Kipao
vertoĉapo
Kipao, kutime nomita vertoĉapo en esperanto (vidu PIV), (hebree כִּפָּה, Kipa aŭ Kipah, plurale Kipot, jide יאַרמלקע, jarmulke aŭ קאפל, Kapel) estas tradicia ĉapo, kiun viraj judoj kutimas porti aparte dum la plenumo de religiaj ritoj.
vertoĉapo kaj la tradicia juda sepbraka kandelingo "Menora"
Temas pri malgranda cirkla peco de ŝtofo aŭ foje ledo, kiu povas esti riĉe ornamita kaj kovras la malantaŭan parton de la kapo. Ofte kipaoj estas fiksitaj al la hararo per metala fiksigilo. Portado de la kipao estas kutima dum ĉiu speco de preĝoj, sed ankaŭ krome dum ĉiaspecaj vizitoj de judaj religiaj lokoj kiel sinagogoj aŭ judaj tombejoj. Multaj ortodoksaj judoj ankaŭ portas kipaon dum la ĉiutaga vivo, tamen ne dum dormado.