Vincent Van Gogh

Vincent Van Gogh

1853-1890

Nederlandaf lingesik

Vincent Van Gogh, nederlandavon yoltkiraf gu Vincent van Gogh, tir direlitevaf lingesik. Ba 30/03/1853 koe Groot Zundert vagee Nederlanda koblir. Ba 29/07/1890 koe Auvers-sur-Oise koe Franca awalker, nope rotir yovayana ksera. « ...Vielu va bira al wí, va zolonuca ke zavzagira koe geeka enpestalé... acum minié da remi jonvielerapa va intafa ilkuca batlize dye fu iloblá... » — Vincent Van Gogh. Blirizva Van Gogh tiyir bitonaf is arayakiraf yambik voxis rukuzaf is undesaf swavakirik. Yavon nederlandavuyur ise francuyur ise englavuyur ise kan bata baroya ava grubeliyir ise gruseteyer. Va suteroteem albapayar ise va kota suteksinda beliyir, i va Biblia lidam suteks ke francaf tuwavevik. Va delafa grupera va izva ke yamba dikiyir ise va kona trutca ke savsaf feliik lidam afigasuteropa grupulviyir. Moi vayarugal koe batafa widafa bema, gadikeem va in ko jandexo koe Zevenbergen az Tilburg stakseyer. Jotaf Vincent Van Gogh va yona divefa ava banlize raveyer ise va Francava is Englava voxis Germanava vankotunayar. Bak bareaksat ke 1868 isti bemaf ilanacek, va vayara levgon azavzayar aze ko Zundert dimlakiyir. Bak 1869 Van Gogh ba san-tevda vanpir lojotaf papleketik ke Goupil & Cie yambatretca koe Den Haag, i ke nazbeay ke milyoltafu walvedeyafu sistu dem aveg koe Paris koe Franca. Van Gogh va avusa stinuca malsaveyer : koe Den Haag voxis nazbeay ke Paris ik London kobayar. Theo nastolafe berikye bak 1872 va Goupil tretca koe Bruxelles dere denfiyir. Toza ke klepa ke Vincent tiyir abdiplekusa voxen in arti abica tanda gan kobara dene ginsa adre zo argeyer. Va alka adre dulapeyer voxnume krupteyer da dolera va trutca sedmeon melistafa tiyir teca vollorbaca. Bak 1876 zo taruleyer. Afigasuteks va Vincent Van Gogh tici 1873 Koe Engla wetce ikatavesik is gertikaf tcicesik konakedje kobayar aze ko Nederlanda bak 1877 dimlapiyir. Koe Amsterdam va boda denfisa va kotla egayar kire va alkopa djuvayayar. Voxe va egara nonuyur nume me zo korindeyer. Alkafa ukeuca va in bak 1878 ko Borinage wawafa gola vagee Belga stayar. Wetce suptaf gertik vanmiae kawodikeem kobayar. Djublison dum bantan, Van Gogh moe sid gikenibeyer ise va intaf digiks kotote giziliyir. Voxen unesik va inafa zegara va blira ke sanelia krafiajayar nume boreckon taruleyer. Theo berye tiyir jupasik va warzafa vodjura va blira ke Vincent Van Gogh. Twa ke Vincent stakseyena pu Theo jontikviele tiyid dem yunkexa. Theo pirdayar da in di vanpiyir linges yambik. Van Gogh ko Bruxelles bak 1880 divsokeyer lize va Yambakotla djudenfiyir voxe va lomeruptesa tavera tere kiblayar. Voxe va meka bliba dadiyir nume gan Theo berye erbon zo fukorlayar. Bantel dene parisafa tcema ke Goupil yambadolesu sistu banugale kobayar. Theo va berye kali inafa awalkera erbon dun zobeyer. Bak 1881 Van Gogh dene gadikeem ko Etten koe Noord-Brabant winka mallapiyir aze bliyir. Tici mil ilanacek ko Den Haag mallapiyir lize gan Anton Mauve tabexaf lingesik mbi taveyer. In va ckane ke lavalingeropa is puntalingeropa raveyer. Dim Etten, va gadye