Palmiry

Tombejo en Palmiry

Janusz Kusociński, pseŭdonomo Kusy (naskiĝis la 15-an de januaro 1907 en Varsovio, murdita la 21-an de junio 1940 en Palmiry) – pola atletikisto, ora olimpika medalisto en Los Anĝeleso pri longdistanca kuro de 10 000 m, arĝenta medalisto de la 1-a Eŭropa Atletika Ĉampionado en la distanco de 5000 m.

Maciej Rataj, politikisto, verkisto, marŝalo de Pola Sejmo

Adamo Zamenhof, filo de Ludoviko Lazaro Zamenhof

Palmiry (52° 22' N 20° 47' E ^Mapo) estas vilaĝo en la pola vojevodio Mazovio. La vilaĝo estas parto de la komunumo Czosnów kaj havis 220 loĝantojn en 2006. La vilaĝo situas apud la Kampinosarbaro, kie inter 1939 kaj 1943 la germanaj nazioj mortpafis pli ol 2000 polajn intelektulojn/eminentulojn, rezistbatalantojn kaj politikajn kaptitojn. Ekde 1948 ĝi estas unu el la plej gravaj memorlokoj de Pollando.

Amasaj ekzekutoj

7.12. Unua konata amasa ekzekuto de malliberuloj transportitaj de Varsovio (laŭ atestantoj germanoj murdis 80 personojn) - ĝis printempo 1940 okazis ĉi tie ĉirkaŭ 20 amasaj ekzekutoj.

En Palmiry estis 21 amasaj ekzekutoj, nokte de la 20-a/21-a de junio kadre de la genocida Eksterordinara Ekstermiga Agado (kontinuo de la Intelektul-kampanjo) - germanoj mortpafis 378 eminentajn reprezentantojn de la pola politika, socia, kultura kaj sporta vivo - de varsovia enketa arestejo Pawiak oni alveturigis 358 personojn (en tio 82 virinojn) kaj la ceterajn de Gestapejo ĉe Aleo Szucha.

Mortpafitoj

Inter la pli ol 2000 viktimoj estis:

• Stefan Kopeć, pioniro de endokrinologio de insektoj
• Janusz Kusociński, Olimpika ĉampiono (1932) 10 km
• Maciej Rataj, politikisto, verkisto, marŝalo de Pola Sejmo
• Adamo Zamenhof, filo de Ludoviko Lazaro Zamenhof

Vidu ankaŭ

• Eksterordinara Ekstermiga Agado (AB)
• Intelektul-kampanjo
• Masakro de Wola
• Masakro de Katin

Eksteraj ligiloj

• Paĝo de la Muzeo en Palmiry Arkivigite je 2009-05-19 per la retarkivo Wayback Machine