Dolomitoj
| Dolomitoj | |||
|---|---|---|---|
 Sella montaro
| |||
| |||
| montarmasivo • montara sistemo | |||
| La plej alta punkto | Marmolada (3 342 m) | ||
| Supra tutaĵo | Orientaj Alpoj | ||
| Kontinento | Eŭropo | ||
| Situo |  Italio
| ||
| Geografia situo | 46° 25′ N, 11° 50′ O (mapo)46.413811.8398Koordinatoj: 46° 25′ N, 11° 50′ O (mapo) | ||
| |||
 Dolomitoj | |||
La Dolomitoj (ladine: Dolomites; itale Dolomiti; germane Dolomiten) estas montara sistemo situanta en nordorienta Italio.
La Dolomitoj formas parton de la orientaj Alpoj kaj etendiĝas de la rivero Adiĝo en la okcidento ĝis la valo de la rivero Piave (Pieve di Cadore) en la oriento. La nordaj kaj sudaj limoj estas difinitaj fare de la Puster Valo kaj la Sugana Valo (Val Sugana). La Dolomitoj troviĝas preskaŭ sampartaj en la provincoj Beluno, Sudtirolo kaj Trentino.
Ekzistas ankaŭ aliaj montogrupoj de simila geologia strukturo. En oriento, trans la rivero Piave la Dolomiti d'Oltrepiave kaj en okcidento trans la rivero Adiĝo la Dolomitoj de Brenta (okcidentaj Dolomitoj). Ekzistas ankaŭ alia pli malgranda grupo nomita Piccole Dolomiti (Malgrandaj Dolomitoj) situanta inter la regionoj de Trentino, Verono kaj Vicenza.
Unu nacia parko kaj multaj aliaj regionaj parkoj situas en la Dolomitoj. En aŭgusto 2009, la Dolomitoj estis deklaritaj Monda heredaĵo de Unesko.