Xucbala

Xucbala
41°25′05″ şm. e. 48°27′56″ ş. u.
Ölkə	Azərbaycan
Rayon	Quba rayonu
Tarixi və coğrafiyası
Saat qurşağı	UTC+04:00
Əhalisi
Əhalisi	1480 (2009) nəfər
Xucbala

Xucbala — Azərbaycan Respublikasının Quba rayonunun inzibati ərazi vahidində kənd. Ərazi vahidliyinə Xucbala, Çartəpə, Ağağı-Xuc və Digah kəndləri daxildir.

Toponimikası

Xucbala oyk, mür. Quba r-nunun eyniadlı i.ə.v.-də kənd. Qusar maili düzənliyindədir. Keçmiş adı Yuxarı Xuc olmuşdur. Oykonim Xuc (qıpçaqların kuç tayfa adını əks etdirən etnotoponim) və bala (kiçik) komponentlərindən düzəlib, "kiçik Xuc kəndi" mənasındadır. Buradakı bala komponenti yaşayış məntəqəsini Orta Xuc və Aşağı Xuc kəndlərindən fərqləndirməyə xidmət edir.

Əhalisi

1886-cı ildə ailələr üzrə aparılmış siyahıyaalmaya əsasən Bakı quberniyası, Quba qəzası, Qusar şöbəsi, Xucbala kənd cəmiyyəti tərkibinə daxil olan Xucbala kəndində 56 evdə sünni etiqadlı müsəlman tatarlardan (azərbaycanlılardan) ibarət 495 nəfər (248 nəfəri kişilər, 247 nəfəri qadınlar) əhali yaşayırdı. 2009-cu ilin siyahıyaalınmasına əsasən kəndə 1480 nəfər əhali yaşayır.

Coğrafiyası

Xucbala kəndi Quba-Qusar yolunun 9-cu kilometrliyində yerləşir.

Din

Kənddə Xucbala kənd məscidi dini icması fəaliyyət göstərir.

Həmçinin bax

• Quba rayonu

Xarici keçidlər

• Azərbaycan Respublikası Quba Rayon İcra Hakimiyyəti

Xucbala kəndinin tanınmış ziyalıları haqqında

• İbrahimov Cəfər Müzəffər oğlu-Xızı rayon Partiya Komitəsinin birinci katibi, Quba rayon ZDS İcraiyyə komitəsinin sədri, 30 minçilər hərəkatının iştirakçısı, qabaqcıl kolxoz sədri, Azərbaycan SSR Ali Sovetinin deputatı, Quba şəhər Sovetinin 14 il fasiləsiz sədri işləmişdir. Vəfat etmişdir
• İbrahimov Mehman Cəfər oğlu-Quba rayon Partiya Komitəsinin ikinci katibi, rayonun ən böyük sovxozu Zərdabi adına sovxozun direktoru, 1999-2004-cü illərdə Quba rayon İcra Hakimiyyətinin Başçısı işləmişdir, iqtisad elmləri namizədi.