PlayStation Portable

PlayStation Portable
Desendolcador(es)	Sony Interactive Entertainment
Sistema operativu	PlayStation Portable system software (en)
Tipu	modelu de dispositivu electrónicu
Parte de	videoconsoles de séptima xeneración y PlayStation
Más información
Twitter	PlayStation_jp
Sitiu web	Web oficial
	← PocketStation PlayStation Vita, PlayStation Portable Slim & Lite (es) , PSP 3000, PlayStation Portable Go y PlayStation Portable E1000 →

PlayStation Portable o PSP ye una videoconsola portátil de la multinacional d'orixe xaponés, Sony Computer Entertainment, pa videoxuegos y multimedia.

Xeneralidades

L'autonomáu "PlayStation portátil" ye una vidioconsola con memoria interna, fendedura pa tarxetes de memoria, reproductor de discos ópticos, salida pa TV, pantaya en formatu panorámicu (16:9) de 4 pulgaes con una definición de 480x272 píxeles, que ye quien a amosar una gama cromática de 16.770.000 colores, tamién cunta con altavoces estéreu integraos, capacidá pa reproducir dellos formatos multimedia como por exemplu MP4 de videu o MP3. Tamién dispón de visor de semeyes, micrófonu integráu, USB 2.0, conexones inalámbriques y navegación n'Internet.

Asoleyose'l 12 d'avientu de 2004 en Xapón, anovada como PSP "slim" en setiembre de 2007. N'agostu de 2008 asoleyóse la PSP-3000.

La consola PSP camudó l'inclín de facer aparatos portátiles cada vegada más pequeños, asoleyando un equipu con una pantaya mayor y tornándose na segunda consola portátil con un D stick (dempués de la Neo Geo Pocket), que consigue mayor esfrute de los xuegos. La competencia con Nintendo DS ta amortiguada: DS permite l'emplegu de Stylus na pantaya táctil y PSP dispón de gráficos 3D meyor estructuraos. Les aplicaciones enantanon la competencia ente dambes: pueden facese semeyes y editales, facer animaciones y xubiles a Internet. Magar Nintendo DS tien un ciento d'aplicaciones útiles, PSP dispón d'aplicaciones non oficiales que se beneficien de les mayores posibilidaes téuniques qu'ufre'l dispositivu de Sony.

L'interfaz que sirve p'acceder a toles estayes, funciones y conteníos de PSP llámase XMB, y ye un eficaz sistema operativu que Sony tien incluyío n'otros dispositivos de so, dende la consola PlayStation 3 hasta reproductores de videu d'alta definición y telvisores Bravia.

Especificaciones téuniques

Unidá central de procesamientu: CPU orixinal multifunción Sony "Allegrex" basáu en MIPS de velocidá configurable 1/333 MHz, inclúi una CPU basada en MIPS32 Rk-4 de 32 bits, una FPU (Unidá de Coma Flotante) y una VFPU de cálculu veutorial. Tamién dispón d'un procesaor conocíu como "Media Engine"; siendo tamién una CPU basada en MIPS32 Rk-4 de 32 bits dedicada a remanar audiu/videu por hardware y un DSP (Procesador dixital de señal) programable "Virtual Mobile Engine". El "Media Engine" tien funcionalidaes semeyaes a la CPU cimera y sirve como equivalente ante la falta de VPU.

Memoria: 32 MB RAM de memoria cimera (64 MiB en PSP Slim & Lite y siguientes) y 4 MiB DRAM embebida; los 4 MiB correspuenden a 2 MiB pal chip gráficu y a 2 MiB del "Media Engine", dambes CPUs contienen 16KB de caché d'instrucciones y caché de datos y 16KB de scratchpad, amás de 32 MiB de memoria Flash NAND, usada pa guardar configuraciones y archivos del sistema.

Procesaor gráficu: GPU orixinal de velocidá configurable en 1/166 MHz con 2 MiB de memoria interna y interfaz de 512 bits que sustenta renderizáu de polígonos y NURBS, rellume direicioinal por hardware, environment projection y texture mapping, compresión de testures y mosaicos, nublina, alpha blending, dpth and stencil test, vertex blending pa efeutos de morphing y dithering; too en 16 o 24 bits de fondura de color. El chip gráficu tamién remana la salida de videu. El sistema ye quien a abayar unos 33 millones de polígonos allumaos y trataos, con una tasa de 664 mil píxeles por segundu.

Procesaor de soníu: Custom DSP configurable Sony "Virtual Mobile Engine", Soníu 3D, Multi-Canal 7.1 ch. La calidá del soníu ye superior abondo a la de otres consoles portátiles.

Pantaya: 4,3 pulgaes, 16:9 pantaya ancha TFT [[[Pantaya de cristal llíquidu|LCD]] 480x272 píxelees (16,77 millones de colores).

Batería: intelixente de llitiu con una vida útil de cinco años. Recárgase en 2 hores y 20 minutos aproximadamente. Duración en xuegu de 3 a 6 hores, en reproducción de videu de 3 a 6 hores. Ye conveniente mercar una batería de sustitución pal so usu posterior, ya que esisten dellos modelos. La batería de PSP 1000, que tiende a sumir, al ser más gruesa nun encaxa nos otros modelos y a la inversa, les otres queden folgaes abondo. Capacidá 5V DC 1800 mAh, en PSP 1000 y 5V DC 1200mAh nes demás. En PSP GO la batería nun ye estrayible. Hai kits d'ampliación de hasta 2200 mAh que sobresalen abondo del nichu y usen una cobierta especial.

Códecs: ATRAC3 plus, AAC, MP3, WMA, AVC/@MP for Picture / Movi, H.264 (MPEG-4 Part 10). Soporte d'imáxenes en formatu JPEG, GIF, TIFF, BMP y PNG.

Media: llectura de datos dende sistema de discos ópticos UMD (Universal Media Disc) y Memory Stick llee tamién tarxetes MicroSD card hasta 32 Gb per aciu d'un adaptador de Memory Stick Pro Duo a microSD card, conexón y control remotu del sistema PlayStation 3. Salida de TV en PSP Slim & Lite.

Wi-Fi: Wi-Fi IEEE 802.11b permite conexón Ad-HOC y Infraestructura con otres PSP y con Internet con xugabilidá pa 2/16 xugadores al tiempu. El software de sistema inclúi un Navegador Web basáu n'Access NetFront.

Gamesharing: dalgunos títulos del sistema PSP son quienes a trabayar cola tresferencia de xuegu en multixugador con otres consoles que no cuenten col xuegu en cuestión, esto llógrase enviando los datos al traviés de conexón Ad-Hoc y cargándolos sobre la memoria RAM. El soporte d'esta opción ta allendao a los xuegos que la usen.

Accesorios: cámara de video con micrófono de 1,3 megapíxeles "Chotto Shot", receptor de señal GPS, receptor de TV dixital y PSP Headset, incluyíu con ciertos títulos. Los auriculares tienen capacidá pa mandu a distancia.

Interfaz: XMB "XrossMediaBar" desenrollada por Sony y presente nos sos nuevos televisores asina como nel sistema PlayStation 3.

Midíes: 190 mm d'anchura, 110 de pantaya TFT, y 74 mm d'altura.

Pesu: 260 g ensin incluyir batería, 330 gramos con batería (PSP 1000) La 2000 pesa 189g.

Diseñu: Shin'ichi Ogasawara (小笠原伸一) pa Sony Computer Entertainment, sosidiaria de Sony Corporation.

Referencies

Enllaces esternos