Tuwaalu

Tekst üüb Fering

Tuwaalu [tuˈvaːlu], amtelk Konstitutschunel Monarchii Tuwaalu (üüb Tuwaaluisk: Tuvalu an Fakavae Aliki-Malo i Tuvalu; iar Ellice Eilunen) as en eilunstoot uun't Pasiifik. Tu a nuurd leit Kiribaati, uun a uast Tokelau, tu a süüduast lei Samoa an Wallis an Futuna, tu a süüd leit Fidschi an tu a waast dön Salomoon-Eilunen. Det hee 10.640 lidj (2012)^[1]. At hoodsteed faan't lun as Funafuti.

Geografii

At lun as dial faan Polyneesien.

Iindialing faan Ferwalting

At lun hee tjiin distrikten:

#	Nööm	Grate (ha)^[1]	Lidj (2012)^[1]
1	Funafuti	279	6025
2	Nanumanga	278	481
3	Nanumea	387	544
4	Niulakita	42	27
5	Niutao	253	606
7	Nui	283	542
8	Nukufetau	299	536
9	Nukulaelae	182	324
10	Vaitupu	560	1555

Histoore

A eilunen wurd uun det 19. juarhunert dön Ellice-Eilunen neemd. 1877 kaam jo oner britisk ferwalting an wurd 1892 dial faan det britisk protektoraat Gilbert- an Ellice-Eilunen. 1915 wurd a eilunen ofisiel en kolonii. At lun wurd 1978 suwereen.

Politiik

Tuwaalu as en parlamentaarisk monarchii. At stootsbaas as de britisk monarch, tu tidj Köning Kaarl III.. Hi hee de amtelk tiitel Charles the Third, by the Grace of God King of Tuvalu and of His other Realms and Territories, Head of the Commonwealth. En generoolguwernöör, diar üüb a riad faan a premier-minister neemd wurt, fertreet a monarch üüb a eilunen an hee bluat representatiiw apgoowen.

Bütjenpolitiik

Tuwaalu as sant 5. September 2000 lasmoot faan dön Feriand Natschuunen.

Luke uk diar

Suwereen stooten uun Polyneesien: Cook-Eilunen, Nei-Sialun, Niue, Samoa, Tonga, Tuwaalu.

Kwelen

↑ ^1,0 ^1,1 ^1,2 Tuvalu, citypopulation.de

[tuwaalu-1] 1,0 ^1,1 ^1,2 Tuvalu, citypopulation.de

[1]