Sixeberto I de Austrasia

Sixeberto I de Austrasia
	;
Nome orixinal	(la) Sigibertus; (fr) Sigebert I
Biografía
Nacemento	535 ; valor descoñecido
Morte	575 (Gregoriano) (39/40 anos); Vitry-en-Artois, Francia
Rei dos francos
Actividade
Ocupación	monarca
Outro
Título	Rei dos francos (561–575)
Familia	Dinastía Merovinxia
Cónxuxe	Brunilda da Austrásia
Fillos	Ingund, Khildeberto II, Chlodosind
Pais	Clotario I e Ingund
Irmáns	Chram; Khilperico I; Cariberto I; Gontrán; Gundoaldo; Clodosvinda
Descrito pola fonte	Allgemeine Deutsche Biographie; Encyclopædia Britannica

Sixeberto I, nado no ano 535 e finado en Vitry en decembro de 575, foi o primeiro rei de Austrasia, trala división do reino de Francia logo da morte de seu pai Clotario I no 561. A súa nai era Ingunda.

Historia

Os ávaros, unha feroz tribo nómade relacionada cos hunos, fixeron incursións que lle obrigaron a mover a súa capital de Reims a Metz. Repeleu os seus ataques dúas veces, no 562 e o 568. No 566 contraeu matrimonio con Brunequilda, filla do rei visigodo Atanaxildo. No 567, a morte do seu irmán Cariberto I proporcionoulle o reino de París; ese mesmo ano Galswinta, irmá de Brunequilda e esposa do seu irmán Khilperico I, rei de Neustria, foi asasinada (esganada na súa cama, probabelmente por orde de Fredegunda, amante e futura esposa de Khilperico). Sixeberto decidiu vingar á súa cuñada, comezando así a guerra entre Neustria e Austrasia, que duraría ata 613 e sería continuada polos seus sucesores.

No 573, apoderouse de Poitiers e da Turaine, pero o seu medio irmán Khilperico, así mesmo, obterá conquistas en Aquitania, apoderándose tamén de Reims durante pouco tempo. Asinaron un acordo, que Khilperico incumpriu, e Sixeberto apoderouse do reino do seu irmán no ano 575. Con todo, inmediatamente logo de asumir a coroa, Sixeberto sería asasinado en Vitry por dous sicarios ás ordes de Fredegunda. O seu fillo Khildeberto II, de só 5 anos de idade, sucedeuno como rei de Austrasia.

Véxase tamén