Vanessa Bryant
Vanessa Bryant | |
---|---|
![]() | |
Bizitza | |
Jaiotza | Huntington Beach (Kalifornia), Los Angeles eta Kalifornia, 1982ko maiatzaren 5a (42 urte) |
Herrialdea | ![]() |
Familia | |
Ezkontidea(k) | Kobe Bryant 2020) Kobe Bryant (2001 - 2020) |
Seme-alabak | ikusi
|
Hezkuntza | |
Heziketa | Marina High School (en) ![]() |
Jarduerak | |
Jarduerak | filantropoa, modeloa, executive (en) ![]() |
![]() ![]() ![]() |
Vanessa Marie Bryant , jaiotzaz Vanessa Marie Urbieta Cornejo, ezkongabetan amaren 2. senarraren Laine abizena erabili zuen (Los Angeles, Kalifornia, 1982ko maiatzaren 5a) estatubatuar filantropoa da. Kobe Bryant saskibaloi-jokalariarekin ezkontzean ezaguna egin zen. 2007an bikoteak Kobe eta Vanessa Bryant Fundazioa sortu zuten, mundu osoko gutxiengoen unibertsitate-ikasleei bekak emateko. Bryantek Mamba eta Mambacita Kirol Fundazioa zuzentzen du, behar duten haur atletei laguntzeko helburuaz. Granity Studioseko presidentea eta zuzendari exekutiboa da.
Biografia
[aldatu | aldatu iturburu kodea]Bryant 1982ko maiatzaren 5ean jaio zen Kaliforniako Los Angelesen.[1] Jatorri anitza du: mexikarra, irlandarra, ingelesa eta alemana.[2] Haurra zela banandu ziren gurasoak. Dibortziatu ostean, aita biologikoa Kalifornia Beherera joan zen. Sophie izeneko ahizpa nagusia du. Ama bidalketa-langilea zen elektronika-enpresa batean. 1990ean, enpresa horretako gerentea zen Stephen Lainerekin ezkondu zen ama. Ezkontzaren ostean Laine izena hartzen hasi zen eta Vanessa Marie Laine izena hartu zuen ofizialki 2000. urtean, nahiz eta bere aitaordekotzat zuena, inoiz ez zuen ofizialki adoptatu.[3]
Bere familiaren etxea Garden Grove-n (Kalifornia) zegoen, eta aitona 'adoptatuarekin' bizi izan zen, Robert Lainerekin, Huntington Beach-en (Kalifornia). Bigarren Hezkuntzako Itsas Eskolara joan zen.[4][5]
1999ko abuztuan, Bryant eta Rowena Ireifej laguna hip-hop kontzertu batera joan ziren Irvine Meadows anfiteatrora. Konpainia batek aparteko lana eskaini zien musika-bideoen dantzari gisa. Geroago Bryant Krayzie Bone eta Snoop Dogg artistentzako bideo musikaletan agertu zen. Amak lagundu zion filmazioetan.[6] 1999ko azaroan, Bryantek gero senarra izan duen Bryant ezagutu zuen "G'd Up" abestiaren bideo musikalaren setean. Harreman handi horrek etenak eragin zituen bere bigarren hezkuntzako ikasketetan, eta, horren ondorioz, Bryantek azken urtea etxean osatu zuen, azterketari libre gisa. Bigarren Hezkuntzatik 2000. urtean graduatu zen ohorez.
Ibilbidea eta filantropia
[aldatu | aldatu iturburu kodea]2007an, Bryantek eta haren senarrak VIVO Fundazioa sortu zuten eta gero Kobe eta Vanessa Bryant Fundazioa izena hartu zuen. Gazteen artean gero eta ikuspegi global handiagoaren alde egiten duen ongintzako erakundea da. Gutxiengoetako unibertsitateko ikasleentzat eta mundu osoko beste gazte batzuentzat bekak eskaintzen ditu. Ongintzako erakundeak Make-A-Wish Fundazioari lagundu dio.[7]
Bryantek eta haren senarrak Historia eta Kultura Afroamerikarraren Museo Nazionalaren emaile-sortzaileak izan ziren.[8]
2020an, senarra eta bigarren alaba nagusia hil ondoren, fundazioari izena aldatu zion Bryantek Mamba Sports Foundation barik, alabaren omenez, Mamba and Mambacita Sports Foundation jarrita. Kirolari pobreei laguntzen die. 2021eko maiatzean, Bryantek Mambacita arropa linea bat kaleratu zuen, Gianna alabaren omenez. Linea Dannijo emakumezko markari lotuta dago, eta diru-sarrera guztiak Mambacita Kirol Fundaziorako dira.[9]
Bryant Granity Studioseko presidente eta zuzendari exekutiboa izan zen.
