PlayStation Portable Go

PlayStation Portable Go
Sistema operativu	PlayStation Portable system software (en)
Tipu	modelu
	← PSP 3000

La PlayStation Portable Go (PSP Go) ye la tercer revisión de la PlayStation Portable. Foi presentada nun episodiu de Qore, el 30 de mayu de 2009.^[1]

Nesti modelu, Sony apostó poles descargues dixitales esaniciando'l soporte a UMDs. Por ello Sony siguió dando soporte a la revisión anterior, PSP 3000, que caltenía la bandexa pa UMD.

La consola salió a la vienta'l 1 d'ochobre de 2009 n'Europa y Norteamérica a un preciu de 249 Dólares d'Estaos Xuníos y 250 euros.

Carauterístiques

PSP Go! dispón d'una pantalla retráctil. Escarez de soporte UMD y cuenta con 16 GB de memoria interna, amás cunta con una ranura para M2.

Comparanza ente versiones

PSP Go	PSP 3000
Puertu universal USB	Puertos concretos pa carga, salida de videu, USB, WI-FI
Pantalla de 3,8"	Pantalla de 4,3"
158 gramos 128 × 16,5 × 69 mm	189 gramos 71 x 169 x 19 mm
Ensin UMD	Con UMD
16 GB de memoria interna	Ensin memoria interna
Ranura de memoria M2 Memory Stick Micro	Ranura de memoria pa Memory Stick Pro Duo

Amás, dambes versiones son bien distintes estéticamente, una y bones Go esanicia los botones llaterales y sustituyir por una pantalla esnidiosa. Cuando la pantalla atópase abierta, el panel de conteníos ye l'habitual pa opciones, navegación, seleición de xuegos, etc. Cuando s'atopa zarrada, apaez un reló y un calendariu. Déxase la reproducción de películes o música colos mandos ocultos.

Sony estudió una forma de beneficiar a los actuales propietarios de xuegos UMD, de forma que puedan descargar los sos xuegos yá mercaos de forma gratuita, una y bones los antiguos xuegos nun son compatibles al habese refugaya del llector UMD. Sicasí, esta idea namái tuvo'l so efeutu en Xapón, cola salida de PlayStation Vita.

Puertos

Los anteriores puertos de carga, USB y salida de AV, unificáronse nun puertu universal, allugáu na parte cimera de la consola. El puertu de carga de la batería atópase na parte inferior de la consola.

Conectividad

Al igual que los anteriores modelos de PSP, la PSP Go contién Wi-Fi y un puertu USB, pero tamién almite la conectividad Bluetooth que dexa l'usu d'auriculares Bluetooth compatibles cola inmovilización y los teléfonos móviles con Bluetooth, tamién ye posible'l so usu como control de la PS3 al traviés de Bluetooth.

Extras del sistema

A diferencia del restu de versiones de PSP, al pulsiar el botón HOME o PS en metá d'una partida, apaez una nueva opción llamada "Pausar el xuegu". Con esta opción, déxase crear un puntu de restauración en cualquier momentu de la partida que puede retomase en cualquier momentu. Una vegada retomada la partida,el puntu de restauración sume. Solo déxase almacenar un puntu de restauración.

Sitios oficiales

Sitiu Oficial de la Playstation Portable Estaos Xuníos

Referencies

↑ «Qore Lets Slip the First Look at PSP Go» (inglés).

Enllaces esternos

[1] «Qore Lets Slip the First Look at PSP Go» (inglés).

[1]