Gas natural

O gas natural é unha mestura de gases encontrado frecuentemente en combustíbeis fósiles, illado ou acompañando ao petróleo. Aínda que a súa composición sexa diferente dependendo da fonte da cal é extraído, é composto principalmente por metano en cantidades que poden superar 90 ou 95%, e outros gases como nitróxeno, etano, CO₂ ou restos de butano ou propano.

Utilización

É empregado como combustíbel tanto en industrias, casas e automóbeis. É considerado unha fonte de enerxía máis limpa que os derivados do petróleo e o carbón. Algúns dos gases da súa composición son eliminados porque non posúen capacidade enerxética (nitróxeno ou CO₂) ou porque poden deixar residuos nos condutores debido ao seu alto peso molecular en comparación metano (butano e máis pesados).

Combustíbel: A súa combustión é limpa e da unha vida máis longa aos equipamentos e menor custo de mantemento.
Automoción: Utilizado para motores de bus, automóbeis e camións substituíndo a gasolina e o alcol, pode ser até 70% máis barato que outros combustíbeis e é menos contaminante.
Industrial: Utilizado en industrias para a produción de metanol, amonio e urea.

Termoeléctricas

Existen varias centrais termoeléctricas a gas natural xerando electricidade no mundo. A súa distribución pode ser na forma gasosa ou líquida, despois de arrefriado a -160 graos Celsius.

Desvantaxes

As desvantaxes do gas natural con relación ao butano son: máis difícil de ser transportado, debido ao feito de ocupar maior volume, mesmo presurizado. Tamén é máis difícil de ser licuado, requirindo temperaturas da orde de -160 °C.

Actualmente están sendo investigados os xacementos de hidratos de metano das que se estima reservas moito maiores que as actuais de gas natural.

Véxase tamén

Outros artigos

Gasoduto