Turkmenistan

Türkmenistan Jumhuriyäti

Flagge Wapen
Offisjele taal	Turkmeensk
Haadstêd	Asjchabad
Steatsfoarm	Republyk
Gebiet % wetter	488.100 km² 0,49­%
Ynwenners (2005)	4.952.081
Munt	Turkmeenske manat (TMM)
Tiidsône	UTC +5
Nasjonale feestdei	27 oktober
Lânkoade	TKM
Ynternet	.tm
Tillefoan	993

Turkmenistan is in lân yn Aazje. Eartiids hearde it by de Sowjetuny. De haadstêd fan it lân is Asjchabad

Geografy

Lizzing

Turkmenistan hat in oerflak fan 488,100 km² en wurdt begrinzge troch:

• Kazakstan 379 km en Oezbekistan 1,621 km yn it noarden;
• Afganistan 744 km yn it easten;
• Iran 992 km yn it suden;
• de Kaspyske See yn it westen.

Lânskip

De heechste berch fan it lân hjit de Ayrybaba (3137m). It klimaat is kontinintaal subtropysk. Der falt oer it hiele jier net folle rein. De simmers binne waarm mei minder strange winters.

Skiednis

Nei de Oktoberrevolúsje yn Ruslân wie der in soad politike ûnfrede yn de regio en dat late ta it stiftsjen fan de Turkmeenske Sosjalistysk Sowjetrepublyk dy't in jier letter ta de Sowjetuny tatreedzje soe. Turkmenistan ferklearre himsels op 27 oktober 1991 ûnôfhinklik fan de Sowjetuny dy't yn datselde jier opholden wie te bestean.

Demografy

Fan de befolking is 89% moslim en 8% russysk-ortodoksk. Turkmeensk is de offisjele taal fan it lân. Likernôch 12% fan de ynwenners praat Russysk en 5% Oezbeeksk.

Distrikten

Bestjoerlik is Turkmenistan ferdield oer fiif provinsjes of welayatlar (meartal fan welayat):

Provinsje	Haadplak	Oerflak (km²)	Ynwennertal (1995)
Berea	Annau	95,000	722,800
Balkan	Balkanabat	138,000	424,700
Daşoguz	Daşoguz	74,000	1,059,800
Lebap	Turkmenabat	94,000	1,034,700
Mary	Mary	87,000	1,146,800

De haadstêd Asjchabad falt net ûnder in provinsje mar is in autonoame stêd mei 604,000 ynwenners.