اقباط مسيحيين
| ||||
|---|---|---|---|---|
| صنف فرعى من | الشعوب الافروآسيويه | |||
| جزء من | المصريين | |||
| ⲚⲓⲢⲉⲙ̀ⲛⲭⲏⲙⲓ ̀ⲛ̀Ⲭⲣⲏⲥⲧⲓ̀ⲁⲛⲟⲥ NiRemenkīmi enKhristianos | ||||
 | ||||
 الكنيسه المعلقه فى حى مصر القديمه ، فى منطقة القاهرة القبطية الاثرية
| ||||
| عرقيات دينيه | ||||
| البلد |  مصر
| |||
| العدد الكلى | 5–20 مليون [1] (estimates vary) | |||
| اللغه الام | مصريه ، قبطيه | |||
| ديانه | مسيحيه ارثوذكسيه | |||
| العلم | ||||
| بتتكون من | كنيسة اسكندريه المصريه الارتودوكسيه | |||
| الشتات | مصر 7,821,000
| |||
 أيقونة قبطية تظهر القديس مرقس، البابا الاولانى للاسكندرية ومؤسس الكنيسة القبطية.
| ||||
تعديل  |
||||
|
القبطى (لغه قبطى: ⲟⲩⲢⲉⲙ̀ⲛⲭⲏⲙⲓ ̀ⲛ̀Ⲭⲣⲏⲥⲧⲓ̀ⲁⲛⲟⲥ, المعنى الحرفى: المصرى), معناها الاساسى مصرى و بقت بتستعمل عشان توصف الشخص بانه المصرى اللى سكن حول النيل و عمل الحضاره المصريه القديمه و احفادهم اعتنقوا المسيحيه و الاسلام و اليهوديه.[2] كلمة "الأقباط" كانت بتستخدم فى العربى (الكلاسيكى) للاشارة للمصريين بصوره عامه , لكن دلالة كلمة "الاقباط" اتحولت على مر القرون و بقى المعنى, خصوصا فى اللغات التانيه, المسيحين المصريين و المسيحية المصريه, و تحديدا بعد اعتناق الجزء الاكبر من السكان فى مصر الاسلام.[3] و دلوقتى الاستخدام, كتير ينطبق على اعضاء الكنيسة الأرثوذكسية القبطية المصرية بغض النظر عن الاصل العرقى. علشان كده الكنيسة الاثيوبية و الاريترية من المسيحيين (والنوبيين قبل اعتناق الاسلام) كان بيتقال عليهم فى العاده الاقباط. وبالرغم من ان الكلمة تطلق غلط على المسيحيين فى مصر بس, الا ان الاصح ان كل المصريين اقباط بمختلف ديانتهم.
موجز تاريخى
تاريخ الاقباط (بمعناه الدينى) بيرجع لبدايات ظهور المسيحيه اللى اسسها فى مصر القديس مرقس تلميذ المسيح و عشان كده بيتلقب بكاروز مصر و كرازته اسمها "الكرازه المرقسيه". مرقس حط فى الكرازه اول اسقف "أنيانوس" (62-82) فبنى اول كنيسه فى اسكندريه و اشتهرت فى التلت قرون الاولى باسم "مدرسة اسكندريه اللاهوتيه" و طلع منها علما كبار زى بنتينوس السكندرى (القرن التانى) اللى هذب اللغه القبطيه, و الفيلسوف اوريجن. الكنيسه القبطيه المصريه بيرجع ليها الفضل كمان فى تأسيس الرهبنه و نشرها و روادها كانو انطونيوس ابو الرهبنه و مكاريوس المصرى و باخوميوس ابو الشركه و شنوده ابو المتوحدين. و فى عهد اثناسيوس الاول دخلت المسيحيه رسمى بلاد الحبشه و عينت الكنيسه المصريه هناك أسقف. عانى الاقباط اضطهادات جامده من الاباطره كان اهمها اضطهادات نيرون و تراجان و دقلديانوس و استشهدت اعداد كبيره من المصريين كان منهم مينا العجائبى و تادرس الشطبى و القديسه دميانه. و بيعتبر القرن التالت هوه عصر الكنيسه المصريه القبطيه اللى ظهر فيه ابطال كتار. و فى القرن الخامس انشقت الكنيسه القبطيه المصريه عن الكنيسه الكاتوليكيه و البيزنطيه بسبب خلاف على طبيعة المسيح و عانى الاقباط من اضطهادات البيزنطيين. اتعرض الاقباط لاضطهادات كتيره ايام الامويين اللى ابتدعو مكوس و ضرايب لنهب مصر و المصريين و الفاطميين و بالذات فى عهد الحاكم بأمر الله اللى طاح فى المصريين, لكن فى العصر