krog

Brezhoneg

Etimologiezh

Diwar ar ger gallek croc.

Anv-kadarn

krog /krɔ:k/ gourel (liester krogoù, krigi, kregier )

1. Benveg da gregiñ en un dra bennak.
   • Tap ur c'hrog.
   • Ur c'hrog da adlannañ. — (Jules Gros, Le trésor du breton parlé Deuxième Partie, 1970, p. 290.)
2. krog gouren: krogad gouren
   • Greomp eta ur c'hrog gouren. — (Fañch an Uhel, Kontadennoù ar Bobl/1, Al Liamm, 1984, p. 45.)
3. kaout krog en un dra: gallout kregiñ ennañ
   • Ha Loull ar Bouc'h, petra oa deuet da vezañ e-pad m'edo ar Chouanted o treiñ an traoù, en e di, o klask kaout krog ennañ ? — (Lan Inizan, Emgann Kergidu 1, Brest, 1877, eil emb. Al Liamm 1977, p. 97.)
4. tapout, pakañ krog: kregiñ en udb pe ub
   • [...], hag o mestr a bakas krog start er sakrist en ur lavaret dezhañ : « [...] ? — (Lan Inizan, Emgann Kergidu 1, Brest, 1877, eil emb. Al Liamm 1977, p. 94.)

Deveradoù

• krogad

Gerioù kevrennek

• bazh-krog
• krog-bank
• krog-pouezañ
• krog-pouezer

Troienn

• mont hep e grog da vouara

Troidigezhioù

• galleg : croc ^(fr) ; prise ^(fr)
• esperanteg : hoko ^(eo)

• saozneg : hook ^(en)

Anv-gwan

krog /krɔ:k/

1. (Bezañ) krog (gwelout pelloc'h: krog en un dra, krog da ober un )
   • — [...]. Bremañ on krog-mat adarre ; dalc'h mat ivez. » — (Lan Inizan, Emgann Kergidu 1, Brest, 1877, eil emb. Al Liamm 1977, p. 224.)
2. Pa gomzer eus ul labour:
   • N'eo ket krog ar mediñ c'hoazh. — (Jules Gros, Le trésor du breton parlé Deuxième Partie, 1970, p. 291.)
   • Abaoe ma'z eo krog ar skol ... . — (Jules Gros, Le trésor du breton parlé Deuxième Partie, 1970, p. 291.)
3. Pa gomzer eus an tan:
   • - [...] ; pa vo krog mat an tan, e taolfet ar walenn en e greiz, hag a lârfet d'ar sonerien mont d'he c'hlask e-barzh. — (Fañch an Uhel, Kontadennoù ar Bobl/4, Al Liamm, 1989, p. 98.)
   • N'eo ket krog ma zan. — (Jules Gros, Le trésor du breton parlé Deuxième Partie, 1970, p. 291.)
   • Me a soñje din e oa krog an tan en un tu bennak. — (Jules Gros, Le trésor du breton parlé Deuxième Partie, 1970, p. 291.)
4. (Bezañ) krog en un dra pe krog en un den bennak
   • « Krog on ennañ, Aotrou person ; dalc'hit mat 'ta, riklañ a rit ... — (Lan Inizan, Emgann Kergidu 1, Brest, 1877, eil emb. Al Liamm 1977, p. 224.)
   • Heman a ioa krog e breac'h eur baotrezik a zek vloaz hanter, Glaodina ar Faou, a ioa plac'h-saout gand Laou ar Floc'h. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 144.)
   • « Ac'hanta, eme Ivon, krog en e gleze ... — (Troude ha Milin, Labous ar Wirionez ha Marvailhoù all, Skridoù Breizh, 1950, p. 132.)
5. (Bezañ) krog da ober un dra bennak
6. bezañ krog un dra en un den :
   • Me n'eo ket krog ar c'hoant c'hoarzin ennon. — (Jules Gros, Le trésor du breton parlé Deuxième Partie, 1970, p. 291.)
7. Pa gomzer eus un ober boulc'het:

   bezañ krog gant un dra

   • A-boan ma oa krog gant e bred, m'en em gavas brini a-us d'e benn en ur goagal gant ur vouezh truezus. — (Marsel Klerg, Faltazi an amzerioù kent, Mouladurioù Hor Yezh, 1999, p. 172.)
8. (pa gomzer eus an oad)
   • Nik a oa krog en e c’houezek vloaz, ha Seven ne oa c’hoaz nemet pevarzek. {{mammenn|KBSA|34}

Deveradoù

• kroget
• krog-mat

Troienn

• bezañ krog-ha-krog
• mont krog-ha-krog

Troidigezhioù

• saozneg : started ^(en)
• spagnoleg : empezado ^(es)
• galleg : commencé ^(fr)

Etimologiezh

Diwar ar verb kregiñ.

Furm verb

1. Doare-gourc'hemenn ar verb kregiñ

   • Krog mat er gordenn!— (Jules Gros, Le trésor du breton parlé Deuxième Partie, 1970, p. 282.)

2. Doare-disklêriañ

   • Ar yenion a grog en dud.
   • An aer-vor-se a grog en houarn. — (Jules Gros, Le trésor du breton parlé Deuxième Partie, 1970, p. 282.)