نحت
| ||||
|---|---|---|---|---|
 | ||||
| شكل فنى ، ونوع فن | ||||
| جزء من | مدارس الفن التشكيلى | |||
| بيمارسه | نحات [1] | |||
تعديل مصدري - تعديل  | ||||
النحت هو فن ابتكار اشكال مجسمه او اشكال بارزه ، و هو يااما نحت مباشر عن طريق ازالة كل شىء من الكتله اللى بتتنحت عشان تبرز معالم العمل المنحوت ، او يكون التشكيل باستعمال ماده لدنيه. فى مصر القديمه و اليونان و اوروبا فى القرون الوسطى كان العمل المنحوت بيتلون او بيتدهب.
تاريخ
[تعديل]النحت كان من الفنون القديمه و كان موجود فى كل الحضارات القديمه المعروفه ، و بالذات فى الحضارات المتوسطيه زى مصر و اليونان و الامبراطوريه الرومانيه القديمه. فى مصر النحت موجود فى التماثيل بكل الاحجام من التماثيل الصغيره اللى قد الكف للتماثيل الكبيره زى تمثال رمسيس التانى اللى كان فى ميدان رمسيس فى القاهرة او التماثيل الكبيره اللى قدام المعابد ، و اللى منها منحوت فى كتله صخريه زى فى ابو سمبل و تمثال ابو الهول الموجود قدام اهرامات الجيزه.
انواع
[تعديل]بيظهر فى القرن التلاتاشر اثر الطراز القوطى و الرومانسك على النحت ، زى فى اعمال بيزانو و ابنه جوفانى. فلورانسا كانت مركز مذدهر لفن النحت و ظهرت فيها اعمال لـ جيبرتى و دوناتللو و ميكلانجلو. الطراز الباروكى اظهر فن درامى فى النحت ، زى فى اعمال الطليانى برنينى و الاسبانى بيروجاتا. و فى القرن التسعتاشر ظهر فى فرنسا جيل من النحاتين الواقعيين من رود لغاية رودان.
نحت حديث
[تعديل]فى القرن العشرين بقى فن النحت بيهتم بابراز جمال الماده فى التعبير عن موضوع معين و كمان اتأثر بالتقدم العلمى و ابحاث الفضاء و النحت الزنجى و نحت قبايل الأزتك و اتخلص من الواقعيه المفرطه ، و استحدث اساليب تحرريه مبتكره سواء فى طريقة التشكيل او من ناحية الخامات المستحدثه. من اشهر نحاتين القرن العشرين الانجليزى هنرى مور و الفرنساوى ليبشيتز و الالمانى بارلاخ و اليوجوسلافى مشتروفتش و الرومانى برانكوش و الطليانى مارينى و الامريكان لاتشيز و كالدر. بيعتبر محمود مختار اشهر نحاتين مصر فى القرن العشرين.
لينكات برانيه
[تعديل]- نحت – صور وتسجيلات صوتيه و مرئيه على ويكيميديا كومونز
- نحت على موقع كيورا - Quora
- نحت معرف مخطط فريبيس للمعارف الحره
- نحت معرف المكتبه الوطنيه الفرنسيه (BnF)
- نحت معرف قاعده بيانات الضبط الوطنيه التشيكيه
- نحت معرف مايكروسوفت اكاديمك
- نحت معرف مكتبه الكونجرس (LCAuth)
- نحت معرف ملف استنادى متكامل
مصادر
[تعديل]- ↑ مُعرِّف مَكنَز الفن والعمارة (AAT): https://www.getty.edu/vow/AATFullDisplay?find=&logic=AND¬e=&subjectid=300264383 — تاريخ الاطلاع: 3 سبتمبر 2018 — إقتباس: sculpting