Makkingea

	Makkingea
	De Weyert, Makkingea
	Emblemen
	Bestjoer
Lân	Nederlân
provinsje	Fryslân
gemeente	Eaststellingwerf
	Sifers
Ynwennertal	1.030 (1 jannewaris 2023)
Oerflak	16,59 km², wêrfan: ; - lân: 16,53 km² ; - wetter: 0,05 km²
Befolkingsticht.	63 ynw./km²
	Oar
Koördinaten	52° 58' N 6° 13' E
	Lokaasje Makkingea (grien) yn 'e gemeente Eaststellingwerf
	Offisjele webside
	dorpmakkinga.nl/
	Kaart
	;

Makkingea is in doarp yn de gemeente Eaststellingwerf, west fan Easterwâlde. It doarp hat likernôch 1023 ynwenners (1 jannewaris 2009). By it doarp lizze de buorskippen Bûteheidefjild, Legeduerswâlde, Hegeduerswâld, Twitel en Fenebuorren.

Makkingea hat 1.030 (1 jannewaris 2023)^[2] ynwenners.

Skiednis

It doarp fierde yn 2008 it 600-jierrich bestean. Dat jubileumsjier soe op basis fan it neamen fan it doarp yn in oarkonde út 1408 oer in te beteljen skatting oan de biskop fan Utert keazen wêze. Neffens T.H. Oosterwijk yn syn boek Geschiedenis van de Ooststellingwerfse dorpen wurdt Makkingea lykwols net by dy doarpen neamd. Spahr van der Hoek skreau dat Makkingea yn dat jier noch ûnderdiel wie fan East-Nijeberkeap (it hjoeddeiske Nijeberkeap).^[3]^[4] In oare boarne ^[5] neamt 1527 as it jier dat Mackinge foar it earst neamd waard, wylst K.F. Gildemacher yn Friese plaatsnamen it jiertal 1408 neamd as earste fermelding fan de nammefariant Mackinge.^[6]

Wis is dat Makkingea yn 'e 15e iuw ûnstie as in boerestreek. It is in brinkdoarp, dat eartiids in soad te lijen hie fan oerstreamingen fan De Tsjonger. De Brink waard brûkt om kij en skiep by inoar te bringen en der stie ek in pomp. Nei alle gedachten krige Makkingea yn 1543 in tsjerke.^[7] De âldste klok fan de oan Sint-Bonifatius wijde tsjerke datearret fan 1463 en it doarp wie yn alle gefallen yn de 16e iuw in selsstannich parochydoarp.

Yn 'e rin fan de 17e iuw gyngen in soad pleatsen oer yn hannen fan net-boeren. Yn 1698 besiet Augustinus Lycklama à Nijeholt 12 pleatsen, wylst de Franckena's der 7 besieten. It skaai Lycklama à Nijeholt hie yn Makkingea in let-midsiuwske state, dy't op it plak stie dêr't hjoeddedei it doarpshûs stiet en yn 1829 ôfbrutsen waard.^[8] It hûs waard yn 1829 ôfbrutsen.

Makkingea wie yn de 17e iuw ûnderdiel fan de Fryske wetterline en dêr wie op in sânrêch in skâns. Op 24 en 25 augustus 1673 foelen Munsterske troepen de skâns oan. Striid hat der hast net west; dêr wie gjin oanfal ferwachte en de skâns hie gjin grutte besetting om in oermacht te wjerstean. De Fryske troepen moasten harren efter de Tsjonger weromlûke en ûnder de frjemde troepen hie de befolking te lijen fan ferskriklike wredens.^[9].

Fan 1848 oant 1886 wie Makkingea it haadplak fan de gemeente Eaststellingwerf. Foar 1848 wie Aldeberkeap dat, mar Makkingea bleau net lang it haadplak want al yn 1886 waard in nij gemeentehûs yn Easterwâlde yn gebrûk nommen. Yn 1855 waard de dyk fan Makkingea nei de Trije Tolhekken oanlein. Belangryk foar it doarp wie ek it graven fan de Makkingeasterfeart nei de Tsjonger yn 1887. Yn 1914 krige it doarp in oansluting op de tram fan Easterwâlde nei Stienwyk. Sûnt 5 oktober 1947 waard allinne noch fracht oer dat trajekt ferfierd, foar it lêst yn septimber 1962. Oan dat spoar stie ek it yn 1894 stifte molkfabryk De Eendracht. It fabryk bleau oant 1984 bestean en waard letter ôfbrutsen om plak te meitsen foar hûzen.^[10] Yn 1990 kaam dêr in keunstwurk fan Peter Hiemstra út Aldeberkeap ta neitins fan it fabryk, dat yn 2020 sloopt^[11] en in jier letter ferfongen waard troch in nij keunstwurk fan deselde makker.^[12]

Yn it doarp binne yn 1991 neffens nije ynsichten hast alle ferkearsboerden weihelle.

Mienskip

Oan de Oosterhuiswei stiet it Gritenenijhûs, it doarpshûs fan Makkingea. De bewenners wurde troch de doarpskrante Kermobri ynformearre. Makkingea hat in feriening Doarpsbelang.

