Antonov An-225
O Antonov An-225 Mriya (en ucraíno: Антонов Ан-225 Мрія; nome asignado pola OTAN: Cossack) foi un avión de transporte estratéxico fabricado por Antonov. O seu deseño, construído para transportar a lanzadeira Buran foi unha extensión do Antonov An-124. Mriya ("мпия") significa «soño» (inspiración) en ucraíno.
Cun peso máximo de 640 toneladas, o An-225 é o avión máis pesado do mundo. O Hughes H-4 Hercules, coñecido como Spruce Goose, tiña unha envergadura maior pero só voou nunha ocasión mantendo o voo algo máis de 1600 metros, en cambio o An-225, é o avión máis grande do mundo e engalou varias veces.[1]
En novembro de 2004, a FAI colocou o An-225 no Libro Guinness dos Récords cas súas 240 marcas.
Desenvolvemento
[editar | editar a fonte].JPEG)
O An-225 foi deseñado para o programa espacial soviético como unha substitución do Myasishchev VM-T. Pode transportar os foguetes impulsores do Enerxía e o transbordador espacial Buran, tendo unha misión similar ó Airbus Beluga e o Shuttle Carrier Aircraft.[2]
O avión era un sucesor do An-124. Para acadar os requisitos da súa nova tarefa, engadíronselle extensións á fuselaxe tanto a proa como popa das ás, que recibían as raíces alares.[2] Engadíronselle dous motores turbofan máis Lotarev D-18 ás novas raíces alares, sumando un total de seis e modificouse o tren de aterraxe cun total de 32 rodas. Elimináronse a porta e rampla traseiras para aforrar peso e se transformou a cola dun único estabilizador vertical a unha cola dobre cun estabilizador horizontal de grandes dimensións.
A cola dobre era unha necesidade, para poder levar grandes cargas nun contedor no exterior, que perturbarían a aerodinámica dunha cola convencional. A diferenza do An-124, o Mriya non foi deseñado para transporte táctico nin operar en pistas curtas. Ademais, nas pistas longas ten dificultades para operar, xa que ao engalar crea unha enorme perturbación no aire que provoca violentos vórtices, de xeito que o primeiro avión que queira engalar tralo Mriya debe esperar quince minutos. Por iso, o An-225 adoita frecuentar as pistas máis tranquilas, e así evita "entorpecer" o frenético ritmo de engalaxes e aterraxes, dos grandes aeroportos.
Historia
[editar | editar a fonte]
O An-225 realizou o seu primeiro voo o 21 de decembro de 1988. Comezáronse a fabricar dous avións, pero só se rematou un. Pode levar cargas moi pesadas, de ata 250 toneladas no seu interior ou 200 toneladas na parte superior da fuselaxe. As cargas externas poden medir ata 70 metros de lonxitude, para transportar foguetes e lanzar satélites ao espazo.[3] O segundo avión foi parcialmente construído a finais dos anos 80, en conexión co programa espacial soviético.
Trala desaparición da Unión Soviética e a cancelación do programa Buran, o An-225 operativo foi almacenado. Retiráronse os seis motores Lotorev para empregalos nos An-124 e o segundo An-225 case completo e sen motores tamén foi almacenado.
.jpg)
Operadores actuais
[editar | editar a fonte]
Notas
[editar | editar a fonte]- ↑ http://www.theaviationzone.com/factsheets/an225.asp. Antonov An-225 Mryia (Cossack). The Aviation Zone
- ↑ 2,0 2,1 http://vectorsite.net/avantgt.html#m3 Arquivado 29 de xuño de 2011 en Wayback Machine.. Antonov An-225 Mriya ("Cossack"). The Antonov Giants: An-22, An-124, & An-225
- ↑ "Aн-225 Мрия". Antonov ASTC. Arquivado dende o orixinal o 27 de setembro de 2007. Consultado o 14 de decembro de 2009.
Véxase tamén
[editar | editar a fonte]Outros artigos
[editar | editar a fonte] |
A Galipedia ten un portal sobre: Rusia |
Ligazóns externas
[editar | editar a fonte] |
Commons ten máis contidos multimedia sobre: Antonov An-225 |
- An-225 en Antonov.com (en inglés)
- Antonov An-225 Mriya 'Cossack' en Aerospaceweb.org (en inglés)
- An-225 en Buran-Energía.com (en inglés)
Avións de Antonov | ||
|---|---|---|
 | ||