mijeyer nume va yasaxo buluyur. Koe Den Haag va lingexo lizukeduyur aze bak 1882 gire gan Mauve mbi taveyer. Bak idulugal ke mil ilanacek, va taneaf vayaks ton lavafa ik puntafa lingera miv skuyur. Bak lerdeaksat ke 1883, Van Gogh ko Drenthen winka lapiyir lize va patectoy is tawadayik di zovdayar ise lingeyer. Soe remi baroy aksat zavzagiyir aze va gadikeem koe Nuenen koe Brabant winka dimdenlapiyir. Van Gogh gorayar da di vanpiyir francaf lingesik, tulon gu Jean-François Millet tis ageltaf lingesik va tawadayikafa blira. Bat 1885 va Estusik va vraz trutca lingeyer, i va taneaf ponaksap. Koe Nuenen, lizukaf alkik tsuneyed da Van Gogh va tulik ke sanelia rotaneyayar. Tulon batdume in va Nederlanda bak 1885 buluyur aze va Antwerpen koirubayar. Va vo di mea dimdenlapiyir. Antwerpen tiyir warzafa koswasa klita mu Van Gogh. In male lebaca rolingeyer ike rozovdayar ise va adrafa ugota fakon rotrasiyir. Ison va yambaf dotayap ke tcila is ginsa worayar. Koe Antwerpen moltafa widava, dat amidaf divepatectaf warzeks zo divtotayad, i tulon niponafa gweta skeuson dotayena gan Van Gogh. Afigasutera dere jontikeke banlize zo uyur, i banugale witapafe ckane. Delt va Vincent Van Gogh gan John Peter Russell, 1886 Van Gogh bak taneaksat ke 1886 gu Yambafa Kotla ke Antwerpen va int bendeyer voxe gan prostewafa tavesa nuva fure zo ilpuveyer. Nume jovleyer aze arti tanoy aksat koe Paris mallapiyir. Banlize dene Theo berye koe Montmartre irubayar. Inafa jonvielera koe francafu kelu va vonera ke inaf linges martig turestapayar. Theo va tan nazbeay ke Boussod is Valadon & Cie sistu banlize gadeyer ise grabomeem ke Claude Monet is aryon litevaf lingesik pu Vincent kotaveyer. Banvieli in va grabom ke nederlandaf lingesik is francaf geltrevik anton al wiyir, nume koe Paris bam miv rovorabateyer inde litevik va afi is kseva gatceyed. Van Gogh remi balemoy aksat va tavera dene lingexo ke Fernand Cormon lingesik tcokeyer. Banlize va lan yambik dum Paul Gauguin is Henri de Toulouse-Lautrec is Émile Bernard is Camille Pissarro is John Russell kakeveyer. Voneteson va pilkaf martig, va lingerinda ke litevik vayayar. Inaf kseveem loon tuaftawer isen lingesa vorda loon tubagaweyed. Va litevik gu kiblara va uum dere malaskiyir, i va zazda ik bedom ke Paris ik tawaday kene Seine bost. Ba 19/02/1888 Van Gogh ko Provenca mallapiyir. Tawaday is imweso iltaalxo is kseveem ke bata gola is afi ke bata patecta va yambik kogestuyur. Va « blafotafa mona » koe Arles lizukeduyur lize va yambafa doda djureduyur. Bak saneaksat ke 1888 Paul Gauguin kazokeveyer. Sin ton tola armoron gu nidekseem ke Provenca lingeyed ; sinafa dokobara tiyir wemtafa is skeusa. Sin belcon kobayad, va mielafa blira ke widava belcon kosmayad ise va yamba elodeson keyakseyed. Bata keyaksera va spuapa tere nekiyid. Van Gogh ve akoleyer : deoneyer konakviele va tegira mea jiligayar ike dile dace titkeyer. Pelava ke akola bak tolsaneaksat tiyir ugale bal tana deonera Van Gogh va vidila ke intafa taltefa oblaka gabeyer. Bata zixa ke gabeyana oblaka va volmilbavacka razdayar. Gauguin ko Paris vere