto adoptó parti d'ixe nombre y se clamó El Pueblo de Nuestra Señora la Reina de los Ángeles de Porciúncula (O Lugar de A nuestra Sinyora la Reina d'os Ánchels de Porciúncula en aragonés) nombre que dimpués se simplificó por o de El Pueblo de la Reina de los Ángeles (O Lugar d'a Reina d'os Ánchels en aragonés) d'o que procede l'actual.
Cheografía
editarA ciudat de Los Angeles se troba situata a o canto de l'oceano Pacifico, estando a livel d'a mar.
Historia
editarLa zona de costa de l'actual Los Angeles estió habitada d'antis d'a plegada d'os primers europeus por tribus amerindias como los tongva, los chumash. Los primers europeus que plegoron a lo lugar en 1542, lideraus por Juan Rodríguez Cabrillo, un explorador espanyol que reclamó l'aria como Ciudat de Dios en nombre d'a Corona de Castiella, pero continó lo suyo viache sin asentar-se en o puesto. L'aria de Los Angeles, igual que tot lo estau de California, estió incluyida a meyaus d'o sieglo XVI en o virreinau de Nueva Espanya. Lo 2 d'agosto de 1769, Gaspar de Portolá y lo misionero franciscano Juan Crespí plegoron a lo puesto an actualment se troba la ciudat. Crespí notificó que lo puesto presentaba un gran potencial como lugar d'asentamiento. Dos anyos dimpués, en 1771, unatro fraile franciscano, Junípero Serra, ordenó construyir la Misión Santo Gabriel Arcángel, lo que hue se conoixe como Val de Santo Gabriel. En 1777, lo nuevo gubernador de California, Felipe de Neve, recomendó a lo virrey de Nueva Espanya que lo puesto anteriorment recomendau per Juan Crespí estase nombrau pueblo. La ciudat estió fundada lo 4 de setiembre de 1781 per un grupo de 44 personas, espanyols amerindios y atros d'orichen africano, con o nombre de "El Pueblo de Nuestra Señora la Reina de los Ángeles de Porciúncula".
Esporte
editarCompeticions esportivas
editarLos Angeles a estau seu d'os Chuegos Olimpicos de 1932 y d'os Chuegos Olimpicos de 1984, y estará tamién seu d'os Chuegos Olimpicos de 2028.
Administración
editarAlcaldes
editarBarrios
editarCultura
editarCine
editar- Screamfest Horror Film Festival, un festival ciematografico adedicau a lo cine de terror.
Localidaz achirmanadas
editar- Berlín (Alemanya), dende 1967.
- Manchester (Reino Uniu).
Vinclos externos
editar- Se veigan as imáchens de Commons sobre Los Angeles.
- (en) Pachina web oficial municipal de Los Angeles.