Chipo Chung
| Chipo Chung | |
|---|---|
 | |
| Bizitza | |
| Jaiotza | Tanzania, 1977 (46/47 urte) |
| Herrialdea |  Zimbabwe |
| Hezkuntza | |
| Heziketa | Yale Unibertsitatea Royal Academy of Dramatic Art 2003) Artean graduatu : antzezpen |
| Hizkuntzak | ingelesa |
| Jarduerak | |
| Jarduerak | aktorea eta zinema aktorea |
| Jasotako sariak | ikusi
|
   | |
Chipo Tariro Chung (Dar es Salaam, 1977ko abuztuaren 17a) Tanzanian jaiotako aktore eta aktibista zimbabwearra da, hainbat telesail britainiarretan parte hartzeagatik da ezaguna. Gaur egun Londresen bizi da[1].
Biografia
[aldatu | aldatu iturburu kodea]Aita Rugare Gumbo zimbabwearra eta ama Fay Chung txinatarra ditu eta Rhodesiako (gaur egungo Zimbabwe) gerratik ihes egin ondoren Dar es Salaam hirian errefuxiaturik zeudela jaio zen Chipo. Izenak "oparia" esan nahi du shona hizkuntzan. Aurreneko bi urteak Mozambikeko errefuxiatu esparruetan bizi izan ondoren[2] Zimbabwera itzuli zen familia, Harare hiriburura, eta Over the Edge antzerki konpainian graduatu zen. Aita Zimbabweko gobernuan agintzen zuen alderdiko kidea zen eta ama Hezkuntza ministroa[3].
Chipok 18 urte zituela ama Nazio Batuen Erakundean lan egitera Estatu Batuetara joan zen eta alaba berarekin eraman zuen. Yale Unibertsitatean ikasi ondoren Londresko Royal Academy of Dramatic Art (RADA) akademian graduatu zen 2003an[1]. Londresen antzerkian hasi zen lanean eta ildo politiko nabarmena zuten antzezlanak egin zituen, Talking to Terrorists (Royal Court Theatre), The Overwhelming (Royal National Theatre) eta Fallujah (Condoleezza Rice-ren rola betez), baina Helen Mirren aktorearekin batera Fedra antzezlan klasikoan ere egin zuen lan.
2007 eta 2008an Doctor Who telesail ospetsuan atal bana egin zituen pertsonai desberdinen paperean. Beste telesail britainiar batzutan ere agertu zen, paper garrantzitsuena Camelot telesailean betez, Vivian zerbitzaria izan zen 8 ataletan[4].
2015ean Estatu Batuetako A.D. The Bible Continues telesail biblikoan rol garrantzitsua izan zuen, Maria Magdalena izan zen hain zuen ere[5], eta Into the Badlands telesailean ere 14 ataletan agertu zen The Master liderraren paperean[6].
Aktibismoa
[aldatu | aldatu iturburu kodea]SAFE-Kenya elkartea sortu zuen Nick Redingekin batera. Antzerkiaren bidez aldaketa sozialak bultzatu nahi dituen elkartea da, GIB birusean eta klitoriaren ablazioan zentratzen da bereziki[7]. Peace Direct elkartean ere hartzen du parte, Zimbabwen bakearen alde lan egiten duen emakume taldea da[8]. RADA Council eta Britainia Handiko International Committee for Artists' Freedom (ICAF) elkarteetako kide ere bada[9].
