Віктор з’яўляецца выхаванцам школ «Сан-Паўлу» і «Паўлісты», у галоўным складзе якой дэбютаваў у 2001 годзе. У 2005 годзе разам са свой камандай заваяваў Кубак Бразіліі — гэта перамога была цікавая тым, што сама «Паўліста» на той момант выступала ў Серыі B і ў гэтым статусе прадставіла Бразілію ў Кубку Лібертадорэс 2006 года. Поспехі брамніка не засталіся незаўважанымі ў грандаў бразільскага футбола і, нарэшце, у канцы 2007 года Віктор перайшоў у «Грэміу».
У складзе «трохкаляровых» Віктор выйграў толькі адзін сур’ёзны трафей, стаўшы чэмпіёнам штата Рыу-Гранды-ду-Сул у 2010 годзе, але сама гульня брамніка атрымала прызнанне як у заўзятараў і спецыялістаў, так і трэнераў зборнай Бразіліі. У 2009 годзе Віктор увайшоў у сімвалічную зборную чэмпіянату Бразіліі, атрымаўшы Сярэбраны мяч паводле версіі выдання Placar. У 2008 і 2009 гадах ён прызнаваўся найлепшым брамнікам Бразіліі паводле версіі Globo і КБФ.
З сярэдзіны 2012 года Віктор стаў выступаць за «Атлетыку Мінейру». У наступным годзе дапамог «пеўнічкам» упершыню ў гісторыі дайсці да фіналу Кубка Лібертадорэс. Завяршыў кар’еру ў лютым 2021 года.
Бразілія
Медыяфайлы на Вікісховішчы
На Вікісховішчы ёсць медыяфайлы па тэме Віктор Леандру Бажы