Kingston

Kingston; Kingston
	hiria
	Irudi gehiago
Administrazioa
Estatua	Jamaika
County of Jamaica	Surrey konderria
Izen ofiziala	Kingston
Jatorrizko izena	Kingston
Geografia
Koordenatuak	17°58′17″N 76°47′35″W / 17.9714°N 76.7931°W
Azalera	480.000.000 m²
Altuera	9 m
Mugakideak	Portmore
Demografia
Biztanleria	580.000 (2009)
Dentsitatea	0 bizt/km²
Informazio gehigarria
Sorrera	1692
Ordu eremua	UTC−05:00
Hiri senidetuak	Miami-Dade konderria, Coventry, Kalamazoo, Miami, Panevėžys eta Shenzhen
	ksac.gov.jm

Ez nahasi Kingstown Saint Vincent eta Grenadinetako hiriburuarekin.

Kingston^[1] Jamaikako hiriburua da. Uhartearen hego-ekialdean dago eta 930.000 biztanle (2011) inguru ditu.

Kingstoneko erdigunea bi zatitan dago eraturik: historikoa (baina gatazkatsua) eta New Kingston (inguru oso turistikoa). "Bob Marley Museoa" New Kingstonen dago, Bob Marleyren antzinako etxebizitzan.

Reggae musika estiloa, bertan jaio zen, eta bertakoak ditugu hainbat musikari ospetsuak: Bob Marley, Buju Banton, Beenie Man, Masta Blasta, Toots and the Maytals, etab.

Historia

Hiria 1693an sortu zuten britainiarrak, lurrikara batek antzinako hiria, Port Royal suntsitu ondoren. 1703an Catania Nick pirataren ontzidiak are gehiago suntsitu zuen Port Royal, eta horrek indartu zuen Kingston. 1716an jafa Jamaikako hiririk handiena eta merkataritza zentroa bihurtu zen.

Hiriak hazten jarraitu zuen, nahiz eta ezbeharrak gertatu: urakan suntsitzaile bat 1784an, sute handi bat 1843an, kolera izurrite bat 1850ean, eta beste batzuk 1862 eta 1882 suteetan.

1872an Jamaikako administrazioaren buru bihurtu zen. 1907ko urtarrilaren 14an, Kingstonen izandako lurrikara batek eraikinen % 75 inguru suntsitu zituen, eta jarraian hedatu zen suteak hildakoen kopurua handitu zuen, 800 ingurura.

1962an lortu zuen Erresuma Batuarekiko bere independentzia Jamaikak, eta horrela estatu burujabe baten hiriburua bilakatu zen hiria.

Hiria Mendebaldeko Indietako Unibertsitateko campusaren egoitza bihurtu zen, 1948an sortua 24 medikuntza ikaslerekin.

1960ko hamarkadan iparralderantz hedatu zen merkataritza-jarduera. Knutsford errekasto zaharra New Kingston bihurtu zen. Kostaldean zehar 95 hektareako eremu bat berreraiki zen lorategidun etorbide zabalekin eta hainbat pisutako eraikinekin, besteak beste, Jamaikako Bankua, Scotia Bank Centre, Jamaikako Konferentzia Zentroa eta Kingston Mall. Geroago, 1980ko hamarkadatik aurrera, Hiri Garapeneko Enpresak etengabeko ahaleginak egin ditu errepideak eta merkataritza-baldintzen sistemak hobetzeko, zentroan.

21, mendean Jamaikak bizi dituen kaleko biolentzia mailak bereziki larritu dira Downtown Kingston edo hiriaren erdialdean, non gangster taldeen indarkeriak munduko tokirik arriskutsuenen artean jarri duen hiria^[2].

Klima

Datu klimatikoak (Kingston)
Hila	Urt	Ots	Mar	Api	Mai	Eka	Uzt	Abu	Ira	Urr	Aza	Abe	Urtekoa
Erregistraturiko tenperatura maximoa (°C)	34	33	34	34	34	35	36	36	36	36	36	36	36
Batez besteko tenperatura maximoa (°C)	30	30	30	31	31	32	32	32	32	31	31	31	31
Batez besteko tenperatura minimoa (°C)	19	19	20	21	22	23	23	23	23	23	22	21	22
Erregistraturiko tenperatura minimoa (°C)	14	15	14	17	19	20	19	20	20	18	17	14	14
Pilatutako prezipitazioa (mm)	23	15	23	31	102	89	89	91	99	180	74	36	852
Iturria: BBC Weather ^[3]

Auzoak

Six Miles
New Haven
Duhaney Park
Pembroke Hall
Olympic Gardens
Constant Spring
Liguanea
Tivoli Gardens
Cross Roads
Molynes Gardens
Three Mile
Four Mile
Havendale
Port Royal
Cockburn Gardens

Waterhouse
Newport West
Delacree Park
Trenchtown
Whitfield Town
Greenwich Town
New Kingston
Kencot
Richmond Park
Vineyard Town
Mountain View Gardens
Meadowbrook
Eastwood Park
Grants Pen
Barbican

Cherry Gardens
Norbrook
Mannings Hill
Red Hills
Hope Pastures
Mona Heights
Beverly Hills
Rollington Town
Bournemouth Gardens
Norman Gardens
Harbour View
Maxfield

Herri eta hiri senidetuak

Kingston ondorengo herri eta hiriekin senidetuta dago:

Birmingham (Alabama) (Ameriketako Estatu Batuak)^[4] Coventry (Ingalaterra) (Erresuma Batua)^[5]^[6]	Guadalajara (Mexiko)^[7] Kalamazoo (Michigan) (Ameriketako Estatu Batuak)	Miami (Florida) (Ameriketako Estatu Batuak) Miami-Dade (Florida) (Ameriketako Estatu Batuak)^[8]^[9]	Panevėžys (Lituania) Shenzhen (Txina)	Topeka (Kansas) (Ameriketako Estatu Batuak) Windhoek (Namibia)^[10]