MOROP
МОРОП (ням.: MOROP — Verband der Modelleisenbahner und Eisenbahnfreunde Europas, «Аб’яднанне чыгуначных мадэлістаў і сяброў чыгункі Еўропы»[1]), федэрацыйная арганізацыя, якая аб’ядноўвае нацыянальныя федэрацыі чыгуначнага мадэлізму і сяброў чыгункі ў Еўропе. Штаб-кватэра месціцца ў Берне (Швейцарыя); федэрацыя падпарадкоўваецца швейцарскім законам.
Федэрацыя была заснаваная ў 1954 у Генуі (Італія) з мэтай пашырэння уніфікацыі памераў і правілаў у чыгуначным мадэлізме. Федэрацыйны прынцып уведзены ў 1958. У наш час складаецца з 21 федэрацыі з 16 краін, аб’ядноўвае больш за 30 тыс. сяброў. Афіцыйныя мовы — французская і нямецкая.
Федэрацыя выпускае серыю стандартаў NEM, у якой рэгламентуецца рад геаметрычных і электрычных параметраў чыгуначных мадэляў. Супольна з амерыканскай федэрацыяй NMRA выпускае серыю стандартаў на лічбавыя кіравальныя сістэмы чыгуначных мадэляў (DCC, Digital Control Command).
Гл. таксама
[правіць | правіць зыходнік]Зноскі
- ↑ Пачаткова скарачэнне чыталася як Verband der Modelleisenbahner Europas, «Аб’яднанне чыгуначных мадэлістаў Еўропы».