Skoalle

Iepenbiere basisskoalle De Stelling

Ferienings

Aldjiersploech (MOP)
Fanfare Crescendo
Follyklub Makkingea
Frouljuskoar De Vriendschap
Iisklub Makkingea

Sportklub Makkingea:
- Fuotbalferiening Makkingea
- Kuorbalferiening Makkingea
Toanielferiening ‘t Ontluikend Bloempje

(De list is yn 2023 bywurke mei help fan û.o. de doarpsside. Sjoch foar de meast aktuele ynformaasje oer ferienings op de hiemside fan it doarp)

Befolkingsferrin

Jier	1840	1954	1959	1964	1969	1973	2004	2009	2015	2020
Ynwenners	294	1047	1053	999	890	797	1042	1042	1023	1015

(Boarnen: 1840: Plaatsengids; 2009: Gemeente Eaststellingwerf - Gemeentegids 2009-2010; 2015 en 2020: Alle Cijfers)

Berne yn Makkingea

Edo Johannes Bergsma (1862-1948), boargemaster Ynskedee
Bauke Schuurer (1898–1980), waarnimmend boargemaster Drylts/Flylân
Ike Nienhuis (1921-2001), koartebaanrydster
Enno Mandema (1921–2010), heechlearaar ynwindige genêskunde
Jan Kromkamp (1980-), fuotballer

Eveneminten

Fan maart oant en mei oktober wurdt op de lêst saterdei fan 'e moanne ien fan de grutste rommelmerken fan it noarden organisearre.^[13]

De Makkingeaster Aldjiersploech (MOP) organisearret eveneminten lykas:

Autocross Makkingea (twadde Peaskedei)^[14]
Tintefeest Makkingea (augustus)^[15]

It besjen wurdich

De Bonifatiustsjerke datearret fan 1775.
Oold Ark (museum)
By it museum stiet De Weyert, in âlde nôtmûne út 1925.

Strjitten

Sjoch: Strjitten yn Makkingea

Publikaasje(s)

Jan Nijholt en Jan Oosterhof - Makkinga, haar geschiedenis van zes eeuwen (2008)
Roelof Gorter - Dorpsgeschiedenis en Veldnamen (2013)

Sjoch ek

Fryske doarpen

Boarnen, noaten en referinsjes

Boarnen, noaten en/as referinsjes:

↑ https://opendata.cbs.nl/statline
↑ https://opendata.cbs.nl/statline
↑ Corpus Roemeling
↑ T.H. Oosterwijk: Geschiedenis van Ooststellingwerfse dorpen, side 95
↑ Nederlânsktalige wiki, oproppen 19 juny 2023
↑ Karel F. Gildemachter, Friese Plaatsnamen ISBN 978 90 330 0643 2
↑ PKN Makkingea- Elslo-Boyl
↑ Monumenten in Nederland. Fryslân(2000)–Sabine Broekhoven, Saskia van Ginkel-Meester, Chris Kolman, Yme Kuiper, Ronald Stenvert
↑ [T.H. Oosterhof, Geschiedenis van de Ooststellingwerfse dorpen, side 107]
↑ Zuivelfabrieken Friesland, oproppen 20 juny 2023
↑ Nieuwe ooststellingwerver, 12 novimber 2020
↑ Doarpsside, oproppen 20 juny 2023
↑ Doarpsside, oproppen 20 juny 2023
↑ MOP Makkinga
↑ MOP Makkinga

Wikimedia Commons

Ofbylden dy't by dit ûnderwerp hearre, binne te finen yn de kategory Makkingea fan Wikimedia Commons.

52° 59' NB, 6° 13' EL

	Eaststellingwerf
Doarpen en útbuorrens: Aldeberkeap • Appelskea • Donkerbroek • Easterwâlde • Elslo • De Fochtel • De Haule • Haulerwyk • Langedike • Makkingea • Nijeberkeap • Ravenswâld • Waskemar
Buorskippen: Aakingea • Alde Willem (foar in part) • Bekhof • Bentemaden • Boekhorst • Boppefjild • Bûteheidefjild • Buttingea • Deddingabuert • Ellebooch • Egypte • Feanebuorren • Feanekoaten • Frankryk • Hegeduerswâld • It Hegesân • Janssenstifting • Kanada • Klazingea • Kninebuert • De Knolle • De Kolannen • Koudenburch • Legeduerswâld • Medhuzen • De Monden (foar in part) • Moskou (foar in part) • Nanninga • Nije Feart • Petersburch (foar in part) • Prandingea • De Riete • Rolpeal • Skottelenburch • Skrappingea • Súdhoarne • Terwisscha • Trije Tolhikken • Tronde • Twitel • De Weper • Weperpolder • Willemstêd
· ·

[1] ttps://opendata.cbs.nl/statline

[2] ttps://opendata.cbs.nl/statline

[3] Corpus Roemeling

[4] T.H. Oosterwijk: Geschiedenis van Ooststellingwerfse dorpen, side 95

[5] Nederlânsktalige wiki, oproppen 19 juny 2023

[6] Karel F. Gildemachter, Friese Plaatsnamen ISBN 978 90 330 0643 2

[7] PKN Makkingea- Elslo-Boyl

[8] Monumenten in Nederland. Fryslân(2000)–Sabine Broekhoven, Saskia van Ginkel-Meester, Chris Kolman, Yme Kuiper, Ronald Stenvert

[9] [T.H. Oosterhof, Geschiedenis van de Ooststellingwerfse dorpen, side 107]

[10] Zuivelfabrieken Friesland, oproppen 20 juny 2023

[11] Nieuwe ooststellingwerver, 12 novimber 2020

[12] Doarpsside, oproppen 20 juny 2023

[13] Doarpsside, oproppen 20 juny 2023

[14] MOP Makkinga

[15] MOP Makkinga

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]