dimlapiyir isen Van Gogh koe Arles zo koropexer. Moi ropexe, Van Gogh va bliracka me lajukanariyir. Adre deoneyer. Batdume Van Gogh jupayar da den swavakurkexo ke Saint-Rémy zo kobudeyer lize tandon zi zavzagiyir. Bal jonvielera koe bate ropexe va mon 150 trutca skuyur. Bak alubeaksat ke 1890 buluyur aze lenton mallapiyir, ko Auvers-sur-Oise lize ar yambik ixam bliyid. Bam lana warzepesa rekola tiyir edje va trutca riwe vieleon lingeyer. Auvers va adrafa auluca pu Van Gogh firviyir isen in va Theo berye jontikviele rotauzuyur kire poke Paris tigiyir. Bantel va play dene Boussod ginsa djugrifliyir nume tiyir erbon guyapaf. Bata debala va Vincent vanolapayar. Ison in kivayar da digin deoneyer. Ba siel ke 27-e ke pereaksat ke 1890, va dentxo kolaniyir aze gu ast va int viltayar. Arti tolka nope bakaks awalkeyer, do Theo berye beneon tigise. Remi sanda ke lingesa klepa ( 1880-1890 ), Vincent Van Gogh va jontik grot skuyur : va loon 850 trutca is riwe 1300 lingeks keve eluxa. Lok ke grabomeem dene Van Gogh tcila tigir. Arak tit tcastaf dene yona tcila isu korikaf dotay, koe Nipona ik Nipona ik Tanarasokeem ikz-. « Ede va niponafa yamba, pune va enutcoraf is trakopus is gruf ayik nuve gibevayas va soluma wale Tawava is Tael ; volgue, in va tanoy werdolk vayar. Voxen mil werdolk askir da in va taplekueem az cadimeem az patectoyafa kerdelapa az sulem az ayafa gexata fu zovdar. Batinde va blirugal ta skura va kotcoba tiskir, voxen blira trelarsafa. » — Vincent Van Gogh. Dere rupec ► Trutceem ke Van Gogh ► Vexala dem nederlandaf lingesik Stragela (fr) Jacob Baart de la Faille, L'Œuvre de Vincent van Gogh, drunana estova. Les Éditions van Oest, Paris / Bruxelles, 1928. (fr, nl) Vincent van Gogh, Lettres à son frère Théo, Gallimard, 1990, 574 bu, ISBN 978-2-07-071448-3. (fr) Grabomeem ke Vincent van Gogh, van-gogh.fr, rupeyen ba 24/04/2023. (en) Van Gogh Museum, Van Gogh tcila, rupeyen ba 24/04/2023. (it) La Galleria di Vincent van Gogh, vggallery.com, rupeyen ba 24/04/2023. (fr) Bernard Zurcher, Vincent van Gogh. Vie et œuvre, Fribourg, Office du livre, 1985, ISBN 2092847325. (en) Ronald Pickvance et al., Van Gogh in Saint-Rémy and Auvers, Metropolitan Museum of Art, New York, Harry N. Abrams Inc. Publishers, 1986, ISBN 0-8109-1734-3.

Vincent Van Gogh  Koblira  30/03/1853,  Groot Zundert, Nederlanda  Awalkera  29/07/1890,  Auvers-sur-Oise, Franca  Vedeyot  Nederlanda  Eba  Lingeropa  Serna  Direliteva   Grabom  Trutceem ke Van Gogh Adeline Ravoux Delt va Adeline Ravoux (1) • Delt va Adeline Ravoux (2) • Delt va Adeline Ravoux (3) Asadasa ayikya Tawadayikya asadasa • Ayikya asadasa • Ayikya gampesa va omexa • Tawadayikya gampesa va omexa • Asadasa ayikya (1) • Asadasa ayikya (2) • Asadasa ayikya (4) • Asadasa ayikya (3) • Asadasa ayikya (5) • Asadasa ayikya koe Scheveningen • Vookesa ayikya koe Scheveningen • Ayikya vookesa kadime dilk • Sedokkirikya asadasa Ayik dem tsent Tawadayikya tsentesa va sid • Ayikye dem tsent • Ayikya dem tsent (1) • Ayikya dem tsent (2) Ayikya basalmasa va vraz Yikya poke dilk basalmasa va vraz (1) • Yikya