Loch Michigan

Loch Michigan
Cineál	Loch
Cuid de	Loch Michigan-Huron; Na Lochanna Móra
Suíomh
Tír abhantraí	Stáit Aontaithe Mheiriceá
Limistéar riaracháin	Michigan, SAM, Wisconsin, SAM, Illinois, SAM agus Indiana, SAM
	44° 00′ 28″ N, 86° 45′ 23″ O / 44.007874°N,86.756451°W
Codanna	Green Bay (en)
Eisilteach	Loch Huron
Abhantrach draenála	Lake Michigan drainage basin (en)
Tréithe
Airde os cionn na farraige	176 m
Doimhneacht ingearach	281 m
Toisí	190 () × 494 () km ;
Imlíne	2,633 km
Achar	57,750 km²
Bearta agus táscairí
Toirt	4,918,000 hm³

Ceann de Lochanna Móra Mheiriceá Thuaidh is ea Loch Michigan agus an loch is faide siar ó dheas de na cúig loch fionnuisce seo atá suite i lár Meiriceá Thuaidh. Is í an t-aon cheann de na Locha Móra atá suite go hiomlán taobh istigh de na Stát Aontaithe agus nach bhfuil a bruacha thuaidh i gCúige Ontario i gCeanada.

Tíreolaíocht

Loch oighreach, is é sin loch a cruthaíodh a céaduair ag deireadh na Oighearaoise, atá i Loch Michigan. Faigheann sé uisce ó na haibhneacha sa réigiún timpeall uirthi, agus folmhaíonn sí soir ó thuaidh isteach i Loch Huron. Go deimhin tá Lochanna Michigan agus Huron ar chomh airde agus tógann sé 98 bliana (.i. am seadaithe de 98 bliana) sula dtéann uisce a thagann isteach i Loch Michigan éalú amach go Loch Huron. Go teicniúil, níl iontu ach aon loch mhór amháin. Tá achar dromchla iomlán de 22,300 mí² nó 58,000 km² aige.

Is í Loch Michigan an dara loch is mó de na Lochanna Móra ó thaobh toirt uisce agus an 3ú ceann is mó de réir dhromchla. Tá Loch Michigan 307 míle ar fad agus 118 míle ar leithead. Is é 923 troigh (280 méadar) an pointe is doimhne sa loch, áit a baineadh amach i bhfomhuireán den chéad uair sa bhliain 1985. Is é 279 troigh (85 m) meándoimhneacht na locha.

Tá stáit Wisconsin, Illinois, Indiana agus Michigan suite ar Loch Michigan. Tá Chicago agus Milwaukee ar na cathracha ar a mbruacha.