Bryantek Baby2Babyrekin lan egin zuen pobrezian zeuden emakume eta haurrei laguntza emateko. Baby2Babyren 10. urteko ekitaldian, 2021eko azaroan, filantropia-saria jaso zuen.[10]
2022ko otsailaren 8an, Sports Power Brunchen: kiroletan emakume boteretsuenen izenean Be Your Own Champion saria jaso zuen Bryantek, Mambacita Sports Foundationen izandako lidergoarengatik.
Bizitza pertsonala
[aldatu | aldatu iturburu kodea]Laine eta Kobe Bryantek ezagutu eta sei hilabetera hartu zuten konpromisoa, eraztun eta guzti. Zazpi kilateko diamantea zuen bere konpromiso-eraztunak.[11] 2001eko apirilaren 18an ezkondu ziren. Hamabi lagun inguru joan ziren ezkontza pribatura, eta St. Edward Church-en egin zen, Dana Pointeko (Kalifornia) erromatar eliza katolikoan. Ezkondu eta gero, abizena hartu eta Vanessa Marie Bryant bihurtu zen.[12][13]
2003ko urtarrilean, Natalia izeneko lehen alaba izan zuten.
2003 urteko sexu-erasoaren kasuan, Bryantek senarra defendatu zuen, eta hauxe esan zuen: "Badakit senarrak adulterio-akatsa egin duela".[14] Handik egun batzuetara, 4 milioi dolarreko balioa zuen zortzi kilateko diamante morez egindako eraztun bat jaso zuen. Horregatik, laguntzeagatiko oparia zela esan zen. David K. Wiggins kirol-ikasketetako irakaslearen arabera, senarrak eraztuna bi hilabete lehenago eskatuta zuen.[15]
Bryantek eragin handia izan zuen senarrarengan. Bera izan zen tabloideen espekulazio-gunea. 2004an, Bryantek Los Angeles Lakerseko taldeko Karl Malone jokalariari harekin modu desegokian jokatzea leporatu zion. Malonek, gero, barkamena eskatu zion eta ezetz esan zion. Sports Illustrated-ek Vanessa-gate izeneko istorioa argitaratu zuen, Maloneren "emazteen ezkutuko ehizari" buruzkoa. Beste zutabegile batek Yoko Ono berritzat jo zuen Bryant, eta Saturday Night Liven parodia egin zen.
2005eko udaberrian haurdunaldi ektopiko baten ondorioz, Bryantek berezko abortua izan zuen.[16] 2006 urteko maiatzean jaio zen bere bigarren alaba, Gianna–Onore.[17]
2009an, Bryanti salaketa jarri zion bere etxe zaintzaileak, María Jiménezek, eta ahoz abusatu zuela eta Newport Coast-en etxean lan egiten zuen bitartean, umiliatu egin zuela gaineratu zuen. Bryantek ukatu egin zituen salaketa horiek, eta era berean, Jiménezi ere salaketa jarri zion kontratuko konfidentzialtasun-hitzarmena ez betetzeagatik.
2011ko abenduaren 16an, Vanessak Koberengandiko dibortzioa eskatu zuen,desberdintasun bateraezinak zirela eta. Horrek Koberen finantza-'adarrei' buruzko espekulazioak eragin zituen, eta zenbaiten ustez Vanessak 75 milioi dolar jaso zitzakeen.[18] Hamahiru hilabete geroago, Bryanttarrek dibortzioa bertan behera utzi zuten. 2016ko apirilean, Los Angeles Timeseko David Wharton eta Nathan Fennok Bryant irudi publiko kontraesankor eta batzuetan polarizatzailea zela esan zuten.
2016ko abenduaren hasieran, Bryantek hirugarren alaba bat, Bianka Bella, erditu zuen, eta 2019ko urtarrilean Bryant-ek laugarren alaba espero zutela jakinarazi zuten.[19][20][21][22] 2019ko ekainean jaio zen bere laugarren eta azken alaba, Capri Kobe izenekoa.
Pribatutasunaren aurkako demanda
[aldatu | aldatu iturburu kodea]2020ko urtarrilaren 26an, Bryant-en senarra eta Gigi alaba Calabasasko helikoptero-istripuan hil ziren.[23] Los Angelesko konderriari salaketa jarri zion pribatutasuna eta zabarkeria ez errespetatzeagatik, istripuaren biktimen argazkiak atera eta modu desegokian partekatzeagatik. Epaiketa bat ezarri zen 2022ko otsailaren 22rako, abuztuaren 11n hasi zen, eta, azkenik, abuztuaren 24an, estatuak Bryanten alargunaren alde egin zuen, eta 16 milioi dolarreko kalte-ordaina jaso zuen.[24][25] 2023ko otsailean, Los Angelesko konderriak 28.85 milioi dolar ematea erabaki zuen Bryanti, eskari guztiei erantzuteko.[26]
Sariak eta aintzatespenak
[aldatu | aldatu iturburu kodea]- 2021eko azaroan filantropia-saria jaso zuen Baby2Babyren 10. urteko ekitaldian.[10]
- 2022ko otsailaren 8an, Sports Power Brunchen: kiroletan emakume boteretsuenen izenean Be Your Own Champion saria jaso zuen Bryantek, Mambacita Sports Foundationen izandako lidergoarengatik.
