جورج اورول

جورج اورول
جورج اورول - ۱۹۴۳
دؤغوم‌تاریخی	اریک آرتور بلایر ۲۵ ژوئن ۱۹۰۳ موتیهاری، بنقال پریزیدنسی، بریتانیا هیندوستانی (بوگون شرقی چمپاران، بیهار اوستانی، هیندوستان)
اؤلوم‌تاریخی	۲۱ ژانویه ۱۹۵۰ (۴۶ یاش) یونیورسیتی کالجی‌نین خسته‌خاناسی، لندن، اینگیلیس
یاشایش یئری	ساتون کورتن‌نی، آکسفوردشر، اینگیلیس
یازیچی آدی	جورج اورول
ایش	Novelist, essayist, journalist, critic
آلما ماتر	ایتن کالجی
ژانر	Dystopia, roman à clef, طنز
موضوع	Anti-fascism, anti-Stalinism, democratic socialism, ادبی تنقیدچی, خبر, polemic
دیرلی‌ایشلری	حئیوانلار قالاسی ۱۹۸۴ (رومان) Homage to Catalonia Down and Out in Paris and London The Road to Wigan Pier
اکتیو ایللر	۱۹۲۸–۱۹۵۰
آروادی	Eileen O'Shaughnessy (ائولی ۱۹۳۶–۱۹۴۵) Sonia Brownell (ائولی ۱۹۴۹)
ایمضا

جورج اورول اینگیلیسجه: George Orwell - دوغوم: ۱۹۰۳ - اؤلوم: ۱۹۵۰ - اصلی آدیلا اریک آرتور بلایر اینگیلیسجه: Eric Arthur Blair ایگیرمینجی عصر اینگیلیس ادبیاتی‌نین قاباقدا گلن قلملر آراسیندادیر. مین دوققوز یوز سکسن دؤرد آدلی روْمانی و بۇ روْماندا یاراتدیغی بؤیوک قارداش اینگیلیسجه: Big Brother آنلاییشی ایله تانینیر. اثرلرینده ایشتیراک ائدن دقیقلیک، ذکا، اجتماعی عدالتسیزلیگه قارشی اؤنم وئرمه و توْتالیتاریزمه قارشی دۇروشو اوْنون ایمضاسی خۆصوصیتینده‌دیر. حئیوانلار قالاسی مین دوققوز یوز سکسن دؤرد رومانیلا برابر جورج اورولون ان تانینمیش رومانیدیر.

اورول-ون حیاتی، سوْنرادان یازیلارینی تأثیر ائده‌جک اوْلان تجروبه‌لرله دوْلودور. اتوْن کالجیندن اینگیلیسجه: Eton College ماذون اوْلدوقدان سوْنرا، اوْ سێرادا بیر اینگیلیس مۆستمله‌که‌سی اوْلان میانماردا اوْلوبدور؛ قێسا مودته بۇرانین پوْلیس تشکیلاتیندا وظیفه ائتمیشدیر. بۇ مامورلوق دؤورونده شاهید اوْلدوغو آجیماسیز تطبیقلر، ایمپئریالیزمه قارشی اینکیشاف ائتدیردیگی درین حیرصه ایشتیراک ائتمیشدیر.

گنجلیک دؤورونده فرانسه‌ده اوْلموش، مۆختلیف پئشه‌لرده چالیشمیش، پۇل چتینلیگی گرک یازیچیلیغا باشلامازدان اول، ایسترسه ده ایلک اثرلرینی قلمه آلدیغی ایللرده یاخاسینی بۇراخمامیشدیر.

یاشاییشی

اصل آدی اریک آرتور بلایر اوْلان اینگیلیس یازیچیسی جورج اورول ۱۹۰۳-جۆ ایل ژوَن ۲۵-ده هیندوستانین موْتیخاری شهرینده دوْغولوب. آتاسی گؤمروک ایشچیسی، آناسی ائودار قادین اوْلوب. ۱۹۰۴-جۆ ایلده اوْنلارین عاییله‌سی لندن شهرینه کؤچور. اوْرول کیچیک یاشلاریندان کیتاب اوْخوماغا هوس گؤستریر، دیکنزین، ولز و... اثرلرینی اوْخویور. ۱۵ یاشیندا لندن ائلیتار مکتبلریندن ساییلان ایتوْن کالجینه داخیل اوْلور. اؤیرنجیلیک ایللریندن بدیعی یارادیجیلیغا باشلایان اوْرول ایلک حیکایه‌لرینی کالجین درگیلرینده چاپ ائتدیرسه‌ده، اۇغور قازانمیر. تحصیل حاقینی اؤده‌یه بیلمه‌دیگیندن کالجی یاریمچیق قوْیاراق میانمارا گلیر.

۱۹۳۶-جی ایلده جوْرج اوْرول ائیلین اوْشوْنئسسی آدلی قادینلا ائوله‌نیر. همین واخت ایسپانیادا وطنداش مۇحاریبه‌سی باشلاییر. سیاسی باخیشلارینا گؤره سوْلچو اوْلان اوْرول لندن قزئتلری‌نین بیری‌نین مۆخبیری کیمی اوْرا یوْللانیر و پارتیزان دسته‌لریندن بیرینده وۇروشماغا باشلاییر. دؤیوشلرین بیرینده آغیر یارالانان یازیچی خسته‌خانا (بیماریستان) مۆعالیجه آلیر. مۇحاریبه اوْنون دۆنیاگؤروشونه بؤیوک تأثیر گؤستریر. ساغالدیقدان سوْنرا اوْ، ایسپانیا گیزلی پوْلیسی طرفیندن آختاریلدیغینی اؤیره‌نیر و لندنه قاییدیر.

ایکی دۆنیا مۇحاریبه‌سی ایللرینده جوْرج اوْرول بی.بی.سی تئلئ‌کانالیندا و آبزرور اینگیلیسجه: Observer قزئتینده ایشله‌ییر. اوْرول ۱۹۴۳-جۆ ایلده اؤزونون مشهور "حئیوانلار قالاسی" اثرینی یازیر. روْمان سوْوئت دؤلتی‌نین لیدری ایستالین حاقیندا ایدی. اثر ۱۹۴۵-جی ایلده چاپ اوْلونور و یازیچیا بؤیوک شؤهرت قازاندیریر. مۇحاریبه‌دن سوْنرا اوْ یئنیدن ژۇرنالیستلیک فعالیتی ایله مشغول اوْلور.

یازیچییا دۆنیا شؤهرتی گتیرن ایکینجی اثری "۱۹۸۴" (مین دوققوزیوز سکسن دؤرد) روْمانیدیر. اثر ایگیرمی عصرین مشهور آنتیوتوْپیک اثرلریندن حساب اوْلونور. روْمان دۆنیانین ۶۰-دان چوْخ اؤلکه‌سی‌نین دیلینه چئوریلیب. اثرین یاییلماسیندان بیر مودت سوْنرا، ۱۹۵۰-جی ایلده ورم خسته‌لیگیندن اذیت چکن جوْرج اوْرول وفات ائدیر.

یونسکو-نۇن قراری ایله ۱۹۸۴-جۆ ایل یازیچی‌نین خاطیره‌سینه احتیرام اوْلاراق "جوْرج اوْرول ایلی" اعلان ائدیلمیشدیر.