Malala Yousafzai
|
C'l artìcol chè 'l è scrit in
Carpśàn |
Malala Yousafzai, o anca Malala Yousufzai (in ûrd : ملالہ یوسف زئی) l'è na studàinta anglo-pakistàna cumbatèinta p'r i dirìt ed cal dòni in dal Pakistan, nèda al 12 ed lój dal 1997 a Mingora, in dla pruvèinsa dal Khyber Pakhtunkhwa, e vinsidóra, al 10 'd utòber 2014, dal Prémi Nobel per la pêś.[1]
La ragàsa l'à visû a Mingora, la sitê più impurtànta dal distrèt ed Swat, in dal nord dal Pakistan, indû a ghe stà dimòndi talebàṅ. Studàinta dimòndi brèva, in dal 9 'd utòber dal 2012, soquànt talebàṅ i àn tentê 'd masèr-la perchè chilōr i n'vólen minga che 'l ragasóli e gnanc cal dòni i s'istruìsen.[2] La Malala la s l'è cavèda, mo p'r al ròt edla scùfia, perchè i l'ìven frìda dimòndi grêv, e l'ìva duvû èser purtèda a Birmingham in dl'Inghiltèra per gnìr-egh fòra, cun dal curi dimòndi delichèdi.
Referèinsi
- ↑ (FR) « Le prix Nobel de la paix attribué à Malala Yousafzai et Kailash Satyarthi », Ijsberg Magazine, 10 'd utòber 2014.
- ↑ (IT) 'L artìcul in sìm'a Repubblica ch'al descòr dla sparatòria in dl àvtobus indû a gh'era la Malala
Colegamèint estèren
- (EN) Na quelc paśna dal diàri dla Malala, publichèda dala BBC in dal 2009.
- (EN) La ragàsa ch'la spiéga la só batàja in 'n artìcol dla BBC dal 24 novèmber 2011.
