Lhotse
Lhotse | |||
---|---|---|---|
![]() | |||
monto | |||
Alteco | 8 516 m | ||
Situo | Ĉinio kaj Nepalo | ||
Montaro | Himalajo | ||
Geografia situo | 27° 58′ N, 86° 56′ O (mapo)27.96666666666786.933333333333Koordinatoj: 27° 58′ N, 86° 56′ O (mapo) | ||
| |||
Unua grimpo | 18-an de majo 1956, Fritz Luchsinger kaj Ernst Reis | ||
Plej facila montgrimpo | Altmontara ekskurso tra glaĉeroj | ||
Lhotse (en oficiala latina transskribo en Ĉinio: Lhozê; tibeta transliterumado laŭ Wylie: lho rtse; en ĉina: 洛子峰, en pinjina: Luòzǐ Fēng) estas monto en Himalajo.
Situo
[redakti | redakti fonton]Lothse situas ĉe la limo inter Nepalo kaj Ĉinio. Ĝi estas najbara monto de Ĉomolungmo kaj disigita de ĉi nur de la suda podio kun alteco de 7986 m s.m.. Kun alteco de 8516 m. s.m. ĝi estas la kvara plej alta monto de la tero. La tibeta nomo Lhotse signifas suda pinto, kio indikas ĝian apartenecon al la Ĉomolungmo-Masivo. De Lhotse respektive Lhotse-Shar en la sudan direkton falas rokvandoj de alteco de pli ol 4000 m. Pro ilia granda altecdiferenco kaj la ekstrema alteco super marnivelo tiuj vandoj apartenas al la plej malfacile grimpeblaj rokvandoj de la tero.
Lhotse Meza
[redakti | redakti fonton]Lhotse Meza estas flanka pinto de Lhotse, kiu malgraŭ ĝia alteco de 8410 m ne aperas en la klasika listo de la 14 montoj pli altaj ol 8000 m. Pro ĉi-tiu fakto kaj ankaŭ pro ĝia situo ĉe tre dekliva kaj fendoplena kresto kaŭzis, ke ĝi ne estis grimpita ĝis la jaro 2001 kiel unu el la lastaj de la proksimume 30 pintoj pli altaj ol 8000 m. Ĝi situas inter la ĉefpinto kaj Lhotse Shar kaj tial estas nomata interpinto. Estas ankaŭ dua interpinto, kiu ankaŭ portas la nomon Lhotse Middle, sed kutime kun la aldono East (oriento) pro ĝia pli orienta situo. Ties alteco estas malsame indikita en diversaj fontoj kun 8400 m sed ankaŭ nur kun 8372 m.
Lhotse Shar
[redakti | redakti fonton]Lhotse Shar estas flanka pinto de Lhotse kun alteco de 8382 m. Ĝi situas ĉe la orienta fino de la ekstreme dekliva kaj fendigita kresto kaj tiel ankaŭ nomiĝas orienta pinto. Oficiale ĝi estas konsiderata kiel flanka pinto de Lhotse. Pro ĝia dominado kaj la alteco de la breĉo, ĝi fakte preskaŭ plenumigas la kriteriojn fiksitajn por Himalajo por esti konsiderata memstara monto.
Unua grimpado
[redakti | redakti fonton]La unua grimpado okazis la 18-an de majo 1956 far la svisaj ŝnurkamaradoj Fritz Luchsinger kaj Ernst Reis. Ĝi estis la oka de la pli ol 8000-metrojn altaj montoj grimpita de homoj.