Pará

Pará
	Lage
Symbole
FlaggeFlagge	WappenWappen
Basisdatn
Stoot	Brasilien
Hauptstod	Belém
Fläche	1.247.689,5 km²
Eihwohna	7.581.051 (2010)
Dichtn	6,1 Einwohner pro km²
ISO 3166-2	BR-PA
Hoamseitn	www.pa.gov.br (portugiesisch)
Politik
Gouverneur	Simão Jatene
Partei	(PSDB)
Wirtschaft
BIP	77.848 Mrd. R$; 10.259 R$ pro Kopf; (2010)

Dea Artikl do behondld an brasilianischn Bundesstoot Pará. Zu weidan Bedeitunga vo dem Nam schau: Pará (Begriffsklearung).

-4-53Koordinaten: 4° S, 53° W

Pará is a Bundesstoot im Noadn vo Brasilien im Amazonasgebiet.

Geografie

Pará is da estliche vo de zwoa groußn Bundesstootn am Amazonas - nem am nochm Strom bnenndn Nochboastoot, deckd Pará sein Untalaff ob. Da gwoitige Mindungsbereich vom Amazonas, mid da greßdn Flussinsl vo da Wejd, Marajó, liegd in Pará. Da Bundesstoot is zum iwawiengdn Tei vo Tropischm Rengwoid bedeckd, dessn Fläch jedoch duach zuanehmnde Obhoizung voa oim on da Ostgrenz schrumpfd.

Mid uma 1,248 Mio. km² is Pará flächnmäßig da zwoatgreßde Bundesstoot. Ea hod noch da Voikszejung vom IBGE vo 2010 7581.051 Eihwohna, de Paraensa gnennd wean.^[1] Zum 1. Juli 2014 is de Bevejkarung duachs IBGE af 8.073.924 Eihwohna gschätzd worn. Haptstod is Belém (uma 1,4 Mio. Eihwohna), weidare wichtige Städt san Santarém und Marabá.

Wiatschoft

Da Rengwoid wead vo intensiv betriemna Hoizindustrie bewiatschofdt. Problematisch is de Benochteijigung vo da Uabevejkarung duach Brondrodung und Zastearung vom Rengwoid.

Zu de wichtigsdn Expoatproduktn ghean: Eisneaz, Toneadn (Al₂O₃), Aluminium und Hoiz.

Greßde Städt

De greßdn Städt mid iahra Eihwohnazoih laud Voikszejung vo 2010 san:

Belém - 1.402.056
Ananindeua - 471.744
Santarém - 299.419^[3]
Marabá - 238.708
Castanhal - 179.036
Parauapebas - 153.942
Abaetetuba - 147.846
Cametá - 120.904

Bragança - 113.165
Marituba - 108.251

Spoat

In Belém bfindt se's Stadion Mangueirão, des im August 1969 featiggstejd worn is. 2002 is's ois Olympischs Stadion deklariad worn. Wia in jedm ondan Bundesstoot vo Brasilien wead in Pará a Stootsmoastaschoft im Fuaßboi ausdrong, as Campeonato Paraense.