-fet
Brezhoneg
Etimologiezh
- Diwar un dibenn -ot, pe -et (-het e brezhoneg Gwened), distaget "het", troet da " -fet" (a-wechoù -fot)
Dibenn-ger
-fet /fet/
- Dibenn-ger a dalvez da sevel furm ar verboù en eil gour lies an amzer-da-zont, en doare-disklêriañ, e brezhoneg Treger
- Gant tud ar ru am eus clewet :
Rac-se kit 'n ho bro, pa garfet. — (Fañch an Uhel, Soniou Breiz-Izel 1, Pariz, 1890, 1971, p. 324.) - — Deut ganen hag o gwelfet. — (Fañch an Uhel, Kontadennoù ar Bobl/1, Al Liamm, 1984, p. 57.)
- — [...], ha pa deufet da vervel, [...]. — (Fañch an Uhel, Kontadennoù ar Bobl/1, Al Liamm, 1984, p. 94.)
- — [...]. Neuze ec'h efet ivez er gwele hag e lazhfet ar goulou, met diwallit mat da gousket. [...] ? — (Fañch an Uhel, Kontadennoù ar Bobl/1, Al Liamm, 1984, p. 179.)
- — [...]. Neuze, war-dro hanternoz, pa vo kousket holl dud ar palez, e skoulmfet liñselioù ho kweleoù an eil ouzh eben, hag e tiskennfet er porzh, gant ar briñsez. — (Fañch an Uhel, Kontadennoù ar Bobl/1, Al Liamm, 1984, p. 191.)
- — Bep beure ec'h efet d' ar jardin, kerkent ha ma savfet eus ho kwele, hag e kutuilhfet pep a delienn eus ma gwezenn. [...]. — (Fañch an Uhel, Kontadennoù ar Bobl/1, Al Liamm, 1984, p. 210.)
- — [...]. Alies e kouezhfet ; met savet, hag it arre, hep koll kalon. [...] !... — (Fañch an Uhel, Kontadennoù ar Bobl/1, Al Liamm, 1984, p. 211.)
- — [...] ! "Bete mouezh ho preudeur a glevfet o lâret deoc'h" : [...]. — (Fañch an Uhel, Kontadennoù ar Bobl/1, Al Liamm, 1984, p. 214.)
- — [...], hag un deiz a deuo marteze am gwelfet en ur stumm all. — (Fañch an Uhel, Kontadennoù ar Bobl/1, Al Liamm, 1984, p. 232.)
- — Petra a c'hoantaet, ma c'halonig ? Lâret din, ha n'eus forzh petra a c'houlennfet, ho pezo. — (Fañch an Uhel, Kontadennoù ar Bobl/1, Al Liamm, 1984, p. 278.)
- — Mont a refet, pa lâran deoc'h, ha pa dremenfet dre ar Groaz-Neud e vo ret deoc'h dañsal gant an dañserien-noz — (Fañch an Uhel, Kontadennoù ar Bobl/2, Al Liamm, 1985, p. 105.)
- — [...], ha kerkent e welfet anezhi o treiñ en houadez hag o nijal d'ar poull gant an houidi all. [...]. — (Fañch an Uhel, Kontadennoù ar Bobl/2, Al Liamm, 1985, p. 106.)
- — Nann, ha n'am gwelfet ken zoken. — (Fañch an Uhel, Kontadennoù ar Bobl/3, Al Liamm, 1988, p. 163.)
- — Ma ! en-berr, pa vo serret an noz, e c'hallfet dont ; Jakez na gousko ket er gêr fenoz. — (Fañch an Uhel, Kontadennoù ar Bobl/3, Al Liamm, 1988, p. 200.)
- « Selaouet mat, hag e klevfet gwelloc'h a-ze,
« Nemet unan bouzar bennak a ve,
« Ha mar 'z eus, c'houi laro an eil d'egile ! — (Klaoda ar Prad, Marvailhou ar Vretoned e-tal an tan, Sant-Brieg, 1907, p. 24.) - — Ne dapfet ket ac'hanon, n'eo ket skanv a-walc'h ho troad. — (Fañch al Lae, Bilzig, Kemper, 1925, p. 88.)
- — [...]... Pet sonj, Pipi, aman e chomfet fenoz. — (Erwan ar Moal, Pipi Gonto, Kemper, 1925, p. IV.)
- "[...]. Bezet engortoz d'o gwelet, avat, pa soñjfet an nebeutañ." — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 93.)
- Gant tud ar ru am eus clewet :
Notenn
Implijet gant Fañch an Uhel, hag ezvezant e levrioù Jul ar Groz.
