Брус Дзікінсан

Брус Дзікінсан
англ.: Bruce Dickinson
Брус Дзікінсан.
Асноўная інфармацыя
Дата нараджэння	7 жніўня 1958(1958-08-07)[…] (66 гадоў)
Месца нараджэння	Уэрксап[d], Басетла[d], Нотынгемшыр, Нотынгемшыр, Англія, Вялікабрытанія
Краіна	Вялікабрытанія
Альма-матар	Лонданскі ўніверсітэт каралевы Марыі King Edward VII School[d] Birkdale School[d]
Музычная дзейнасць
Прафесіі	сцэнарыст, фехтавальшчык, лётчык, прадпрымальнік, кампазітар, бровар, рок-музыкант, тэлевядучы, heavy metal singer
Пеўчы голас	тэнар
Інструменты	вакал
Жанры	метал і хэві-метал
Грамадская дзейнасць
Член у	Iron Maiden Samson[d] (1981)
Узнагароды	Golden Raspberry Award for Worst Original Song[d] (1989)
screamforme.com (англ.)
Медыяфайлы на Вікісховішчы

Пол Брус Дзікінсан (англ.: Paul Bruce Dickinson; нар. 7 жніўня 1958(1958-08-07)^[…], Уэрксап^[d], Нотынгемшыр) ― англійскі рок-музыкант, пісьменнік, спартсмен (фехтавальшчык), пілот грамадзянскай авіяцыі, радыёвядучы, прадзюсар, акцёр, больш за ўсё вядомы як вакаліст хэві-металічнага гурта «Iron Maiden».

Біяграфія

Дзікінсан на пачатку кар’еры паспрабаваў свае сілы ў некалькіх лакальных англійскіх гуртах, накшталт «Styx» (1976), «Speed»(1977—1978) і «Shots» (напачатку 1979). Пасля гэтага ён прымкнуў да хард-рок гурта «Samson» пад канец 1979 года, дзе набыў некаторую папулярнасць. На той час ён выступаў пад мянушкай «Bruce Bruce». У 1981 годзе Брус пакідае Samson і прымыкае да гурта «Iron Maiden» па запрашэнні Стыва Харыса. На наступны год Дзікінсан разам з гуртам выпускае пласцінку «The Number of the Beast», што адразу набывае плацінавы статус. Пасля гэтага спявак становіцца вядомым на ўвесь свет. Гурт выдаў яшчэ некалькі альбомаў пакуль у 1993 годзе Брус не пакінуў калектыў.

Пасля развітання з Iron Maiden, Дзікінсан вырашыў займацца сольнай кар’ерай і сабраў свой калектыў, названы сваім імем — «Bruce Dickinson». Гурт граў у стылі хард-рок, эксперыментуючы з рознымі стылямі. Але ў 1999 годзе Брус разам з былым калегам Адрыянам Смітам зноў апынаецца ў складзе Iron Maiden, з якім не развітваецца і да сёння.

Дзяцінства

Пол Брус Дзікінсан нарадзіўся ў маленькім шахцёрскім мястэчку Уорксап (Нотынгемшыр). Яго маці Соня працавала ў краме абутку, а яго бацька быў механікам у войску. Нараджэнне Дзікінсана падштурхнула іх да шлюбу, бо на той час у Англіі аборты былі пад забаронай. Напачатку маладым дапамагалі бацькі — дзядуля Бруса працаваў шахцёрам. Сваё роднае мястэчка Дзікінсан пазней адлюстраваў у кампазіцыі «Born In '58» з сольнага альбома «Tattooed Millionaire».

Дзікінсан спачатку пайшоў у школу «Manton Primary», але калі яму было шэсць гадоў сям’я пераехала ў Шэфілд, таму Брус быў вымушаны пайсці ў новую школу «Manor Top», якая малому не падабалася. Пасля шасці месяцаў навучання ў школе ў Шэфілдзе бацькі вырашылі аддаць маленькага Бруса ў прыватную школу «Sharrow Vale Junior».

Дыскаграфія

Самотнік

• «Tears of the Dragon» (1994)

Спасылкі

• На Вікісховішчы ёсць медыяфайлы па тэме Брус Дзікінсан
• Брус Дзікінсан на афіцыйным сайце Iron Maiden Архівавана 22 мая 2010. (англ.)
• Брус Дзікінсан на сайце рускамоўных фанаў Iron Maiden (руск.)