poke dilk basalmasa va vraz (2) • Ayikya basalmasa va vraz • Tawadayikya basalmasa va vraz • Basalmason va vraz • Tawadayikya debanyesa kabdue fenkuyun dilk, basalmasa va vraz Ayikyafa taka Debanyesa tawadayikya dem orikafa takaxa • Taka ke guazafa tawadayikya dem batakafa takaxa (1) • Taka ke guazafa tawadayikya dem batakafa takaxa (2) • Taka ke tawadayikya dem batakafa takaxa (1) • Taka ke tawadayikya dem batakafa takaxa (2) • Taka ke tawadayikya dem takaxa • Ayikyafa taka (1) • Ayikyafa taka (2) • Ayikyafa taka (3) • Ayikyafa taka (4) • Ayikyafa taka (5) • Ayikyafa taka (6) • Ayikyafa taka (7) • Ayikyafa taka (8) • Taka ke tawadayikya dem orikafa takaxa (1) • Taka ke tawadayikya dem orikafa takaxa (2) • Taka ke tawadayikya dem orikafa takaxa (3) • Taka ke tawadayikya dem orikafa takaxa (4) • Taka ke tawadayikya dem orikafa takaxa (5) • Taka ke tawadayikya (1) • Taka ke tawadayikya (2) • Taka ke tawadayikya (3) • Taka ke tawadayikya (4) • Taka ke tawadayikya dem ebeltafa takaxa (1) • Taka ke tawadayikya dem ebeltafa takaxa (2) • Taka ke tawadayikya dem ebeltafa takaxa (3) • Taka ke tawadayikya dem ebeltafa takaxa (4) • Taka ke tawadayikya dem ebeltafa takaxa (5) • Taka ke tawadayikya dem ebeltafa takaxa (6) • Taka ke tawadayikya dem ebeltafa takaxa (7) • Taka ke tawadayikya dem ebeltafa takaxa (8) • Debanyesa tawadayikya • Taka ke tawadayikya dem kusamaf talgukayaf gom • Taka ke jotafa tawadayikya dem orikafa takaxa • Taka ke tawadayikya dem beretrafa takaxa (1) • Taka ke tawadayikya dem beretrafa takaxa (2) • Tawadayikya, wina keve dilk • Taka ke ayikya (1) • Taka ke ayikya (2) • Taka ke ayikya (3) • Gordina de Groot, taka (1) • Gordina de Groot, taka (2) • Taka ke tawadayikya dem kusaf sedok • Ayikya dem sugawalkas sedok • Taka ke ayikya ton nuyaf usuk • Taka ke guazikya dem ebeltafa takaxa • Delt va ayikya dem kerafa vinotca • Delt va faltakorikya Ayikyefa taka Taka ke tawadayikye dem takaxa (1) • Ayikyefa taka • Taka ke tawadayikye dem takaxa (2) • Taka ke tawadayikye dem plo • Taka ke tawadayikye • Taka ke jotafe tawadayikye dem larkatsot (1) • Taka ke jotafe tawadayikye dem larkatsot (2) • Taka ke ayikye Begart Binka koe Montmartre dem begart • Toloy gabeyen begart (1) • Toloy gabeyen begart (2) • Toloy gabeyen begart (3) • Balemoy gabeyen begart • Baroy begart koe trig • Trig dem aluboy begart • Trig dem san-toloy begart (1) • Trig dem san-toloy begart (2) • Trig dem san-aluboy begart (1) • Trig dem san-aluboy begart (2) • Trig dem san-aluboy begart (3) Bord Werd is bord • Toloy batakaf bord • Bordap • Werdxo dem bord Daxa Wiks va Arles dem kabdueon daxa • Daxa (1) • Daxa (2) • Trig dem daxa keve blafotafo kadimexo • Trig dem daxa Dentxo Warolara koe La Crau, is Montmajour kadimeon • Dentxo • Dentxo is Alpilles ventaxo kadimeon • Arles male dentxo • Dentxo dem kseway • Dentxo dem denttum • Melukraf dentksent • Dentxo bak ticawaltara • Kusafo dentxo (1) • Kusafo dentxo (2) • Kusafo dentxo dem djoka • Dentxo dem djoka (1) • Dentxo dem djoka (2) • Dentxo dem djoka (3) • Karnizkirafa taya dem ziasik • Dentxo dem