Altri
Altri SGPS SA | |
---|---|
Tipo | Sociedade anónima |
Persoas clave | Paulo Fernandes, (presidente e director executivo) |
Industria | Papel, pasta de celulosa, industria da enerxía |
Produtos | Pasta de madeira branqueada, coxeración, centrais eléctricas alimentadas con biomasa. |
Na rede | |
http://en.altri.pt | |
[ editar datos en Wikidata ] |
Altri SGPS SA é un conglomerado industrial portugués con sede no Porto. As principais empresas do grupo operan na produción de pasta de madeira, o cultivo de bosques para a industria da madeira e do papel e a coxeración de enerxía, incluíndo a produción de enerxía a partir de recursos renovábeis. Antes de 2008 o grupo tamén operaba na industria siderúrxica. O holding de Altri é Altri SGPS, SA., que cotiza na bolsa de valores Euronext Lisboa. As súas principais filiais son Celulose do Caima (industria do papel) e Celbi (industria do papel). A subsidiaria de Altri F. Ramada, que producía aceiro e sistemas de almacenamento como chapas e tiras de aceiro laminadas en frío, maquinaria, ferramentas e outros produtos relacionados, foi escindida como spin-off en bolsa en 2008. Altri naceu a partir dunha escisión dos activos industriais do grupo Cofina, logo chamado Medialivre, en marzo de 2005.[1]
Controversia en Palas de Rei
[editar | editar a fonte]O proxecto de construción dunha nova fábrica de celulosa en Palas de Rei, chamado proxecto Gama,[2] xerou unha ampla controversia debido a preocupacións ambientais, económicas e sociais.[3] O Consello da Xunta declarou este proxecto industrial como estratéxico en decembro de 2022, e a finais de 2023 a compañía presentou a documentación necesaria para a tramitación da autorización ambiental.[4]
A planta, que sería significativamente máis grande que outras instalacións similares en Galiza, xerou un debate sobre o seu impacto ambiental.[5] Os críticos do proxecto expresan preocupación polo consumo intensivo de auga que requirirá[6] e o impacto que isto terá sobre os ecosistemas locais e a biodiversidade, e especialmente relacionado co cultivo intensivo de eucalipto.[7]
A captación de auga prevista afectaría o río Ulla e, por extensión, a ría de Arousa, impactando a industria local da pesca e marisqueo.[5] Ademais, hai alarma polo potencial incremento da eucaliptización na zona, o que pode supoñer unha perda de biodiversidade e aumentar o risco de incendios forestais, un problema xa ben coñecido en Portugal.[8][9][10]
Tamén se sinalou a falta de comunicación e transparencia con respecto ao proxecto. Moitos residentes e propietarios de terras afectados senten que non foron adecuadamente informados ou consultados sobre a expropiación de terras para o proxecto, así como das implicacións para a agricultura e gandaría locais. En marzo de 2024 estivo aberto o prazo de alegacións,[4] e foron presentadas máis de 23.000 alegacións contra o proxecto.[11]
Notas
[editar | editar a fonte]- ↑ "AFX News". www.forbes.com.
- ↑ "Proyecto Gama: quién es quién en la macrocelulosa que Altri y Greenalia quieren instalar en Galicia" (en castelán). 2024-06-06. Consultado o 2024-07-02.
- ↑ Brocos, Gonzalo (2022-05-16). "Seis cuestións que abre a planta de Altri en Palas: pros, contras e oportunidades". Campo Galego. Consultado o 2024-03-06.
- ↑ 4,0 4,1 Diario, Nós (2024-03-04). "Aberto durante o próximo mes o prazo de alegacións ambientais á planta de Altri en Palas: así sería o proxecto". Nós Diario. Consultado o 2024-03-06.
- ↑ 5,0 5,1 Diario, Nós (2024-03-01). "Altri proxecta en Palas de Rei unha celulosa dez veces maior que Ence: así sería a planta de fibras téxtiles". Nós Diario. Consultado o 2024-03-06.
- ↑ "Adega alerta do proxecto de captación hídrica de Altri: "Fai augas por todas partes"". Nós Diario. 2024-02-27. Consultado o 2024-03-06.
- ↑ "A futura planta de celulosa en Palas de Rei enerva a veciñanza: nin “bio” nin sustentable". www.elsaltodiario.com (en local). Consultado o 2024-03-06.
- ↑ "Portuguese Report: QUESTIONNAIRE ON POPLARS AND OTHER FAST-GROWING TREES SUSTAINING PEOPLE AND THE ENVIRONMENT, 2016 – 2019" (PDF). FAO.org; Instituto da Conservação da Natureza e das florestas (en portugués e inglés). Consultado o 6 de marzo de 2024.
- ↑ "El eucalipto: culpable, tras los mortales incendios forestales de Portugal". Tiempo.com; Meteored (en castelán). 2017-07-21. Consultado o 2024-03-06.
- ↑ Larraz, Irene (2022-09-17). "El reto de poner un tope a la expansión del eucalipto". Newtral (en castelán). Consultado o 2024-03-06.
- ↑ "O proxecto de Altri suma máis de 23.000 alegacións mentres a Xunta conta finalizar a tramitación en 2025". Galicia Confidencial. Consultado o 2024-07-02.
Véxase tamén
[editar | editar a fonte]Wikimedia Commons ten máis contidos multimedia na categoría: Altri |