Filmografia
[aldatu | aldatu iturburu kodea]Filmeak
[aldatu | aldatu iturburu kodea]| Urtea | Filma | Pertsonaia | Oharrak |
|---|---|---|---|
| 2005 | Proof | Unibertsitateko laguna | |
| 2007 | Sunshine | Icarus II (ahotsa) | |
| 2009 | In the Loop | Annabelle Hsin | |
| 2011 | 360 | Editorea | |
| 2012 | Labalaba, He'll Return | Atika | laburmetraia |
| 2013 | Red Zone | Starling (ahotsa) | laburmetraia |
| 2014 | Beyond Plain Sight | Agnes Takahata | laburmetraia |
| 2018 | Thomas & Friends: Big World! Big Adventures! | ahotsa |
Telesailak
[aldatu | aldatu iturburu kodea]| Urtea | Filma | Pertsonaia | Oharrak |
|---|---|---|---|
| 2003 | Absolute Power | Miriam | atal bakarra |
| 2007 | Dalziel and Pascoe | Layla Jadwin | 2 atal |
| 2007–2008 | Doctor Who | Chantho eta Etorkizun esataria | 2 atal |
| 2007 | Holby City | Dr. Nicola Wood | atal bakarra |
| 2008 | The Last Enemy | Lucy Fox | 2 atal |
| 2009 | Casualty | Dan Dan | atal bakarra |
| 2009 | National Theatre Live | Ismene | atal bakarra |
| 2010 | Identity | Michelle Fielding | atal bakarra |
| 2011 | Camelot | Vivian | 8 atal |
| 2012 | Sherlock | Presenter | atal bakarra |
| 2015 | Fortitude | Trish Stoddart | 5 atal |
| 2015 | A.D. The Bible Continues | Maria Magdalena | 12 atal |
| 2015 | From Darkness | Jemima Greer | atal bakarra |
| 2016 | Thirteen | Alia Symes | 3 atal |
| 2017–2019 | Into the Badlands | The Master liderra | 14 atal |
| 2018 | Thomas & Friends | Hong-Mei | ahotsa |
Bideo-jokoak
[aldatu | aldatu iturburu kodea]| Urtea | Bideo-jokoa | Pertsonaia |
|---|---|---|
| 2017 | Hellblade: Senua's Sacrifice | Narratzailea |
Mugikorrerako aplikazioak
[aldatu | aldatu iturburu kodea]| Urtea | Aplikazioa | Pertsonaia |
|---|---|---|
| 2017 | Deep Time Walk | Zientzilaria |
Erreferentziak
[aldatu | aldatu iturburu kodea]- ↑ a b (Ingelesez) «How We Met: Chipo Chung & Bonnie Greer» The Independent 2011-07-31 (Noiz kontsultatua: 2020-07-05).
- ↑ (Ingelesez) «100 Women: 'I am Chipo Chung'» BBC News (Noiz kontsultatua: 2020-07-05).
- ↑ (Ingelesez) «Dr. Fay King Chung» Forum for African Women Educationalists: FAWE (Noiz kontsultatua: 2020-07-05).
- ↑ (Ingelesez) Jeffery, Morgan. (2011-06-27). «TV Heaven & Hell: 'Camelot' star Chipo Chung» Digital Spy (Noiz kontsultatua: 2020-07-05).
- ↑ (Ingelesez) «Jesus was a feminist, says Mary Magdalene actress» The Independent 2015-04-05 (Noiz kontsultatua: 2020-07-05).
- ↑ (Ingelesez) «(SPOILERS) Into the Badlands Q&A — Chipo Chung (The Master)» AMC (Noiz kontsultatua: 2020-07-05).
- ↑ (Ingelesez) Welcome to S.A.F.E.. (Noiz kontsultatua: 2020-07-05).
- ↑ (Ingelesez) Cantrell, Tom. (2013-07-12). Acting in Documentary Theatre. Macmillan International Higher Education ISBN 978-1-137-01973-8. (Noiz kontsultatua: 2020-07-05).
- ↑ (Ingelesez) chipochung. (Noiz kontsultatua: 2020-07-05).
Kanpo estekak
[aldatu | aldatu iturburu kodea]- Aktorearen IMDBko fitxa irakurgai (Ingelesez)
| Autoritate kontrola |
|
|---|
Datuak: Q5101628
Multimedia: Chipo Chung / Q5101628