vebaltasik ba ticawaltara • Dentxo dem vebaltasik kadime ropexe ke Saint-Paul • Taya dem vebaltasik is sukarn • Karnizkirafa taya dem tawadayik • Dentxo leve muva • Dentxo kadime ropexe ke Saint-Paul • Karnizkirafo dentxo is ticawaltara • Dentxo koe Auvers is batakaf varn • Dentxo poke Auvers • Dentxo dem sorla is vebaltasik • Dentxo leve rujodkiraf kelt • Taya dem dentaf kseway • Dentxo • Dentxo koe Auvers leve rujodkiraf kelt • Dentxo dem razama • Dentxo dem tcikora • Taya • Dentxo is kadimeon Auvers • Dentaf kseway • Warolara koe Provenca, dem roneon Montmajour • Warolara koe Provenca (1) • Warolara koe Provenca (2) Djoka Djoka • Djoka is toloya ayikya (1) • Djoka is toloya ayikya (2) • Vawa dem djoka is bitej Faytawasik Faytawasik (1) • Faytawasik (2) • Faytawasik (3) • Faytawasik (4) • Faytawasik (5) • Faytawasik (6) • Faytawasik baskon gu Millet (1) • Faytawasik baskon gu Millet (2) • Faytawasik is kadimeon Arles canexo • Faytawasik dem kita • Faytawasikya dem kita Gachet yasa Matela ke Gachet selaropik koe Auvers • Marguerite Gachet koe matela • Marguerite Gachet klawus • Delt va Gachet selaropik (1) • Delt va Gachet selaropik (2) Ginoux weltikya Ginoux weltikya is neva • Ginoux weltikya is tobeem is kevumuva • Ginoux W-ya arlesik (1) • Ginoux W-ya arlesik (2) • Ginoux W-ya arlesik (3) Girodaf kudjot Girodaf kudjot va ayikyaf kulor (1) • Girodaf kudjot va ayikyaf kulor (2) • Girodaf kudjot va ayikyaf kulor (3) • Girodaf kudjot va ayikyaf kulor (4) • Girodaf kudjot va ayikyaf kulor (5) • Girodaf kudjot va ayikyaf kulor (6) • Girodaf kudjot va ayikyaf kulor (7) • Girodaf kudjot va ayikyaf kulor (8) • Girodaf kudjot va ayikyef kulor • Girodaf kudjot va badenyese ayikye Imwakiraf trig Trig do telduca • Trig dem agafa toa • Trig dem imwa (1) • Trig dem imwa (2) • Trig dem imwa (3) • Trig dem ariuta is raltada • Trig dem pulpa is ariuta • Trig dem ariuta • Trig dem kusia is joguom is aryona imwa • Trig dem vunci is rujada • Trig dem naskoya is vrusipta • Trig dem vutcida • Trig dem frukri is naskoya • Trig dem frukri is aryona imwa • Trig dem frukri (1) • Trig dem frukri (2) • Trig dem frukri (3) • Trig dem vunci is frukri (1) • Trig dem vunci is frukri (2) • Trig dem batakafi frukri isu kerafi • Trig dem naskoya (1) • Trig dem naskoya is aryona imwa • Trig dem vunci • Trig dem kerafi vunci (1) • Trig dem kerafi vunci (2) • Trig dem kerafi vunci (3) • Trig dem kusia is vunci • Trig dem terca • Trig dem begart is raltada is aryona imwa • Trig dem mutoza • Trig dem rujada is plastuba is zurida • Trig dem plastuba is zurida • Trig dem plastuba (1) • Trig dem plastuba (2) • Trig dem naskoya (2) • Trig dem raltada (1) • Trig dem raltada (2) • Trig dem govitafa imwa • Trig dem imwa is kuce Imweso iltaalxo Imwesa kolota • Imweso kolotaxo (2) • Imweso kolotaxo (3) • Batakafo iltaalxo • Imweso iltaalxo (1) • Imweso iltaalxo (2) • Imweso iltaalxo (3) • Imweso iltaalxo (4) • Imweso iltaalxo dem kenefa djoka (1) • Imweso iltaalxo dem kenefa djoka (2) • Wiks va Arles, imweso iltaalxo • Imweso iltaalxo is toloy korik, imwugal • Imweso