Conor Murphy
.jpg)
Is polaiteoir de chuid Shinn Féin é Conor Terence Murphy[1] (rugadh ar 10 Iúil 1963 é) agus tá sé ina Chomhalta de Thionól Reachtach Thuaisceart Éireann don Iúr agus Ard Mhacha. Bhí sé ina Fheisire Parlaiminte do Iúr Cinn Trá agus Ard Mhacha ó 2005 go dtí 2015.[2][3]
Rugadh Murphy i gCamloch, Ard Mhacha Theas agus chuaigh sé san IRA Sealadach, le linn stailceanna ocrais 1981.[4]Sa bhliain 1982, gearradh pionós cúig bliana i bpríosún air, as ballraíocht san IRA agus as pléascán a bheith ina sheilbh aige.[5]
Idir 1989 agus 1997, bhí sé ina chomhairleoir ar Chomhairle Ceantair an Iúir agus Mhúrn le haghaidh limistéar na bhFeadh,[6] in Ard Mhacha Theas agus an Dún Theas, agus d'fhreastail sé mar ghrúpcheannaire an pháirtí ag an leibhéal sin.
Sa bhliain 1998, toghadh Murphy agus ball eile den pháirtí go Tionól Thuaisceart Éireann , do Iúr Cinn Trá agus Ard Mhacha. Atoghadh é féin, agus beirt eile dá chomhghleacaithe, ina gcomhaltaí den Tionól sa bhliain 2003.[7] Tá sé ina chónaí i gCamloch, Contae Ard Mhacha, lena bhean, Catherine, a iníon, Áine agus a mhac, Oisín. D'fhreastail sé ar Choláiste Cholmáin san Iúr, Ollscoil na Banríona, Béal Feirste agus Ollscoil Uladh.
Sa bhliain 2001, chuaigh sé san iomaíocht i gcomhair suíocháin i nDáilcheantar parlaiminte 'Iúr Cinn Trá agus Ard Mhacha'. Tháinig sé sa dara háit i ndiaidh an fhir a bhí ina fheisire don Dáilcheantar, mar a bhí, Séamus Mallon de chuid an PSDLO (Páirtí Sóisialta Daonlathach an Lucht Oibre). Nuair a chinn Mallon ar gan seasamh sa toghchán arís, tháinig Murphy i dtreis agus toghadh é ar 5 Bealtaine 2005.[8][9]
Tagairtí
[cuir in eagar | athraigh foinse]- ↑ Profile, ukwhoswho.com; accessed 29 November 2015.
- ↑ Northern Ireland Assembly: Conor Murphy
- ↑ "Conor Murphy biography". Cartlannaíodh an bunleathanach ar 2012-07-09. Dáta rochtana: 2017-02-20.
- ↑ "Sinn Féin can take Newry/Armagh".
- ↑ "Back to jail for politicians".
- ↑ Newry and Mourne election results Curtha i gcartlann 2011-03-16 ar an Wayback Machine ARK, accessed 1 April 2011
- ↑ "Newry and Armagh". Cartlannaíodh an bunleathanach ar 13 Samhain 2014. Dáta rochtana: 20 Feabhra 2017.
- ↑ "Changes certain in race for poll".
- ↑ "=Sinn Féin win Newry and Armagh".