Kareta
Kareta (Indonesia: sepeda motor; Inggeris: motorcycle) ima sada kendaraan adong dua roda na[1] jala mamangke masin molo naeng padalanhon na. Inganan ni roda nai ingkon tigor duansa. Adong sitangna, na boi mangatur parhatop ni pardalanan ni kareta on, naeng hatop manang lambat, diatur pamangke na. Di Indonesia, bahat do jolma na ampunasa kareta on, alana boi mardalani manag tudia, dungi, lumobi mura dohot ontik ditudoshon mamangke motor.[2]
Di taon 2019, Indonesia adong di nomor 3 gabe nagara umbahatan mamangke kareta mamareng persentasina, bahatna 80 juta kareta, hira-hira 85% halak Indonesia adong karetana.[3]
Parningotan
[patota | patota mualna]
Kareta on ma gabe transportasi na dipatorus sian lereng (sepeda) konpensional naparjolo hali ditompahon. Taon 1868, Michaux ex Cie, sada parusahaan parjolo di portibi on namangurupi mamproduksi skala bahat angka kareta titingki i. Dihembanghon ma masin uap, gabe bahan padalanhon kareta. Alai, dang barhasil, gabe dipatorus si Edward Butler ma proyek on, nasida ima parmalo sian Inggeris. Dibahen si Butler ma kendaraan martolu roda. Dung sian ima, bahat ma angka namalo mambahen ragam ni kareta manang motor, ditingki i, tarmasuk ma si Gottlieb Daimler dohot Wilhelm Maybach, angka namalo sian Jerman.
Dung i, pajumpang ma si Daimler dohot si Maybach, tingki karejo di Deutz-AG-Gasmotorenfabrik, sada produsen masin stasioner naumbalga di taon 1872. Ampunasa Deutz-AG-Gasmotorenfabrik, margoar Nikolaus Otto, boi mambahen masin opat tak (mesin empat langkah), gabe dipatenhon masin i taon 1877. Taon 1880, si Daimler dohot Maybach diharuarhon sian parusahaan i, dung i dibahen halaki ma sada bengkel di Stuttgart, Jerman.
Taon 1885, dibahen halaki ma sada karburator. Dung i, dipatorusma mangulahon masin opat tak gabe silinder 100 cc, jala dipraktekhon tu lereng manang kareta angin hau. Hapeng, boima mardalan lereng hau i mamangke masin. Dijou ma lereng i goarna Reitwagen manang "mangusung motor", jala on ma gabe kareta parjolo na dibahen manisia di portibi.[4][5]
Pustaha
[patota | patota mualna] |
Wikimedia Commons ᯀᯑᯬᯉ᯲ᯎ᯲ ᯔᯩᯑᯪᯀ ᯔᯩᯉ᯲ᯎᯩᯉᯤ Category:motorcycle. |
- ↑ Cossalter, Vittore. Motorcycle Dynamics (2006), Lulu, ISBN 978-1-4303-0861-4, Diakses tanggal 10 Desember 2021
- ↑ KumparanOTO, Kenapa orang Indonesia Suka Bangat Naik Motor (29 Nopember 2017), www.kumparan.com, Diakses tanggal 10 Desember 2021
- ↑ Nurhadi, 10 Negara Pengguna Sepeda Motor Terbanyak, Indonesia Urutan Ketiga (19 Nopember 2021), www.otomotif.tempo.co, Diakses tanggal 10 Desember 2021
- ↑ Media Kawasan. Edisi November 2013. alaman 78-80. Penciptaan Sepeda Motor: Dari Sepeda Hingga Mesin Empat Tak., Diakses 10 Desember 2021
- ↑ Modern Motorcycle Technology, 2nd ed. Edward Abdo. alaman 2-5. Delmar, Cengage Learning. Diakses tanggal 10 Desember 2021