glordaxo (1) • Imweso glordaxo (2) • Imweso glordaxo (3) • Imweso glordaxo (4) • Glorda • La Crau dem imwesa glorda • Wiks va Arles dem imwes aal • Imweso soyoraxo Kobasikaf delt Suxasik (1) • Suxasik (2) • Suxasik (3) • Suxasik (4) • Ayikye dem studa • Tawadayik altogis va vurpa • Jotafa tawadayikya olvezasa • Sardye gabese va werd kan bupra • Ayikya kalizisa va fest • Suxasik koe Schenweg • Ayikye divzaetawase va rata is ayikya debanyesa moe trumi • Tawadayikya, taka • Suxase tawadayikye isu tawadayikya • Toloya ayikya suxasa is sinton pulvisa Krubaxo Krubaxo is kadimeon Alpilles jaka • Krubaxo (1) • Krubaxo (2) • Krubaxo, faltapaf kelt • Kruba • Krubaxo, kramtukaf kelt • Kruba leve aftafaltaf kelt (1) • Kruba leve blafotaf kelt is awalt • Kruba leve aftafaltaf kelt (2) • Krubaxo (3) • Kruba moe datca ke venta • Kruba is yestasik • Yestara va krube (1) • Yestara va krube (2) • Yestara va krube (3) Langlois za Langlois za koe Arles, ayikya tcatesa • Langlois za koe Arles, kelda kene narilt • Langlois za koe Arles (1) • Langlois za koe Arles (2) • Langlois za koe Arles (3) Lavarn Lavarn koe Kollen poke Nuenen • Lavarn koe Gennep (1) • Lavarn koe Gennep (2) • Lavarn koe Gennep (3) • Lavarn koe Gennep (4) • Lavarn koe Opwetten Layesik Layesik ronuon win (1) • Layesik ronuon win (2) • Layesik ronuon win (3) • Layesik is krafoli taltuon • Layesik iksantus va fem • Layesiko is layesik • Layesik ranyes kabdue layesiko • Layesik ranyes kabdue layesiko • Layesik poke fenkuyun dilk • Layesik, koexo dem baroy dilkam • Layesik, lentuon win • Ayikya nokodasa va fem • Biekasik • Koexo dem layesik ronuon win • Layesik (1) • Layesik (2) • Layesik (3) • Layesik (4) • Layesik (5) • Layesik ronuon win, koexo dem tanoy dilk is rovapa • Layesik vanvus va fem • Ayikye kobiekase va fem • Ayikya divbiekasa va fem (1) • Ayikya divbiekasa va fem (2) Les Alyscamps Les Alyscamps, lubesa toa muvugalon • Les Alyscamps (1) • Les Alyscamps (2) • Les Alyscamps (3) Matela ke Daubigny Matela ke Daubigny (1) • Matela ke Daubigny (2) • Matela ke Daubigny (3) Matela ke Saint-Paul ropexe Tamba koe matela ke ropexe ke Saint-Paul • Aal koe matela ke ropexe ke Saint-Paul (1) • Aal koe matela ke ropexe ke Saint-Paul (2) • Aal koe matela ke ropexe ke Saint-Paul (3) • Aal koe matela ke ropexe ke Saint-Paul (4) • Matela ke ropexe ke Saint-Paul (1) • Matela ke ropexe ke Saint-Paul (2) • Matela ke ropexe ke Saint-Paul (3) • Matela ke ropexe ke Saint-Paul (4) • Matela ke ropexe ke Saint-Paul (5) • Matela ke ropexe ke Saint-Paul (6) • Raporafa starka koe matela ke ropexe ke Saint-Paul (1) • Raporafa starka koe matela ke ropexe ke Saint-Paul (2) • Matela ke Saint-Paul ropexe dem korik • Pailtega is korik koe matela ke ropexe ke Saint-Paul • Pailtega koe matela ke ropexe ke Saint-Paul • Raporaf avlak koe matela ke ropexe ke Saint-Paul Mawa Rova ke Van Gogh • Mawa koe Arles (1) • Mawa koe Arles (2) • Mawa koe Arles (3) Migexa ke Paris Migexa ke Paris (1) • Migexa ke Paris (2) • Lanison anamo migexa ke Paris • Tuvel reme migexa ke Paris Mivdelt Mivdelt dem orikafi potafi