Louis Mountbatten
Louis Francis Albert Victor Nicholas George Mountbatten (1900eko ekainaren 25a – 1979ko abuztuaren 27a) Erresuma Batuko amirala izan zen, Indiako azken erregeordea, eta Indiako Batasun independentearen lehen gobernatzaile nagusia (1947-1948). 1979an, Behin-behineko IRAk hil zuen, haren itsasontzian jarritako bonba batez.
Biografia
[aldatu | aldatu iturburu kodea]Viktoria erregina berramona zuen, eta Filipe, Edinburgoko dukea, haren biloba zen.
Lehen Mundu Gerran Jutlandiako bigarren itsas guduan hartu zuen parte. Bigarren Mundu Gerran Norvegia eta Frantziako indargune alemaniarren kontrako operazioak zuzendu zituen. 1943ko abuztuan, Asiako hego-ekialdean aliatuen aginte nagusia eman zitzaion. Japoniarrak Birmaniatik eta Singapurretik egoztea lortu zuen.
Diplomatiko nabaria ere izan zen. Lord Wavell ordezkatu zuen Indiako azken erregeordea izateko, eta independentzia prozesua burutzea egokitu zitzaion. India independenteko lehen gobernatzaile nagusia ere izan zen, Jawaharlal Nehru lehen ministroak eskatuta.
Heriotza
[aldatu | aldatu iturburu kodea]Mountbattenek udako oporrak Donegal konderrian pasa ohi zituen, Irlandako ipar-mendebaldeko kostaldean. Garda Síochának segurtasunaren inguruan emandako aholkuak eta ohartarazpenak gorabehera, 1979ko abuztuaren 27an arrantza egitera irten zen. Aurreko gauean, Thomas McMahon IRAko kideak urruneko kontroleko bonba bat paratu zuen 10 metroko txalupan. Ezezagun batek leherrarazi zuen bonba, Mountbatten eta beste batzuk barruan zirela.
McMahonek bizitza osorako kartzela zigorra jaso zuen 1979ko azaroaren 23an.
Gerry Adamsek ondokoa adierazi zuen Mountbattenen heriotzari buruz:
« | IRAk arrazoi argiak eman ditu exekuzioaren inguruan. Uste dut zoritxarrekoa dela edonor hil behar izatea, baina Mountbattenen heriotzak ekarri duen oldarkorkeriak agerian utzi du komunikabide nagusien joera hipokrita. Lorden Etxeko kidea izanik, Mountbatten irudi hunkigarria zen bai britainiar bai irlandar politikan. IRAk hari egindakoa da Mountbattenek berak bizitza osoan zehar besteei egin zien gauza bera; eta haren gerrako aurrekariak kontuan hartuta, ez dut uste muzin eginen zionik gerra egoera garbi batean hiltzeari. Bazekien herrialde honetara etortzeak zer nolako arriskua zekarren. Nire iritziz, IRAk xedea bete du: jendea hasi da Irlandako egoerari arreta jartzen. | » |
![]() |
Wikimedia Commonsen badira fitxategi gehiago, gai hau dutenak: Louis Mountbatten ![]() |
- 1900eko jaiotzak
- 1979ko heriotzak
- Londrestarrak
- IRAk hildakoak
- Erresuma Batuko militarrak
- Lehen Mundu Gerrako militarrak
- Royal Societyko kideak
- Erresuma Batuko diplomazialariak
- Erresuma Batuko anglikanoak
- Ohorezko Legioko gurutze handiak
- Royal Navyko ofizialak
- Galtzariaren zaldunak
- Battenberg familia
- Britainiar Inperioa Bigarren Mundu Gerran
- Erresuma Batuko Kontseilu Pribatuko kideak
- Almirantazgoko Lordak
- Indiako Izarraren Ordenako Gurutze Handiko Zaldunak
- Viktoriar Errege-Ordenako Gurutze Handiko Zaldunak
- Indiako gobernadore orokorrak
- Bainuaren Ordenako Gurutze Handiko zaldunak
- Gerrako Gurutzea jaso dutenak
- Itsasoko Lehen Lord eta Itsas-armadako Estatu Nagusiko buruak
- Bigarren Mundu Gerrako Royal Navyko almiranteak
- Lehen Mundu Gerrako Royal Navyko ofizialak