Eugenio Montale
Eugenio Montale (* 12 Uktubir 1896 di Genova; † 12 Siptimbir 1981 di Milano) adalah saurang panyair Italia. Pas tahun 1975 inya dianugarahi Penghargaan Nobel dalam Sastra.
Montale marupakan anak pahalusannya atawa bungsu matan 6 badingsanak, anak padagang bahan kimia. Haratan tahun 1915 Montale bagawi sabagai akuntan, tagal imbahnya ampih bagawi maraga hagan maumpati kakatujuannya lawan sastra, rancak ka parpustakaan kuta wan maumpati palajaran filsafat privat dingsanaknya Marianna. Salawas Perang Dunia I, sabagai angguta Akademi Militer Parma, Montale minta dikirim ka garis muka. Imbah pangalaman perang nang kada lawas sabagai parwira infantri di Vallarsa wan Val Pusteria, pas tahun 1920 inya babulik ka rumah.
Bangkitnya rezim fasis banyak mamangaruhinya, maski di tingkat bawah sadar, garumbung puisi panambayanya Ossi di seppia ("Tulang Sotong") cungul haratan tahun 1925. 2 tahun imbahnya inya pindah ka Firenze, nang mana inya jadi kapala parpustakaan "Gabinetto Vieusseux". Lamun pas tahun 1938 inya diampihi matan jabatannya ulih partai fasis nang bakuasa. Haratan tahun 1939 Montale manarbitakan bukunya nang bajumlah 2 seri "Le occasioni". Inya bagawi di surat kabar Corriere della Sera di Firenze wan tahun 1948 di Milano. Bukunya nang ka 3 "La bufera e altro" tarbit tahun 1956. Karya-karya uncitnya adalah Xenia (1966), Satura (1971) wan Diario del'71 e del '72 (1973). Satura baisi elegi nang perih lawan istrinya Drusilla Tanzi.
Montale hudah manarima galar kahurmatan matan Universitas La Sapienza Roma, Universitas Milano wan Universitas Cambridge.
Karya
[babak | babak asal-mulanya]- 1921 - I Limoni
- 1925/28 - Ossi di seppia
- 1938 - Le Occasioni
- 1943 - Finisterre
- 1956 - La bufera e altro
- 1971 - Satura
- 1973 - Diario del '71 del '72