Adolphe Menjou

Adolphe Menjou
	; Irudi gehiago
Bizitza
Jaiotza	Pittsburgh, 1890eko otsailaren 18a
Herrialdea	Ameriketako Estatu Batuak
Heriotza	Beverly Hills, 1963ko urriaren 29a (73 urte)
Hobiratze lekua	Hollywood Forever Cemetery (en)
Heriotza modua	berezko heriotza: hepatitisa
Familia
Ezkontidea(k)	Kathryn Carver (1928 - 1934); Verree Teasdale (1934 - 1963)
Hezkuntza
Heziketa	Cornell Unibertsitatea ; Cornell University College of Engineering (en) ; Culver Academies (en)
Hizkuntzak	ingelesa
Jarduerak
Jarduerak	karaktere aktorea, antzerki aktorea, zinema aktorea eta telebista-aktorea
Jasotako sariak	ikusi Izarra Hollywoodeko Ospearen pasealekuan ;
Zerbitzu militarra
Parte hartutako gatazkak	Lehen Mundu Gerra
Sinesmenak eta ideologia
Alderdi politikoa	Ameriketako Estatu Batuetako Alderdi Errepublikanoa

Adolphe Jean Menjou (Pittsburgh, Pennsylvania, 1890ko otsailaren 18a - Beverly Hills, Kalifornia, 1963ko urriaren 29a) Ameriketako Estatu Batuetako aktorea izan zen. Jatorri frantses eta irlandarrekoa zen^[1]; oinarrizko ikasketak bukatutakoan, Cornelleko unibertsitatean ingeniaria izateko ikasi zuen. Antzeztea gustuko, horretara bideratu zuen bere jarduna eta 1916an estreinako filma egin zuen: The Blue Envelope Mystery. Bigarren Mundu Gerran anbulantzien zerbitzuko kapitaina izan zen.

Gerra amaituta zinemara ekin zion ostera ere: The Sheik edo The Three Musketeers dira sasoi horretako lan nabarmenak (biak 1921ekoak). A Woman of Paris (1923) lanak Menjouren estiloa taxutuko zuen: gizon dotore eta fina, beti ondo jantzia eta prestua. Zinema soinudunarekin nabarmen egin zuen gora aktorearen ospeak. 1930ean Marlene Dietrich aktorearen pare arituko da Morocco filman, eta hurrengo urtean The Front Page lanagatik Oscar Sarietarako izendapena jaso zuen (gizonezko aktore onenaren sarirako); Lionel Barrymorek irabazi zuen. 1947an Menjouk ez zuen arazorik izan "House Committee on Un-American Activities" batzordeari laguntza emateko, Hollywoodeko komunisten aurkako oldarrean; "Motion Picture Alliance for the Preservation of American Ideals" taldeko partaide gogotsua izan zen Adolphe, eta honen antzera garai hartako beste aktore ezagun asko ere aritu ziren, komunistak harrapatzeko ahaleginean. Esaterako Barbara Stanwyck eta beronen senarra, Robert Taylor. Menjouk, modu berean, harreman katramilatsua izan zuen bestela pentsatzen zuten lankideekin; antza Katharine Hepburnekin lan egin zuenetan (Stage Door eta State of the Union filmetan) harremana laneko kontuetara mugatzen omen zen, ez baitzioten elkarri txintik ateratzen. Hepatitisak jota hil zen 1963an.

Filmografia

The Blue Envelope Mystery (1916)
The Sheik (1921), Rodolfo Valentinoren ondoan
The Three Musketeers (1921)
Head Over Heels (1922)
A Woman of Paris (1923)
The Marriage Circle (1924)
Forbidden Paradise (1924)
A Social Celebrity (1926)
The Sorrows of Satan (1926)
Service for Ladies (1927)
A Gentleman of Paris (1927)
Serenade (1927)
Mysterious Mr. Parkes (1930)
Morocco (1930)
The Easiest Way (1931)
The Front Page (1931)
Forbidden (1932)
A Farewell to Arms (1932)
Morning Glory (1933)
Convention City (1933)
The Trumpet Blows (1934)
Little Miss Marker (1934), tartean Shirley Temple
The Mighty Barnum (1934)
Gold Diggers of 1935 (1935)
The Milky Way (1936)
A Star Is Born (1937)
One Hundred Men and a Girl (1937)
Stage Door (1937)
The Goldwyn Follies (1938)
Golden Boy (1939)
The Housekeeper's Daughter (1939)
That’s Right You’re Wrong (1939)
Roxie Hart (1942)
You Were Never Lovelier (1942)
Hi Diddle Diddle (1943)
The Hucksters (1947)
State of the Union (1948), Spencer Tracy eta Katharine Hepburnekin batera
My Dream Is Yours (1949)
Across the Wide Missouri (1951)
The Sniper (1952)
The Ambassador's Daughter (1956)
The Fuzzy Pink Nightgown (1957)
Paths of Glory (1957), Kirk Douglasekin batera
I Married a Woman (1958)
Pollyanna (1960)

Erreferentziak

↑ [1] "Amaren familiak bazuen lotura James Joycerekin; aita Frantziatik Estatu Batuetara joandakoa zen, Cleveland aldean hainbat jatetxe sortu eta zuzendu zituena".