Premi Nobel
I Premis Nobel a forin creâts seguint lis volontâts che si cjatin tal testament di Alfred Nobel, inventôr de dinamite. La lôr funzion e je chê di premiâ personis che si son distintis in mût particolâr in cualchidun dai cjamps interessâts.
La prime cerimonie di assegnazion dai Premis e fo tal 1901, inte Academie Reâl di Musiche di Stocolme, in Svezie. La premiazion e ven fate dal re di Svezie, e al premiât, dongje di une medae, e ven assegnade la somme di 10 milions di coronis svedesis, pôc plui di 1 milion di Euros, cul fin di dâ une sigurece ai premiâts e judâju a puartâ indevant i lôs studis.
I diviers cjamps di assegnazion dai premis a son:
- Fisiche, decidude de Academie reâl des siencis svedese;
- Chimiche, decidude de Academie reâl des siencis svedese;
- Midisine o Fisiologjie, decidût dal Istitut Karolinska;
- Leterature, decidût de Academie svedês;
- Pâs, decidût dal Comitât Nobel norvegjês dal Parlament norvegjês;
- Economie, creât tal 1968 de Bancje centrâl svedês (Sveriges Riksbank); uficialmentri si clame Premi banche di Svezie par lis siencis economichis in memorie di Alfred Nobel;
La consegne dai premis e cole ogni àn ai 10 di Dicembar, aniversari de muart di Alfred Nobel, a Stocolme, in Svezie, fûr che il premi pe pâs che al ven consegnât a Oslo.
Altris premis
[cambie | modifiche il codiç]La mancjance di un premi pe matematiche e je chê plui evidente; un grum di ipotesis a son stadis fatis sul parcè di chest fat, e la conclusion plui probabil è je che probabilmentri Alfred Nobel nol jere interessât a cheste materie. Par chest a son stâts creâts altris premis, come la Medae Fields e il Premi Abel pe matematiche, il Premi Pritzker pe architeture o il Premi Turing pe computazion.
Leams esternis
[cambie | modifiche il codiç]- Fondazion Nobel (inglês)
- (inglês) Fondazion Nobel norvegjês (Nobel pe pâs)
- (talian) Nobelpreis.org