Sarrat
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
 Esta pachina ye escrita en ribagorzano.
|
| Sarrat | |
| Lugar d'Aragón | |
.jpg) | |
| Entidat • País • Provincia • Comarca • Municipio |
Lugar Aragón.svg){kind=small} UescaRibagorza Vall de Lierp |
| Partiu chudicial | Boltanya |
| Población • Total |
12 hab. (2020) |
| Altaria • Meyana |
1174 m. |
| Distancia • 127 km |
enta Uesca |
| Codigo postal | 22451 |
| Parroquial • Diocesi • Arcipestrau • Parroquia |
Balbastro-Monzón Sobrarbe-Ribagorza Santa María |
| Coordenadas | |
Sarrat[1][2] (oficialment, en castellano, Serrate[3]) é un llugar d'el municipio de Vall de Lierp, en la comarca de Ribagorza y la provincia de Uesca. En 2020 teniba una población de 12 habitants.[4]
Sarrat se composa de diferents barrios, deseparaus bels cientos de metros por la costera de la montanya. La ilesia é en el barrio d'alto, con la pllaza d'el llugar adebant. Pueyo é tamé cerqueta, encara que no pllega a ser barrio.
Historicament, las casas de Sarrat regaban con l'aigua d'una ceclla que veniba dende las Vilas per la versant d'el Turbón. En el siglo XX se va secar la ceclla per abuso d'aigua en las Vilas.[5]
Llengua
[editar | modificar o codigo]Como tot el municipio de vall de Lierp, Sarrat é en zona de transición llingüistica entre l'aragonés y el catalán, en las suyas variants ribagorzanas. Sarrat é a la parte occidental de la vall, aon las aiguas marchan cara ta l'Esera, como tamén Pueyo, Eixea, Padarnín y l'Obago. La parla d'esta parte de la vall se considera aragonés ribagorzano de transición ta catalán, mentres que la parte oriental (Piniello y Reperós) s'ha calsificau como catalán ribagorzano de transición ta aragonés.
La dita transición é tan progresiva que de regular las parlas de tota la Ribagorza, tanto las que pertencen a la un como a l'atro idioma, son comprensibles entre si y tenen elementos comuns que son propios d'esta comarca.
Demografía
[editar | modificar o codigo]
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| 1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE. | ||||||||||||||||||
Toponimia
[editar | modificar o codigo]I ha tres teorías sobre la orichen d'el toponimo «Sarrat».[1] La primera é la mes espardida, y diu que vene d'el llatín <*SERRATU,[1] forma diminutiva de <SERRA, «serra». Esto é una forma elaborada d'expllicar que é una variant de la palabra aragonesa «sarrau», pero con perda de la vocal zaguera. S'achusta prou ben con la realidat fisica d'el puesto aon é pllantau el llugar; ben a las cllaras sobre un sarrau d'el solano d'el Turbón.
Una atra teoría diu que vene d'el basco u mes en concreto d'el basco-iberico. L'autor que la defensa diu que vene de <sarhate, «puerta d'entrada», u de la voz <at(h)e, «puerto».[1]
Un tercer autor proposa que en realidat é un toponimo derivau d'un antroponimo u nombre de persona llatino: Serratius u Sarratus, por el que significaría la propiedat de Serratius u de Sarratus.[1]
.jpg)
El nome de Sarrat amaneix la primer vagada en 1381 como «Sarado».[3] en citas posteriors ya lo trobam como Sarrad, Sarrat y Serrat.[3] En 1612 eba Sarrat, y dimpués en 1625 unatra vegada:
La forma Serrate é una recomposición de vocal final, que en castellano se fa con -e, mesmo en los casos que i heba -o, (Buste, Cuarte, Lumpiaque, etcetra..).
Casas
[editar | modificar o codigo]Las casas de Sarrat son: casa Bardaixín, casa Carpintero, casa Castel, casa Juan Alins, casa Puyuelo, casa Sastrero y casa Sopena.[6]
Monumentos
[editar | modificar o codigo]- Ilesia parroquial de Santa María, en el barrio d'alto, que é d'el siglo XVIII con la suya forma actual. Manimenos, se sabe que i heba una ilesia anterior, lo menos dende l'any 1543.[7]
- La casa de l'abadía é seu d'el Museu Etnolochico de Vall de Lierp.[8]
Festas
[editar | modificar o codigo]Con toz els llugars de la Vall, fan las festas de conchunta. Este é el calendario festivo de vall de Lierp:[9]
- La festa menor é pa Santa Agueda, el 5 de febrero.
- 13 de chunio, romería enta la ermita de Sant Antón.
- 29 de chunio, romería enta la ermita de Sant Pedro en Padarnín.
- 2 de chuliol, romería enta la ermita de la Virchen d'el Pueyo, entre Eixea y l'Obago.
- La festa mayor tradicionalment eba el 4 y 5 de setiembre. Actualment les festas con Semana Cultural se fan la semana antes de la zaguera d'agosto.
Referencias
[editar | modificar o codigo]- ↑ 1,0 1,1 1,2 1,3 1,4 (an) MIGUEL BALLESTÍN, Pascual, Toponimia Mayor de Aragón; pp. 427-428. Institución «Fernando el Católico» + Gara d'Edizions. Zaragoza, 2014. ISBN 978-84-8094-059-7
- ↑ (an) Video Noms dels llugás de l'Archivo Audiovisual de l'Aragonés, feit a Padarnín por l'Asociación Cultural Parola.
- ↑ 3,0 3,1 3,2 (es) Serrate en la web de l'Ayuntamiento de Vall de Lierp; consultada l'1 de mayo de 2019.
- ↑ (es) Nomenclátor: Población del Padrón Continuo por Unidad Poblacional a 1 de enero ; consultau el 23 de mayo de 2019.
- ↑ (es) Fauna y Flora a la web de l'Ayuntamiento de Vall de Lierp, consultada el 28 d'abril de 2019.
- ↑ (es) SELFA SASTRE, Moisés. Toponimia de Ribagorza. Municipio de Valle de Lierp. Colección Toponimia de Ribagorza. Editorial Milenio. Lleida, 2003. ISBN 4-9743-089-1
- ↑ (es) Cartel informativo pendiu en la portalada de la propia ilesia.
- ↑ (es) Noticia El Museo Etnológico de Valle de Lierp (Huesca) rescata la forma de vida del medio rural, consultada el 27 d'abril de 2019.
- ↑ (es) Fiestas y Tradiciones, de la web de l'Ayuntamiento de Vall de Lierp, consultada el 28 d'abril de 2019.
Vinclos externos
[editar | modificar o codigo]
| Lugars d'el municipio de la Vall de Lierp | |
|---|---|
| Poblaus: Eixea | Padarnín | Pueyo | Reperós | L'Obago | Sarrat Despoblaus: Piniello |
