Дыяцэзія

Не блытаць з Дыяцэзіяй — адміністратыўнай адзінкай старажытнага Рыма.

Дыяцэзія (лац.: dioecesis ад грэч. διοίκησις — кіраванне) — царкоўна-адміністрацыйная тэрытарыяльная адзінка ў Каталіцкай, Англіканскай і некаторых пратэстантскіх цэрквах, на чале якой стаціць біскуп ці архібіскуп.

У грэчаскай Царкве тэрмінам διοίκησις пазначаюць усю тэрыторыю, размешчаную ў юрысдыкцыі той ці іншай памеснай Царквы.

Рымска-каталіцкая царква з XIII стагоддзя заве біскупскі царкоўныя акругі дыяцэзіямі, Англіканская царква, Царква Швецыі і некаторыя іншыя хрысціянскія дэнамінацыі захавалі гэту назву пасля Рэфармацыі. У Рускай праваслаўнай царкве дыяцэзіям адпавядаюць епархіі — ад грэч. ἐπαρχία.