edji • Mivdelt dem orikafi potafi edji kabdue rigotc • Mivdelt dem lukoptafi potafi edji (1) • Mivdelt dem lukoptafi potafi edji (2) • Mivdelt dem lukoptafi potedji • Mivdelt dem lukoptafi bapledji • Mivdelt dem bapledji is plo • Mivdelt dem bapledji (1) • Mivdelt dem bapledji (2) • Mivdelt dem plo (1) • Mivdelt dem plo (2) • Mivdelt dem plo is bapledji • Mivdelt dem plo is galema • Mivdelt dem plo is nokot keve oblaka • Mivdelt (1) • Mivdelt (2) • Mivdelt (3) • Mivdelt (4) • Mivdelt (5) • Mivdelt (6) • Mivdelt (7) • Mivdelt (8) • Mivdelt (9) • Mivdelt (10) • Mivdelt (11) • Mivdelt (12) • Mivdelt (13) • Mivdelt (14) • Mivdelt (15) • Mivdelt (16) • Mivdelt dem niponaf ros • Mivdelt ton lingesik • Mivdelt tarizayan pu Paul Gauguin • Mivdelt dem nokot keve oblaka • Lukastiskaf mivdelt Niponaca Imwesa yaka (1) • Imwesa yaka (2) • Aboyikya Piluda Piluda koe Scheveningen, muta • Piluda koe Scheveningen bak zivotccek • Gozasik moe piluda • Piluda dem gozasik is tota • Onaratota moe piluda Poke keldega Tawadayikye debanyese kabdue keldega (1) • Tawadayikye debanyese kabdue keldega (2) • Tawadayikye belise kabdue keldega • Ayikya debanyesa kabdue keldega • Ayikya poke keldega • Ayikya dem lembiesiko poke keldega Purda Setikeks ke matela ke Etten • Pietà baskon gu Delacroix (1) • Pietà baskon gu Delacroix (2) • Vola ke gelik baskon gu Rembrandt • Dimblira ke Lazarus baskon gu Rembrandt • Pomasikany baskon gu Delacroix Roulin yasa Delt va Joseph Roulin (1) • Delt va Joseph Roulin (2) • Delt va Joseph Roulin (3) • Delt va Joseph Roulin (4) • Delt va Joseph Roulin (5) • Delt va Joseph Roulin (6) • Delt va Armand Roulin (1) • Delt va Armand Roulin (2) • Roulin weltikya is pintik (1) • Roulin weltikya is pintik (2) • Delt va Camille Roulin (1) • Delt va Camille Roulin (2) • Delt va Camille Roulin ravesik • Marcelle Roulin pintikya (1) • Marcelle Roulin pintikya (2) • Marcelle Roulin pintikya (3) • Delt va Augustine Roulin (1) • Delt va Augustine Roulin (2) • Delt va Augustine Roulin (3) • Delt va Augustine Roulin (4) • Delt va Augustine Roulin (5) • Delt va Augustine Roulin (6) Saintes-Maries Wiks va Saintes-Maries • Biraf patectoy koe Saintes-Maries (1) • Biraf patectoy koe Saintes-Maries (2) • Onasa tota moe piluda ke Saintes-Maries • Nuda koe Saintes-Maries • Baroya batakafa mona koe Saintes-Maries Sukarn ke Paris Blute-Fin sukarn (1) • Blute-Fin sukarn (2) • Blute-Fin sukarn (3) • Galette sukarn (1) • Galette sukarn (2) • Galette sukarn (3) • Galette sukarn (4) • Galette sukarn (5) • Galette sukarn (6) • Galette sukarn (7) • Wiks va Montmartre dem sukarn • Montmartre venta dem raporxo (1) • Montmartre venta dem raporxo (2) • Sukarn moe Montmartre • Nudafa nakila koe Montmartre, Moulin à Poivre sukarn • Rostelaxo koe Montmartre, Montmartre venta • Rune Galette sukarn Tanguy weltye Delt va Tanguy weltye (1) • Delt va Tanguy weltye (2) • Delt va Tanguy weltye (3) Tayaf kobasik Toloya tawadayikya vurpasa • Tawadayikye suxase • Tawadayikya suxasa • Tawadayikya vurpasa • Delt va jotafe tawadayikye • Tawadayikya gluyasa va sorla baskon gu