One World Trade Center
An One World Trade Center (inaapod man, One World Trade o One WTC, dati popular sa apod na Freedom Tower) iyo an pinakasentro sa mga edipisyo naka'ripondipon sa inapod na bagong World Trade Center complex namomogtak sa Lower Manhattan kan siyudad nin Nueva York asin ini na an pinakahalangkaw na edipisyo sa Estados Unidos asin sa Hemispirong Solnopan sa taas na 1,776 na pye.[1][2] An 104-soson na naglalanyog na edipisyo nakatindog sa norte-solnopan na parte kan 6.5 ektaryang hiwas kan su dating lugar natotogdokan kan si orihinal na 6 World Trade Center. An edipisyo kadolon sa solnopan kan West Street, sa amnayan kan Vessey Street, sa habagatan kan Fulton Street asin sa subangan kan Washington Street. An pagtogdok kan pundasyon, mga pamitisan, asin mga karabuhaton sa irarom kan daga pino'nan kan Abril 27, 2006. Kan Marso 30, 2009, an Port Authority kan Nweba York asin New Jersey pinagboot na an edipisyo opisyalmente aaporon na One World Trade Center imbes kan popular na arapodan na Freedom Tower (Torre nin Katalingkasan).
An nagdesenyo asin nagpahaman kan edipisyong ini iyo sinda Arkitekto Thomas Boada asin David Childs. An edipisyo tinostosan nin nag'abot nang $3.9 bilyon kan Abril 2012 asin an pagpakarhay saka pagpagayon kan enterong sityo niya palibot nag'abot nang $14.8 bilyon pagtongtong kan taon 2012.[3] Ini iyo an karibay kan narogbang Twin Towers resulta kan pagbungdol igdi kan duwang eroplanong Boeing 767 hinaydyak kan mga teroristang naghurugot sa makagiram'giram na 'suicide attack' igdi kan Septyembre 11, 2001.
Linalaoman na sa taon 2014 mapopo'nan magamit an edipisyo asin sa 2016 entero nang nag'ooperar an kahiwasan kan sityo kan complex. An One World Trade Center Complex yaon sa pagkapot kan Silverstein Properties na arkilado nin 99 na taon an nasabing pagrorogaring kan siyudad nin Nweba York.[4]
Kataytayan nin mga ladawam
[baguhon | baguhon an source]-
An orihinal na Twin Towers, c. 2000 -
An Twin Towers nagsusulo, 2001 -
An One World Trade Center asin paralibot, Abril 30., 2012
Toltolan
[baguhon | baguhon an source]- ↑ http://edition.cnn.com/2013/11/12/travel/one-world-trade-center-tallest-us-building/ Kinua 13-11-13
- ↑ http://online.wsj.com/news/articles/SB10001424052702304644104579193780232554434 Kinua 13-11-13
- ↑ http://www.forbes.com/sites/morganbrennan/2012/04/30/1-world-trade-center-officially-new-yorks-new-tallest-building/ Kinua 13-11-13
- ↑ http://www.forbes.com/sites/morganbrennan/2012/04/30/1-world-trade-center-officially-new-yorks-new-tallest-building/ Kinua 13-11-13
