tiez
Brezhoneg
Etimologiezh
- Diwar an anv-kadarn ti hag an dibenn-ger lies -ez.
Furm anv-kadarn
tiez /ˈtiːɛs/
- Furm lies an anv-kadarn ti
- Goude m'o devoe furchet an archerien jardin an eskopti eus an eil korn d'egile, hag an eskopti eus an nec'h d'an traoñ, hep kaout an hini a glaskent, e teujont e kêr hag ec'h en em lakejont da furchañ ivez an tiez. — (Lan Inizan, Emgann Kergidu 1, Brest, 1877, eil emb. Al Liamm 1977, p. 20.)
- ... Er c'hastell hag er maneriou, e kêr ha betek en tiez war ar mêz, ne glevan ken nemet mouez an estren ha ne welan nemet giziou ha doareou hag a ra d'in trei va fenn. — (Erwan ar Moal, An “Hini Goz” o vont da denna he foltred, Editions FEIZ HA BREIZ, 1913, p. 24.)
- Ne voe bet kaoz e tiez Landremel, an noz-se, nemet eus marv Herri Karreg-al-Louarn. — (Jakez Riou, An Ti Satanazet, Skridoù Breizh, 1944, p. 23.)
- Dre ar porzhioù hag al liorzhoù a-dreñv d'an tiez e c'haloupe ar gov Pipi Berrot hag e zarbarerien, [...]. — (Jarl Priel, Va Zammig Buhez, Al Liamm, 1954, p. 39.)
- Kement gwenneg diwar feurm ar parkeier hag an tiez, kement lur a-ziwar al leve, a weze kaset gantañ raktal d'an ti bank war anv kerent e wreg na brizent ket zoken sellout outañ. — (Jarl Priel, Va Buhez e Rusia, Al Liamm, 1955, p. 18.)
- An ti a oa a-us d'ar porzh-mor, unan eus an tiez diwezhañ eus ar gêr vihan, war hent Toull-Inged. — (Roparz Hemon, An Ti a Drizek Siminal, Al Liamm, 1956, p. 9.)
- [...], tiez kempenn a bep stumm en daou du, gouleier en o frenestroù garlantezet a ginkladurioù Nedeleg. — (Jakez Konan, NOZ AR PELLGENT, Al Liamm niv. 65, Du-Kerzu 1957, p. 13.)
- Dre ma 'z aen gant va hent e kleven en-dro din, en tiez hent-houarn hag e pep kombod an trenioù, va c'henveajourien o trailhañ rusianeg : [...]. — (Jarl Priel, Amañ hag Ahont, Al Liamm, 1957, p. 11.)
- Ar mammoù a wilioudas ha bugaligoù nevez a vleunias en tiez. — (Jakez Riou, Geotenn ar Werc'hez ha danevelloù all, Al Liamm, 1957, p. 15.)
- Tremen a rejont tiez hañv damguzhet o zalbennoù gwenn e-mesk ar gwez. — (Ronan Huon, AR GWENNILI-MOR, Al Liamm niv. 77, Du-Kerzu 1959, p. 407.)
- Er gevred emañ Vigo, tiez gwenn dindan ur c'hastell war un dorgenn. — (Roparz Hemon, Mari Vorgan, Al Liamm, eil emb. 1975, p. 29.)
- An tiez, an darn vuiañ anezho tiez-hañv nevez savet, a oa serret ar stalafioù warno, hag e seblantent bezañ holl goullo. — (Roparz Hemon, Ho kervel a rin en noz ha marvailhoù all, Al Liamm, 1970, p. 15.)
- Morvitellet e oa kêr Viranda en he c'housked, ha ne fiñve ket un ene en-dro d'an toennoù ruz merglet ha d'an tiez marvelen prennet kloz o stalafioù. — (Youenn Drezen, Sizhun ar Breur Arturo, Al Liamm, 1971, p. 36.)
- Aze 'vat oan bet e skol gant ar Saozon : an doare o deus da aozañ o liorzhoù a blij din kement hag an doare o deus da renkañ an diabarzh eus o ziez. — (Pêr Denez, Glas evel daoulagad c'hlas na oant ket ma re, Al Liamm, 1979, p. 8.)
- Un straed hir, tiez gwennrazet en daou du dezhi ho kas da greiz ar vourc'h. — (Jakez Konan, Lannevern e kañv ha danevelloù all, Al Liamm, 1980, p. 43.)
- Diwezhat e oad da venel kousket en noz-se ; en tiez dre-holl e voe kousket fall. — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 24.)
- Boliji serret, dorioù prennet, an avel o c'hoari vazh en-dro d'an tiez dilezet, lern ha gedon oc'h ober jabadao el liorzhoù leun a strouezh. — (Goulc'han Kervella, Brezel ar Rigadell, Al Liamm, 1994, p. 9.)