المملوكى المعروف بتفتحه قل الاضطهاد بوجه سنه و ماكانش فيه اضطهاد منظم برغم الصراعات و الحروب مع المسيحيين الاوروبيين (الحروب الصليبيه) اللى الاقباط ما كانش ليهم دخل فيها و عانو مع بقية المصريين و سنهل سلاطين الدوله المملوكيه ابهات الكنيسه المصريه بكل احترام و توقير, و ظهر من الاقباط مؤرخين و علما و رجال دوله كبار و طبقات من المثقفين كان من اشهرهم علما و ادبا من عيله كامله اسمها عيلة "ولاد العسال", شاف تأسيس الدوله المملوكيه فى مصر تعيين اول وزير قبطى من فترة دخول العرب مصر هوه شرف الدين ابو سعيد هبة الله صاعد الفائزى اللى اتنصب وزير للسلطان عز الدين ايبك. لكن فى العصر العثمانلى اللى اتنكبت بيه مصر من سنه 1517 و اللى اتعرف باضمحلاله اتهدمت اديره كتيره فى مصر و اشتد اضطهاد الاقباط لكن بالرغم من كده و بسبب تفوقهم و امانتهم اتعين منهم ناس كتيره فى وظايف مهمه زى ابراهيم الجوهرى و الياس بقطر و المعلم غالى وزير مالية محمد على. فى القرن 18 فيه منهم بقو كاتوليك و بقى ليهم بطريرك خاص و فيه عدد انضم للمذهب الپروتستانتى.
الاقباط بيمثلو جزء اصيل فى المجتمع و الثقافه المصريه و الفن القبطى(المصري) بيعتبر امتداد للفن المصرى القديم مع شوية عناصر من التراث المسيحى.
اصل الكلمة
القبطى حرفيا بعنى المصرى و تاريخيا يعنى المصرى. الكلمة الانجليزى Coptic (قبطى) من اللاتينى Coptus, و هى مشتقة من العربية qubṭi قبطى (رر: qubṭ قبط الأقباط و أقباط), و التعريب من الأقباط kubti كلمة (Bohairic) و / او Αἰγύπτιος, aiguptios: "مصرى", من Αἴγυπτος, aiguptos: "Egypt". دى بدورها كلمة مشتقة من كلمة يونانية Αἰγύπτιος, aiguptios: "المصرى", من Αἴγυπτος, aiguptos: "مصر".
مصادر
- ↑ "Coptic Orthodox Christmas to be low-key – Tight security: On alert after bombing in Egypt". Montreal Gazette. 4 يناير 2011. مؤرشف من الأصل في 2011-02-23. اطلع عليه بتاريخ 2011-01-05.
- ↑ M. Ibrahim، Youssef (18 أبريل 1998). ""U.S. Bill Has Egypt's Copts Squirming"". w:en:New York Time. اطلع عليه بتاريخ 2008-10-08.
- ↑ "The people of Egypt before the Arab conquest in the 7th century identified themselves and their language in Greek as Aigyptios (Arabic qibt, Westernized as Copt); when Egyptian Muslims later ceased to call themselves Aigyptioi, the term became the distinctive name of the Christian minority." Coptic Orthodox Church. Encyclopædia Britannica Online. 2007
لينكات برانيه
- اقباط – صور وتسجيلات صوتيه و مرئيه على ويكيميديا كومونز
- اقباط على موقع كيورا - Quora
- اقباط معرف مخطط فريبيس للمعارف الحره
- اقباط معرف النظام الجامعى للتوثيق
- اقباط معرف جران منشورات الموسوعه الكتالانيه
- اقباط معرف المكتبه الوطنيه الفرنسيه (BnF)
- اقباط معرف قاعده بيانات الضبط الوطنيه التشيكيه
- اقباط معرف مكتبه الكونجرس (LCAuth)
- اقباط معرف ملف استنادى متكامل
شوف كمان
- الاثار والفنون القبطية على موقع الكنوز القبطيةArchived 2014-11-11 at the Wayback Machine
- الحضارة القبطية
صور و ملفات صوتيه من كومنز
| ||||
|---|---|---|---|---|
| ||||