Erreferentziak
[aldatu | aldatu iturburu kodea]- ↑ Hubler, Shawn. (2005-03-05). «Vanessa Laine was just another sheltered Orange County teen - Then she fell in love with a phenomenon» Daily Press.
- ↑ Silas, Karen. (2020-02-28). «Kobe Bryant's wife Vanessa Bryant's background - everything you need to know» HOLA.
- ↑ Harris, Beth. (2003-08-05). «Brant and wife remain close» The Springfield News-Leader: 29..
- ↑ Gold, Scott. (2000-05-20). «Laker's Marriage Plans Are the Talk of His Fiancee's High School» The Los Angeles Times: 23..
- ↑ Lynch, Renee. (2000-05-20). «Kobe: Fame Descends on Marina High School» The Los Angeles Times: 217..
- ↑ Wharton, David; Fenno, Nathan. (2016-04-17). «Much like her husband Kobe, Vanessa Bryant has been a contradictory, at times polarizing public figure» Los Angeles Times.
- ↑ Schultz, Kyley. (2020-01-26). «Here's how you can donate to the Kobe and Vanessa Bryant Foundation» WUSA9.
- ↑ «Statement on the Death of Basketball Icon and Museum Founding Donor Kobe Bryant» National Museum of African American History and Culture 2020-01-28.
- ↑ «Vanessa Bryant 'Extremely Thankful' for Friends Who Have Helped Her Cope With Kobe and Gianna's Deaths» KVUE 2021-01-25.
- ↑ a b Rodriquez-Jimenez, Jorge. (2021-11-15). «Vanessa Bryant Remembers Kobe's Commitment to Philanthropy While Accepting Award» Remezcla.
- ↑ DiFilippo, Dana. (2001-04-23). «Kobe's mystery marriage» Philadelphia Daily News: 5..
- ↑ «Superstar Kobe says 'I do' and little else» The Philadelphia Inquirer: 39. 2001-04-26.
- ↑ «Reports: Kobe Bryant gets married» Tulare Advance-Register: 17. 2001-04-22.
- ↑ «Tears for Kobe: Wife files for divorce» Visalia Times-Delta: 11. 2011-12-17.
- ↑ Wiggins, David K.. (June 2021). «Kobe Bryant's Second Act: a Brief but Beautiful Post-basketball Life» Journal of African American Studies 25 (2): 265–284. doi: . ISSN 1559-1646..
- ↑ «Kobe Bryant carries guilt over wife's miscarriage, blames rape allegations: 'The reality is it happened because of me'» New York Daily News 2015-03-03.
- ↑ «Shaq is a Dad Six Minutes After Kobe» Contact Music 2006-05-02.
- ↑ Rojas, Rick; Winton, Richard. (2011-12-20). «Bryant's wife stands to receive a windfall» The Sacramento Bee: C3..
- ↑ Drysdale, Jennifer. (2016-12-08). «Kobe Bryant and Wife Vanessa Welcome Third Child» Yahoo!.
- ↑ Harris, Sarah Jane. (2016-12-08). «Kobe Bryant welcomes his third child» sportingnews.com.
- ↑ Kobe Bryant Shares Adorable First Pic of Newborn Daughter Bianka. Entertainment Tonight 2016-12-21.
- ↑ Chiu, Melody. (2019-01-01). «'Mambacita!' Kobe Bryant Announces Fourth Daughter on the Way with Wife Vanessa» People.
- ↑ «Muere Kobe Bryant a los 41 años en un accidente de helicóptero» El País 26 de enero de 2020.
- ↑ «Comenzó el juicio de la viuda de Kobe Bryant contra el condado de Los Ángeles» El Universo 11 de agosto de 2022.
- ↑ «La viuda de Kobe Bryant será indemnizada con US$16 millones por la difusión de fotos gráficas del accidente en el que murieron su marido y su hija» BBC News Mundo 24 de Agosto de 2022.
- ↑ AFP, Agencia. «Vanessa Bryant recibe millonaria indemnización por fotos de Kobe» Telediario México.
Kanpo estekak
[aldatu | aldatu iturburu kodea]- 1982ko jaiotzak
- Gizabanako biziak
- Losangelestarrak
- Ameriketako Estatu Batuetako katolikoak
- Mexikar estatubatuarrak
- Filantropoak
- Emakume filantropoak
- Ameriketako Estatu Batuetako filanropoak
- Enpresaburuak
- Emakume enpresaburuak
- Ameriketako Estatu Batuetako enpresaburuak
- Modeloa (lanbidea)
- Emakume modeloak
- Ameriketako Estatu Batuetako modeloak