Los Angeles

34°3′8″N 118°14′34″W / 34.05222°N 118.24278°W / 34.05222; -118.24278

City of Los Angeles

Downtown Los Angeles

Styresmakter

Delstat
Fylke

California
Los Angeles County

Geografi

Flatevidd

1 290,6 km²

Innbyggjarar
- By (1. april 2020)
- folketettleik

3 898 747^[1]^[2]
3165/km²

Høgd over havet

106 m

Tidssone

PT (UTC-8)

Diverse anna

Heimeside: https://lacity.gov

Plassering

Los Angeles (ofte korta til LA) er ein storby sør i delstaten California på vestkysten av USA. Los Angeles er den største byen i California, og den nest største byen i USA med eit innbyggjartal på 3 798 981 (2002), med forstadar kring 17,5 millionar.

LA ligg i Los Angeles County. Byen er USA sitt største byområde i utstrekning, med kring 1200 km² i samla flatevidd.

Historie

Området Los Angeles ligg på har vore folkesett av amerikanske urfolk i tusenvis av år, i hovudsak av Chumashfolket og Tongvafolket.

Europearar kom til Los Angeles fyrste gong i 1542, då spanjolen Juan Cabrillo reiste gjennom området. Det var ikkje før i 1769 at spanjolane etablerte ein varig busetnad i området, da dei etablerte Mission San Gabriel Arcangel her.

Den 4. september 1781 grunnla nybyggjarar frå misjonen ein by. Denne byen vart kalla El Pueblo de Nuestra Señora la Reina de los Ángeles de la Porciúncula. Namnet syner tilknyting til Fransiskanarane.

Fram til den meksikansk-amerikanske krigen i 1846-48 var byen ein liten meksikansk småby. Etter at USA erobra California byrja byen å veksa snøgt, som eit resultat av gullfeberen frå 1849. I 1850 fekk Los Angeles bystatus.