ژاپون بایراغی
 | |
| آد | Nisshoki[۱] or Hinomaru[۲] |
|---|---|
| ایستیفاده | Civil و state flag, civil و state ensign   |
| تناسوب | 2:3[۱] |
| قبول ائدیلدی | ۲۷ فوریه ۱۸۷۰[a] (civil ensign) ۱۳ آقوست ۱۹۹۹[b] (میلی بایراق) |
| دیزاین | آغ رنگلی دوزبوجاقلی ساحه‌‌نین مرکزینده یئرلشن توند قیرمیزی گونش دیسکی |
ژاپون بایراغی — ژاپون دؤولتی‌نین میلّی سمبول‌لاریندان بیری. آغ رنگلی دوزبوجاقلی ساحه‌‌نین مرکزینده یئرلشن توند قیرمیزی گونش دیسکی شکلینده تصویر اولونموشدور. بایراق رسمی شکیلده نیششوْکی (日章旗، " گونش ایشاره‌لی بایراق " ) آدلانسا دا، ژاپوندا داها چوخ هینوْماروُ (日の丸، "گونش دیسکی" ) آدی ایله تانینیر. بایراق اؤلکه‌نین آدینی سمبولیزه ائدیر: گوندوغان اؤلکه.
نیششوکی بایراغی ۱۳ آقوست ۱۹۹۹-جو ایلده قووّه‌یه مینن " میلّی بایراق و میلّی مارش حاقیندا قانون"-دان سونرا میلّی بایراق کیمی قبول ائدیلمیشدیر. ۱۹۹۹-جو ایله کیمی رسمی شکیلده میلّی بایراق کیمی قبول ائدیلمه‌سه ده، همین واختا کیمی دئ فاکتو اولاراق میلّی بایراق ایدی. مئی‌جی دؤورونون اوّلینده مؤوجود اولموش حؤکومت اورقانی دایجو-کان بایراغین دیزاینی حاقیندا ایکی موراجیعتنامه یایمیشدیر. گونش دیسکی بایراغی ۲۷ فوریه ۱۸۷۰-جی ایلده مئی‌جی ۳-اون ۵۷ سایلی موراجیعتنامه سی ایله تیجارت گمی‌لری اوچون میلّی بایراق، ۲۷ اوکتوبر ۱۸۷۰-جی ایلده ایسه مئی‌جی ۳-اون ۶۵۱ سایلی موراجیعتنامه‌سی ایله حربی دونانما اوچون میلّی بایراق کیمی قبول ائدیلمیشدیر. ایکینجی دونیا ساوشیندان سونرا موتتفیق‌لرین ژاپونو ایشغال ائتدیکلری ایلک بیر نئچه ایل عرضینده بایراغین ایستیفاده‌سی محدودلاشدیریلسا دا، داها سونرا بو محدودیت‌لر آرادان قالخمیشدیر.
گونش ژاپون میفولوژیسینده و دینده واجیب رول اویناییر، چونکی افسانه‌یه گؤره ژاپون ایمپیراتورلاری گونش تانریسی آماتِراسوُنون نسلیندن گلیرلر. اؤلکه‌نین آدی دا بایراغین دیزاینیندا واجیب رول اوینامیشدیر. قدیم تاریخ منبعی اولان شوْکوُ نیهوْنقییه گؤره ایمپیراتور موْنموُ ۷۰۱-جی ایلده اؤز ساراییندا گونشی تمثیل ائدن بایراقدان ایستیفاده ائتمیشدیر. بو، ژاپوندا گونش موتیولی بایراغین ایستیفاده‌سینه دایر ان قدیم قئیددیر. ان قدیم بایراق یاماناشی اوستانی‌نین کوْشوُ شهرینده یئرلشن اوُنپوْ-جی معبدینده ساخلانیلان بایراقدیر و اون آلتینجی عصردن اؤنجه‌سینه عاییددیر. افسانه‌یه گؤره بو بایراق ایمپیراتور قوْ-رئیزئی طرفیندن اون بیرینجی عصرده معبده وئریلمیشدیر.مئی‌جی ایصلاحاتی دؤورونده هم گونش دیسکی، هم ده دوغان گونش بایراغی فورمالاشان ژاپون ایمپیراتولوغونون اساس سمبول‌لاری اولموشدور. تبلیغات آفیش‌لری، کیتاب‌لاری و فیلم‌لرینده بایراق لیاقت و وطنپرورلیک سمبولو کیمی تصویر اولونموشدور. حؤکومتین قرارینا اساسینا ژاپون ائولرینده وطنداش‌لار میلّی بایرام‌لاردا، تدبیرلرده و دیگر حادیثه‌لرده بایراغی نوماییش ائتدیرمگه مجبور ایدیلر. اوزرینده هینوْماروُ تصویری اولان، ژاپون و ایمپیراتورا صداقتی سمبولیزه ائدن موختلیف نیشان‌لار ایکینجی چین-یاپون ساواشیندا و دیگر حربی موناقیشه‌لرده پوپولیار اولموشدور. نیشان‌لار بایراق اوزرینده یازیلمیش شوعارلاردان توتموش بایراغی خاطیرلادان گئییم‌لر و یئمک‌لره قدر موختلیف ایدی.
ایجتیماعیتین بایراغا موناسیبتی موختلیفدیر. تاریخاً هم غرب، هم ژاپون منبع‌لری بایراغین ژاپونلار اوچون گوج و دؤزوملولوک سمبولو اولدوغونو ایدیعا ائتمیشدیرلر. ایکینجی دونیا ساواشی‌‌نین باشا چاتماسیندان سونرا بایراغین و ژاپونون میلّی مارشی اولان کیمیقایوْنوُن اورتا مکتب‌لرده ایستیفاده اولونماسی موباحیثه مؤوضوسونا چئوریلمیشدیر. موباحیثه‌لر اعتیراض‌لارا و محکمه ایشلرینه سبب اولموشدور. اولترامیلّییتچی‌لیکله اولان علاقه‌سینه گؤره بایراق ژاپوندا چوخ دا گئنیش ایستیفاده اولونمور. اوکیناوالی‌لارا گؤره بایراق ایکینجی دونیا ساواشی‌‌نین حادیثه‌لرینی و آمریکا اوردوسونون اوکیناوادا مووقّتی اولاراق اوتورماسینی خاطیرلادیر. بیر زامان‌لار ژاپونون ایشغالی آلتیندا اولموش بعضی اؤلکه‌لره گؤره بایراق آقرسیا و امپیریالیزم سمبولودور. هینوْماروُ ایشغال اولونموش دؤولت‌لرده تهدید، دومینانتلیق و ایطاعت ائتدیرمه مقصدلری اوچون آلت کیمی ایستیفاده اولونموشدور. حاضیردا بعضی ژاپون حربی بایراق‌لاری هینوْماروُیا اساسلانیر.
اتک یازی‌لار
[دَییشدیر]- ^ ۱٫۰ ۱٫۱ قایناق خطاسی برچسب
<ref>نامعتبر؛ متنی برای ارجاع‌های با نامlawوارد نشده است - ^ قایناق خطاسی برچسب
<ref>نامعتبر؛ متنی برای ارجاع‌های با نامsfconوارد نشده است
قایناق خطاسی برچسب <ref> برای گروهی به نام «lower-alpha» وجود دارد، اما برچسب متناظر با <references group="lower-alpha"/> یافت نشد.