سل
| ||||
|---|---|---|---|---|
| مرض | ||||
 .jpg)  | ||||
| معلومات عامه | ||||
| اختصاص طبى | امراض معديه ، ومنظمات النفس | |||
| من انواع | مرض معدى ، ومرض | |||
| الاسباب | ||||
| الاسباب | متفطره سليه [1][2][3] | |||
| طريقة انتقال العامل المسبب للمرض | انتقال عن طريق الجو [4] | |||
| المظهر السريرى | ||||
| الاعراض | كحه [5]، وحمى [5]، والم صدر [5] | |||
| الوبائيات | ||||
| اعباء المرض | ||||
| انتشار المرض | ||||
تعديل  |
||||
السـُل (تى بى / تيوبر كولۏسيس) Tuberculosis, او TB هوه مرض منتشر و ممكن يسبب الموت لو ماتعالجش ،بييجى نتيجة اصابة الواحد بباكتيريا اسمها مايكوباكتيريوم تيوبركيولوسيس. السل غالبا بيهاجم الرئه ( السل الرئوي) بس ممكن كمان يهاجم حتت تانية فى جسم الانسان زى الجهاز العصبى المركزى و الجهاز الليمفاوى و الجهاز الدورى و العضم و المفاصل و لحد الجلد.الاعراض بتاعة السل غالبا بتبقى الكحة الجامدة المزمنة و البلغم اللى فيه دم و السخونية و العرق بالليل والخسسان.
العدوى
بكتيريا السل مايكوباكتيريوم تيوبركيولوسيس تنتقل بالهواء من شخص لآخر ( العطاس او السعال او البصق), و شخص واحد مريض بالسل ممكن ينقل العدوى الى الاشخاص من 10 – 15 شخص فى السنه.و موجود فى العالم دلوقتى حوالى 16 مليون شخص مصاب بالسل (الدرن) النشط . و ثلث سكان العالم معرضين للعدوى . شخص كل ثانية يصاب بالسل فى العالم حسب تقديرات منظمة الصحة العالمية. وكل سنه يموت من المرض 2 مليون منهم,90% فى الدول الفقيرة والنامية .
اسامى السل
كان الدرن بيسمى بالسل {الاستهلاك} ، لانه يبدو انه بيستهلك الناس من جوه ، الكحة بالدم، الحمى ، الشحوب ،هزال طويل ؛ سل الغدد الليمفاويه (فى البالغين) ، اللى بتأثر على الجهاز اللمفاوى وغدد الرقبة ، درن البطن ، درن الجلد ؛ الهزال والمرض السل كان بيتسمى كمان بالطاعون الابيض ، لأنه يظهر ان المصابين بالدرن كانو بيعانو بشكل ملحوظ من الشحوب.
التشخيص
مرض السل بيتشخص بواحدة او اكتر من الطرق دي:
- اشعة اكس على الصدر
- اختبار التيوبركولين فى الجلد
- تحليل الدم
- فحص بالميكروسكوب لعينة من سوايل جسم المريض ( البلغم مثلاً)
العلاج
علاج السل مش سهل و يحتاج مضادات حيوية كتيره و لمدة طويلة و فى وده الوقت زادت مشكلة السل لما ابتدت تظهر انواع جديدة من البكتريا اللى تقاوم العلاج.
العلاج ينقسم لادوية الخط الاول و ادوية الخط التانى ، بالنسبة للخط الاول فدى الادوية:
- ايتامبيوتول
- ايزونيازايد
- بايرازينامايد
- ريفامبيسين
- ستريبتومايسين
اما بالنسبة للخط التانى فدى اهم ادويته :
- سيبروفلوكساسين
- موكسيفلوكساسين
- بارا-امينوساليسيبيك اسيد
الوقاية
الوقاية من ده المرض تكون عن طريق التطعيم البى سى جي و ايضاً عن طريق برامج الفحص للاشخاص المعرضين للمرض.
مصادر
- ↑ http://www.cdc.gov/tb/
- ↑ مُعرِّف أنطولوجيا الأمراض: http://www.disease-ontology.org/?id=DOID:399
- ↑ العمل الكامل مُتاحٌ في: http://purl.obolibrary.org/obo/doid.owl — الرخصة: CC0
- ↑ https://www.dhs.wisconsin.gov/tb/precautions.htm#:~:text=Mycobacterium%20tuberculosis%20is%20transmitted%20in,throughout%20a%20room%20or%20building.
- ↑ https://www.webmd.com/lung/understanding-tuberculosis-basics