Millet • Vebaltasik dem bupra baskon gu Millet • Vebaltasik baskon gu Millet • Aliesikye baskon gu Millet • Gluyasik va sorla baskon gu Millet • Krafoli baskon gu Millet • Giyasik baskon gu Millet • Tawadayikya gabesa va bapla baskon gu Millet • Tawadayikya dem olvezasiki baskon gu Millet • Toloy tawadayik suxas baskon gu Millet • Sielcek, tena ke afizcek baskon gu Millet • Namulosusikya baskon gu Millet • Rielcek, tawadayikafa tolonga vane kobara baskon gu Millet • Kielafa kenibera baskon gu Millet • Ziita is karn baskon gu Millet • Tawadayik tredus va vraz • Toloya tawadayikya suxasa va taya leve nolda Tredura va vraz Warolara va vraz • Midusik taplekus va vraz • Taplekura va vraz • Toloy tawadayik taplekus va vraz • Toloya tawadayikya vurpasa va vraz • Tawadayikya divsidasa va vraz (1) • Tawadayikya divsidasa va vraz (2) • Tawadayikya tredusa va vraz Tsage Trig dem tsage • Dom ke dentxo dem tsage • Trig dem tcikora is tsage • Tsage is bord • Taya dem tsage (1) • Taya dem tsage (2) • Kerafe tsage is plastuba Ujamona Ujamona koe Nuenen • Ujamona koe Nuenen leve taelafta • Ujamona koe Nuenen dem tourka is korik Varn Varn (1) • Varn (2) • Varn (3) • Varn (4) • Varn (5) • Varn is ayikya suxasa • Varn is aal • Varn is aal • Tawadayikya suxasa kabdue varn • Varn is aal is tawadayikya • Varn vawale aal • Varn is ayikya is deaxol • Varn is tawadayikya kolanisa • Varn dem seitafe baplaxe is xowasa ayikya • Koridaf varn, setikera va lenteka • Varn, setikera va lenteka • Varn is djoka, setikera va lenteka • Koridxa is varn • Mona koe Auvers • Koridxa koe Cordeville • Varn koe Auvers • Koridxa koe Jorgus • Barn poke Auvers • Yootafa koridxa koe Chaponval • Patectoy dem varn (1) • Patectoy dem varn (2) • Varntum Voltaxe Sirène voltaxe koe Asnières (1) • Sirène voltaxe koe Asnières (2) • Sirène voltaxe koe Asnières (3) • Koe voltaxe • Rispal voltaxe koe Asnières • Dive voltaxe koe Asnières • Koe Vénissac voltaxe koe Arles • Koe voltaxe koe Arles Vukuda Vukudeem (1) • Vukudeem (2) • Vukudeem (3) • Vukudeem (4) • Vukudeem (5) • Baroy vukudeem • Leltaf intockeem Wiks va Amsterdam Wiks va Amsterdam male golda • Wiks va Amsterdam • De Ruijterkade koe Amsterdam Wiks va Montmartre Wiks va kepaita is monakusk • Wiks va Paris male Montmartre (1) • Wiks va Paris male Montmartre (2) • Wiks va kepaita ke Paris • Kelda koe Montmartre • Nom abdi zivotc, Montmartre • Wiks va Montmartre dem raporxo • Azekos is dizvexo koe Blute-Fin sukarn koe Montmartre • Nudafa nakila koe Montmartre • Rostelaxo koe Montmartre (1) • Deor ke Paris poke Montmartre Zazda Azekos ke Guinguette zazda koe Montmartre • Agostina Segatori debanyesi koe Tambourin zazda • Mielafa zazda (1) • Mielafa zazda (2) • Zazdaf azekos mielon   Tuveli icde Lingeropa  The Potato Eaters ( Estusik va vraz ), 1881 Bedroom in Arles ( Mawa koe Arles ), 1888 Vase with Fifteen Sunflowers ( Trig dem san-aluboy begart ), 1888 Self-Portrait with Bandaged Ear ( Mivdelt dem nokot keve oblaka ), 1889 The Starry Night ( Bitejkiraf mielcek ), 1889 Portrait of Dr. Gachet ( Delt va Gachet selaropik ), 1890