Ratatouille (filme)

Para outras páxinas con títulos homónimos véxase: Ratatouille (homónimos).

Ratatouille
Ficha técnica
Título orixinal	Ratatouille
Director	Brad Bird
Produtor	Brad Lewis
Guión	Brad Bird
Intérpretes	Patton Oswalt Lou Romano Ian Holm Janeane Garofalo Peter O'Toole Brian Dennehy Peter Sohn Brad Garrett Will Arnett James Remar
Música	Michael Giacchino
Fotografía	Sharon Calahan Robert Anderson
Montaxe	Darren Holmes Stan Webb
Estudio	Pixar
Distribuidora	Walt Disney Pictures
Estrea	2007
Duración	111 minutos
Orixe	Estados Unidos
Xénero	Animación
Orzamento	$150 000 000
Recadación	$623 700 000
Na rede
https://www.pixar.com/feature-films/ratatouille

Ratatouille é a oitava película de animación producida por Pixar. O seu nome provén da especialidade culinaria francesa ratatouille. Dirixida por Brad Bird (tamén responsable da dirección d' Os incribles) estreouse nas salas españolas o 3 de agosto de 2007.

Sinopse

Esta cinta preséntanos a Remy, unha rata que naceu cun desenvolvido sentido do olfacto. Cando descobre un libro do máis grande Chef de París, Remy marabíllase do mundo culinario, soña con converterse nun gran chef francés a pesar da oposición da súa familia, o seu pai e o seu irmán Emile, sen esquecer o problema evidente que supón ser unha rata nunha profesión que detesta os roedores. Logo de separarse da súa familia nun accidente, o destino leva Remy ós sumidoiros de París, pero a súa situación non podería ser mellor, xa que se encontra xusto debaixo dun restaurante que se fixo famoso grazas a Auguste Gusteau, unha estrela da cociña. A pesar do perigo que representa ser un visitante pouco común nos fogóns dun exquisito restaurante francés, a paixón de Remy pola cociña pon patas arriba o mundo culinario parisiense. Así coñece o inexperto e algo zoupón fregador Linguini, con quen fai unha profunda amizade, para así xuntos lograr ser os máis prestixiosos chefs de Francia. Cando todo parece mellorar, Remy atópase co seu irmán Emile, quen lle pide regresar coa súa familia. O roedor debátese entre a súa vocación e os seus seres queridos.

Galardóns e nomeamentos

• 2007: Oscar ó mellor filme de animación.

Véxase tamén

Ligazóns externas

• Páxina Oficial (Latinoamérica)
• Ficha na IMDb

Outros artigos

• Ratatouille: banda sonora da película (2007);
• Ratatouille: videoxogo baseado na película;